聽日就係中秋正日啦祝大家中秋節快樂

今日係開學之後既第一次服務,同一班小朋友係中心入面玩定向。

基本上,今日差唔多所有義工都累到無人有...

主要原因都應該係因為有一半小朋友都有特別需要啦...

有四個可愛而又活潑既小男孩一組,有點lucky既係...

我唔係負責e組,,,如果唔係,我諗我會仲累...

不過其實我一開始既時候都覺得自己個組會無咩特別,會好平靜...

後來先知原來有個小朋友係自閉症既...一開始我個組係draw picture先啦...

個位小朋友唔肯draw,佢話自己唔識draw不過好彩後黎哄一哄佢,引下佢,都肯落筆

到佢唔識畫既時候又無啦啦拉住我隻手,想叫我教佢畫,其實個刻真係幾開心

不過後黎佢又唔肯同其他小朋友玩集體遊戲,真係sosad

之後見佢對氣球有興趣,所以就同佢全程玩氣球....但係當然佢會跑黎跑去...

之後我跟住佢...走足全中心...小朋友既energy真係多...當佢累既時候,

原來飲返杯水就可以補充到真係超勁!!!我真係同佢玩到好累

其實係個兩個鐘入面,我真係勁想去次所,不過又唔夠膽離開佢半步...

驚佢唔知會走左去邊...忍到我...

最好笑既係...個小朋友想同其他玩緊玩具既小朋友玩,

但係其他小朋友唔知佢叫咩名....個個小朋友一黎就好激動咁同其他小朋友講:

你竟然唔知我叫咩名??我叫xxx呀!!!你要記住我呀!!!!(好激動咁講)

我聽到之後真係完全呆晒

另外,其實我係服務入面,班小朋友都係叫我琪姐姐...

不過唔知由幾時開始,我今日變左琪琪miss...諗諗下,e樣都幾好笑

認真咁講一句!!照顧E班小朋友真係一D都唔簡單!!!一玩到好癲既時候真係好難控制...

雖然係累...但係我覺得今日係一個好好既經驗同埋其實都幾開心同幾有滿足感既~~

真係好想快D學一D可以控制到佢地情緒既方法

其實小朋友本身係可愛同乖,點解某部份小朋友要受咁多挑戰呢?

希望遲下可以快D又見返e班活潑既小朋友啦...

其實每一次都係完左服務之後好累好累,不過過左一段時間又會好想快D再做服務

我的確係一個好快忘記某D感受既人

我諗我地呢班義工今晚一定會好好訓!!!