今朝早暑托班小朋友唔知做咩...個個好似食左憤怒藥咁...

個個都係到嘈交...連平時最乖個位小朋友都係咁

一開始都無咩野...佢地係到嘈交,我就只好問下佢地發生咩事...

勸佢地唔好再嘈...唉~又係d小事...點解都可以嘈咁耐??

當我地一齊玩遊戲個陣,玩一個似killer既card game,叫狼人....

做狼人個位小朋友就係之前話唔中意我個位小朋友...

當然啦~佢第一個就係kill左我先...算啦~我預左...其實都開始唔太中意e位小朋友...

唔係因為佢話唔中意我就唔中意佢,而係因為佢態度真係唔好!!!

即使佢心情好唔好都係到串我地...話佢一句,佢就唔開心,話唔中意人...

不過我一直忍佢!每一次佢話我,我都廢是理佢,由佢講~~當然心裡唔好受...

不過我今日真係忍唔到啦!今日玩遊戲之前,miss叫班小朋友幫手拾返好d書,

佢本來係想叫我,但係佢唔係叫我名,而係唔知搵d咩整到我,我轉身望佢,

佢用d差既語氣叫我幫佢攞住d書...個一刻我真係忍唔到啦!

佢整到我,一句對唔住都無,仲要好似用d吩咐我既語氣同我講野,

真係唔好以為義工真係咩都就晒小朋友,唔識發火...我當時聽到,馬上黑面望住佢,嬲嬲地咁同佢講-->

「我點解要幫你呀?」之後佢又用d唔好既態度同我講野,好似唔知錯咁...之係我唔理佢...

去到圖書架既時候,佢又同我講野,我唔理佢,黑面,,行開...之後Gian姐姐聽到佢好無禮貌,

就話佢...個陣時,個小朋友終於知道我真係嬲佢....佢肯主動同我say sorry,

不過都係:「sorry『囉』,sorry『囉』」咁叫有誠意呀?唔收貨!!!

不過之後因為miss話要去玩遊戲啦,所以我都無同佢講點解我嬲佢,

唉~好後悔無同佢講返原因...之後既活動入面分兩組,

勁多小朋友有衝突...仲有兩個又係先動口,後想動手...

好彩我見到一個想走埋另一個到既時候就拉開左佢...咁先無事

不過其實當時我都驚驚地佢一拳打埋我到....真係好好彩

但係除左e個之外...之前己經被個小朋友係衝突發生之前,被佢d無情力踢到我一腳...

真係幾痛下....今日班小朋友特別恐怖呀~不過我係唔會放棄做義工!

反而令我更想接觸班小朋友~~加油呀!!!