今日好眼訓&累呀... 朝早又去暑托幫手啦...

睇佢地用泥膠整自己中意既野...佢地好有創意...

整得好靚靚呀~當中有個小朋友好快就整好自己既作品...

之後我就話同我一齊去問ar sir借筆寫返個名...

哈哈,其實我係驚佢整完自己既作品會去搞其他小朋友...

所以叫埋佢一齊去搵呀sir ,  係corridor行去搵ar sir既途中...

佢話想食糖,但係我都話唔到事...所以叫佢問呀sir...

去到office,呀sir一打開門問佢想做咩,佢就話佢想食糖重複左幾次...

之後我講多句:其實我地係想借筆  之後呀sir呆一呆...

呀sir話無糖呀...但係個小朋友係都話要食糖...咁呀sir就比佢選擇...

一係要筆,一係要糖....點知....唔駛諗都估到啦...佢話:我要糖!

哈哈....真係笑左....e d就係小朋友啦真係好可愛...

雖然呀sir講過話佢有過度活躍...但係佢認真既時候又唔多似wor~~

亦有另一個小朋友一直係到話:無糖食米無糖食囉...   因為我講過邊個唔乖就無得食...

點知到最後,呀sir黎派糖個陣講:邊個無作品比我睇就無得攞糖...

果個小朋友本來將自己既作品送左比人...但係聽到e句之後馬上拎返自己既作品~

真係好好笑....又話無糖食就唔要...但係聽到呀sir咁講又馬上攞返...口不對心既???

到最後既時候,因為我同另一個義工(Gian)整左個sample(蝴蝶&花),問邊個小朋友想要...

點知原來我地整既sample都幾受歡迎...都有5個小朋友話要...仲係到爭tim...真係估唔到...

本來今日仲驚緊班小朋友唔中意整手工...點知佢地最後竟然整得好開心

其實今日個個小朋友都好乖...係就係嘈左小小...但係都控制到...實在太好啦...

我真係好中意對住班咁活潑既小朋友~雖然係累左d~