今日又賣旗LU~~~起身時間同返學差唔多~~賣既成績都不太好

因為今日除左賣旗,仲有另一個任務...就係同另一個義工帶住兩位小朋友...

要幫手睇住佢地...雖然佢地唔係咩特別需要既小朋友...

不過真係好活潑...好可愛...好得人中意...亦都因為佢地既活潑,可愛and人見人愛...

我地每次行到路人身邊...大部份路人都比個兩位小朋友既可愛吸引住...

個個都幫佢地賣旗...佢地足足賣左百幾枝旗~而我e位姐姐...就只係賣左幾十枝旗

最慘既係仲要比班細路抽我地班義工姐姐水唉~~真係...不過唔緊要啦~~

今日都係一個好好既經驗

係賣旗既過程中,個兩位活潑既小朋友超給進取!!!不停走黎走去叫人買旗...

而我同另外個義工姐姐就不停追住佢地走來走去....同佢地講左幾十次...

「其實D人係會行過黎既...唔駛走黎走去嫁~~等佢行到過黎再叫佢地買旗都未遲呀~~~」

佢地都係聽完就算不過都係好事黎既~~~難得佢地咁中意賣旗...同埋小朋友係活潑既~~~

叫佢地企定定?真係無咩可能~~~而且佢地仲要係男仔....

只係我地班懶惰既中學生唔想郁姐~~~所以今日都令到我地做左幾個鐘小運動

都真係有D累...行得累,講都講到累...

一開次我地四個賣旗既時候,A小朋友比較進取d...成日都搶晒B小朋友既生意...

搞到B小朋友好唔開心...仲好似係到發悔氣咁...自己企埋一邊...唔理人...

A小朋友見到...佢又好好咁搵左D人黎買旗...就叫B小朋友去接生意...點知B小朋友唔肯...

D路人見到,又好好咁...兩位小朋友都幫手買...

之前上過training...導師話：其實小朋友同小朋友之間吵架...有時係可以比佢地自己搵解決方法...

因為佢地有另一種溝通方法...所以只要唔係大打出手...我地只需要係旁邊觀察住己經可以~~~

今日,我同另外既義工姐姐都真係體會到啦...佢地唔駛我地幫手...其實都可以解決問題...

有時候過份去幫佢地其實都未必係好事...今日真係一個好好既體驗

雖然,今日真係有勁多人請我食檸檬...真係好鬼酸>^<,又累...

不過都觀察到好多野...都體驗到E加既香港人係點...

有D真係勁誠實,話一陣會黎買...就真係黎...有D好好咁捐好多錢...

(其實多少都唔係問題,只要有心就可以嫁啦~)

有D就算身上唔係太多錢...佢都盡所能係衫袋,褲袋搵出黎

見到e d情景真係覺得好warm雖然佢地都唔係幫我買旗

當然亦都有人就咁行過...唔理我地...不過唔緊要啦~~

今日又袋左好多野落袋啦~~~收穫好多呀~~~

得閒去賣下旗真係唔錯嫁!!!!