今日係星期五,又係打機既時候啦....唔知係唔係近排天氣太熱呢?

小朋友們既火氣都大左~~~e幾日特別多中意發脾氣&打交...

實在太恐怖啦...當佢地情緒好激動既時候...我真係唔多夠膽走過去...

真係要佢自己冷靜落黎先得...成日都係到嘈交...小小事就己經可以搞大佢...

唉...其實經過e幾日之後...我真係好想快d學識點去處理e d事...

前日即係星期3...有個小朋友唔知做咩...無啦啦發我脾氣....

見佢咁...我都唔走埋佢到啦...但係今日又無晒事,仲要我同佢一齊打機...

打完一round,佢話想食野,miss要佢禮貌d問,佢唔肯...

之後又發脾氣啦...唉~~真係無佢辦法...星期3個日見識過佢發脾氣...

今日又見佢發脾氣...所以我都無咩點理佢...等佢冷靜下先....

不過e個都唔算係我所見最可怕既...打機前仲有個小朋友因為其他小朋友用佢手提打機,

打到個手提無晒電之後勁嬲勁唔開心...衝左出課室...仲話要返屋企...

好彩有個義工哥哥追出去...如果唔係真係有機會比個小朋友走左....

我出到去就見到佢情緒勁激動...真係比佢嚇親...

完全估唔到一個小朋友都可以咁好火....

佢地每一次都係興奮過頭就出事....成日都係玩得最開心既時候...

總係有一個會不滿,唔開心...有時見到佢地咁好火...情緒勁激動既時候真係有d不知所措...

亦都估唔到我做義工既時候...只不過係對住一班小朋友都會有害怕既感覺...

真係唔可以睇小班小朋友...