好似好耐無同班小朋友玩啦....今日又係去帶遊戲,做義工既日子啦

今次既義工服務反而無比之前既累...唔知點解呢?

可能係因為今次帶既遊戲入面唔駛點郁掛....不過就係因為e個原因....

小朋友都無之前咁活躍...不過甚麼時候都總有一兩個小朋友唔聽話....

但係其實我覺得今次既活動...第一係遊戲選擇得唔太好...氣氛唔多好...

第二係準備唔足夠....第三...我個人認為...我地義工們既溝通唔多夠....

不過經過今次之後...我相信下一次會注意返e d問題...

此外,我今日好似講得太多野...不過其實有時候...我係怕會died air...

所以盡量希望唔係遊戲時間既時候都只係有義工講野...唔希望比某D多口既小朋友講野~:P

其實我真係唔知咁樣係唔係應該既...所以有時我見其他義工唔出聲既時候...

我就會不停講不停講...所以...下次同我一齊帶遊戲既partner記得有咩要講...

stop左我...自己講就得嫁....唔駛理我...好似Kimi姐姐咁~

今次活動雖然有不足既地方...不過有一幕係我最中意既...哈哈~

我地今次活動有一part係唱歌...見到小朋友們都望住screen上面既歌詞緊住黎唱...

場面真係可愛~雖然有時候佢地會有唔識唱既字又或者唱到走左音....

不過佢地努力嘗試...可能係因為我地有扣分同加分制啦~

不過我睇得出有小朋友真係好投入...陶醉係唱歌既過程中~

我欣賞佢地~XD就連一開始唔多聽話既小朋友...唱起歌黎既時候都十分投入+陶醉

仲叫隔離搞亂檔既小朋友唔好嘈tim...場面真係好笑~

如果今日Kimi姐姐唔係唔舒服既話...我諗成個活動會好D~

Kimi姐姐...你要快D好返...休息多D呀~

下次活動努力~堅持每次義工服務完左都打Blog...留下美好回憶~HeHe~