今日又係一星期既開始啦...上回講到義工終於發火...

忍唔住一個小朋友啦...不過上星期5見佢地又幾乖wor~~

其實今日一去到中心,上次激嬲我個個小朋友又好無禮貌咁同d ar sir miss講野...

見到之後我d火又黎啦...真係唔想理佢...

不過後黎ar sir要佢地做英文工作紙,佢又竟然叫我教佢,

雖然佢係好無禮貌咁叫我,不過我話左佢一句之後,

佢又竟然有禮貌地再同我講多次,叫我教佢喎...見佢咁...咩火都收晒啦...

不過之後做晒工作紙...佢就同Gian姐姐出左去打康樂祺...

我就同另一個女仔行黎行去唔知做咩...咁見Gian姐姐佢地係到打緊祺...

自己又無野做,就行過去睇下啦....開頭我地行到過去都無咩野...

個個小朋友都同我有講有笑...但係打到差唔多埋尾既時間....

個小朋友竟然無啦啦發脾氣話唔玩,就咁走開左啦....咁我地就緊係追住佢問啦...

真係完全唔知發生咩事,Gian姐姐問到佢既時候,個小朋友就話我係佢打緊祺個陣阻左佢....

當時真係完全O晒嘴...到底發生咩事?我阻住你?我阻住你,你又同我講野?

又唔叫我行開?仲要無啦啦發脾氣tim...真係完全唔知佢諗咩...

咁佢都講左出黎話我阻住佢啦,咁我就走開啦...等Gian問清楚佢...

後黎問返Gian,佢就同我講,就係我同另外個女仔阻住佢囉...

不過都係唔知阻住佢D咩...不過後黎Gian哄完佢之後就問佢想玩咩啦....

佢話想玩電腦,但剛巧今朝上唔到網...之後Gian就話聽到佢喊既聲...

不過過左陣,個小朋友又好開心咁跳起....我聽到之後,真係勁多問號!!!

到底咩事呀?一時好串,一時好乖,一時好開心,一時唔開心,一時又發脾氣...

到底點呀???之前上左一堂,個導師話小朋友諗野真係可以好特別,

佢話唔中意,其實可以係唔中意D好特別既野...例如:個日你著衫既顏色/髮型...

所以之從聽左個一堂之後,我都唔會再諗點解佢唔中意我啦....

可能真係有好多原因係我自己都唔會諗到,只有個位小朋友諗到...

不過我今日就只係有好多問題想問...點解個小朋友d情緒可以咁多&大變化?

話變就變,完全無先兆...完全估佢唔到...仲有一個問題....

過度活躍既小朋友情緒真係可以超級激動,其實件事可能只係好小事,

但係唔知點解佢自己都可以發好大脾氣,超唔冷靜,E個係過度活躍症既其中一個特徵?

還是佢入面仲有樣野令佢咁大情緒變化?有時候對住D小學生,想知道佢冰山一角既背後原因,

其實真係有D難度,因為即使我點問佢,佢都係好串咁黎答我,我真係無晒佢辦法...

見佢地咁,心入面就問著:我地有咩可以幫到佢地?