又好耐無打blog lu~~上一次應該就係中秋節做服務個次啦...

2013年啦...新一年新開始...今日係我係2013年既第一次服務:)

亦都係我地義工組第一次帶outing:)可惜既係人唔係好多...

不過都因為人唔係好多...就無咁辛苦...

其實今次服務都有遇到一D比較難接近既小朋友...

我地一上到車,我坐左係一個自己坐埋一邊既小男孩旁...

玩車上遊戲既時候,佢好似一D興趣都無...自己攞左本漫畫出黎睇...

所以我諗住同佢傾下計啦...點知佢又好似唔係好理我咁

搞到我唔知點咁(自言自語?)...但係我無放棄到嫁...問下佢叫咩名,幾多歲,讀邊間學校咁...

佢回答我既方式都好特別。。。問佢叫咩名,佢勁快講出黎,但係我聽唔清楚..

所以問多次,點知佢就答我:姓x!之後又唔理我啦...問多一兩次先講...

問佢讀邊間學校,佢答我:最近個間...  見佢睇漫畫,就問佢係唔係好中意睇漫畫啦...

點知佢又答我:唔係!e位小朋友真係特別...所有答案都好特別...佢比我既感覺就好似覺得我煩咁...想自己靜下...

又或者因為我係女仔??可能同我講野有D怕羞???因為佢同我講野個陣係一D眼神接觸都無...

所以最後就叫左個義工哥哥同佢傾下計...當然,初時亦都係無咁順利...

去到農莊既時候又唔係好參與一D栽種植物既活動...不過就好中意同D小動物玩:)

最後回程既時候,個小朋友好似無咁陌生...車上遊戲都有參與到:)<--唔錯呀,我諗。。。

其實今日既行程都係參觀下...種下野...影下相...好似無咩特別咁...

總括黎講行程唔算辛苦,幾輕鬆...不過就唔知點解返到屋企之後就頭痛到爆炸...

我諗就應該係休息唔夠所以搞到咁...唉...所以話!休息係幾咁重要!!!

其實今日感覺好輕鬆.亦都無咩特別深刻既野咁...我諗我地就應該係唔夠了解班參加者...

同埋好小同佢地溝通...  :(

下次真係要留意返我地今次不足既地方!!!