今朝本來約左老陳,燒雞同羅霖去打波。
點知打唔夠10分鐘就開始落雨, 加上我同羅霖又未吃早餐, SO就去左新屯果間麥當當喇~
之後,我地喪嘟(<--尼個詞語係跟老陳學架)左新屯幾個地方喇:
Ⅰ. 麥當當
a. 我係麥當當嗌左一個包&熱香餅。
一路切塊熱香餅果時,老陳同燒雞就係隔離繪聲繪影咁描述我如何「屠餅」,
仲講到午夜屠夫同殺人事件......七情上面,十分投入!
我地稱為「屠餅事件」!
b. 我地係本來淨係玩淨低既牛油,仲互相「餵食」牛油
但係當羅霖食飽（注意＊係食飽，唔係食完）之後，老陳就將啲牛油溝落佢碗粉度。
之後，我地仲加入汽水，奶茶，糖漿......碗粉既「死狀」異常恐怖......
因為我地玩得太投入，亦都俾好多人望住＞＿＜
Ⅱ. 電話車&長頸鹿
本來我地想玩一樓果個迷你旋轉木馬架,但係俾個呀嬸望住,話我地太大,唔玩得。
於是我地去左新屯二樓,見到四部遊戲車仔。
老陳好似對部電話車一見鍾情,係咁搞佢前面啲制。
之後我地入左啲錢去部電話車老陳坐左入去,我地就踩上部車度,又搞前面啲制。
跟住我地玩長頸鹿車,因為部野太細,淨係坐倒一個人,於是我地就俾老陳上先。
老陳坐左上去幾秒後,太重,壓住左......
燒雞,都係停左.....而我都一樣......羅霖就唔使講啦......
之後見倒個呀嬸係一樓望我地,我就走左喇~
Ⅲ. 扣押燒雞
燒雞想走,番屋企,但係我地緊係冇易放過佢啦~
我地三人拉住佢,跑雲全新屯><
Ⅳ. 遊樂場
我地跟住燒雞去到新屯既遊樂場,之後我地係果度歇一歇。
然後我地係個遊樂場度反,玩玩下我地仲係度潑水。
我地互潑,玩到好似失左控咁,跑尼跑去,又叫,最尾搞到成身濕唒=3=
今日真係好好玩,癲左><
唔理啲人既嘩然,我仍然覺得VERY開心arararar！！！！！！
特別鳴謝 羅霖早餐供應 | 
