呀wing,我覺得佢真係一個典型既好女仔。
溫柔細心,有責任感,聰明,樂於助人......優點數之不盡。
本應做朋友係好好,但係好難做倒知心朋友。
佢太多朋友喇,可以話我只係佢咁多朋友既其中一個。
我知佢唔想佢啲朋友唔開心,對個個都咁好,但係博愛未必係一件好事。
感覺上,我覺得呀wing同我做唔倒好長久既朋友。
可以話多我一個唔多,少我一個唔少。
我知道如果呀wing有睇尼篇,佢會向我解釋,佢會覺得有啲唔開心。
我唔想當面同佢講,係因為我唔知點答佢。
因為尼啲野唔係一言兩語就可以解決,係feel倒架......
夜晚同曉傾計,佢係我識得最耐,傾心事最多既朋友。
雖然佢冇咩優點,但係佢係我既好朋友......我覺得......
我問佢我係唔係佢既好朋友,佢竟然話唔係,我真係好愕然。
我唔明佢做咩唔信我,我可以發誓,我唔會呃我既好朋友,我一係就唔講既姐......
一個識左8年,成日傾心事既人竟然唔係你既好朋友,我諗我真係冇咩好朋友喇。
我普通朋友有唔少,知心既又有幾個?
就算我當佢係我既好朋友,佢都唔當我係。
係學校6年,竟然連一個知心既朋友都識唔倒,我真係失敗......
我唔需要好多朋友,只求有一兩可以同我傾心事,有事會幫我支持我,
最重要既係......佢都當我係佢最好既朋友......
| 
