琴晚好晏先訓，諗住睇波睇到１點就訓∼點知兩點幾三點先訓∼

今朝一早番到學校，問壯陽借功課黎抄，有４樣我抄左３樣∼

抄完之後岩岩好排隊，之後上課室，上到去就訓左陣∼

陳有菁同我講話小息見盧ｘ香∼之後食完飯再見番佢∼

食完飯俾佢煩左好幾耐呀∼上番課室就即刻上堂∼

放左學之後，我同鄺浩然去自修室，林祖興就叫埋好多人去∼

由４點溫到６點幾，之後行番屋企∼

番到屋企食飯，之後係度打ａｏｃ∼肥駿落左黎，係度申請帳號∼

佢睇我玩ａｏｃ，我升城慢左，佢係度ｘ我∼之後最尾輸左∼

三打二，我打嬴左大碌成，但係然唔識用維京∼佢用得超屎∼

所以最尾輸左，聽日我地再打過∼∼

今日去左阿哥度打機，今朝出左去唱Ｋ，

我同興，雞昌去唱，之後搵ＲＣ，強哥果度果班人∼

之後等佢地唱完，我地去左打機，打到４點度∼

去左【想不起來】度飲野，我飲【紫色憂鬱】∼

佢地飲晒，我杯野都未黎，真係憂鬱呀等到∼

飲完野就去左青衣睇大丈夫２，超搞笑∼

睇完就番葵芳搵肥駿打機∼打到十點就走∼

今朝７點鐘起身，打俾興，佢又係岩岩起身，

即係佢又黎唔到一齊番學∼咁我就搭五到出去∼

落到去同然，傑哥搭的士上去∼搭的士竟然塞車∼

小息之後上ＰＥ，上完之後係數學堂，果個傅若茜唔理我咖∼

我就咁衝左出去廁所，仲要出左幾次，佢都冇鬧度∼番到去訓覺∼佢又冇鬧∼

下晝去左達文到依∼食完之後去買糖，同個阿嬸講我冇錢∼佢話聽日先俾錢喎∼

番番學校，係度行下玩下∼咁就完左個ＬＵＮＣＨ∼

放左學之後就去買書∼買完就番屋企訓覺∼

１２／８

放學再留低補課，補到４點幾，

之後肥駿打黎叫我去打機∼咁我去到搵智障∼

搵到之後肥駿黎到，我同佢打左陣∼

之後隔離個細路同我地一齊打∼

個細路俾智障打到發脾氣，之後走左∼

我地打多陣，就走啦∼

１３／８

７點起身，換完衫執埋野，搭五出門口，

見到隔離屋條ｋｅｙ係度門度，

咁我就禁鐘叫佢拎番條鑰匙（覺得自己太好人了）∼

之後落到去遲左少少，行番學行到入學校∼就即刻好大雨∼

好彩早左幾分鐘者∼之後番課室∼之後ＧＡＰ去禮堂∼完左又行番上４樓∼∼

上完中文堂，個吳小慧叫人留低，係咁煩住我∼佢講講下我就走左唔理佢∼

晏晝果陣上李天佑堂（我上次冇得走又係上李天佑堂），校長話而家黃雨冇得走∼

咁我地下晝就出去食飯，食食下見到雞仔係出面食緊∼

＃食完之後番到學校，鍾玉強話漏左手冊係男更衣室∼

咁我地就去左男更衣室，李嘉俊去廁所果陣∼

見到有本手冊係廁所，鍾玉強話係佢，咁就拎上黎∼點知真係佢咖∼哈∼

佢就拎住本手冊去校務處，話要見校長，點知校長唔得閒∼∼

跟住諗住搵雞仔，諗諗下雞仔仲食緊飯未番到∼

咁就去左三樓搵訓導老師，搵左張廸生∼張廸生叫佢寫番張家長信∼

走果陣見到雞脾∼又同佢講埋∼我笑到冇串雞脾呀∼

上番４樓，我同李嘉俊係咁話俾人知∼蔡安琪知道就打俾ｒｃ∼笑到我地死呀∼＃

放左學之後要留係度補測，２８分以下要補測，我２７分呀∼

測完就同興，然去葵興圖書館既自修室溫書∼由４點溫到６點到啦∼就番屋企了∼

今日早左ｄ番學，一落到樓下見到黃景義∼

同佢一齊行過去７記∼我就等埋鄺浩然∼

林祖興本身話同我地一齊去咖，但係我地去到∼佢仲係屋企食緊早餐∼

咁我地就走先∼番到學校問人借ＢＩＯ黎抄∼

抄抄下，有人同我講話有英文要做，

咁我即刻上去攞∼點知入到課室∼

陳有菁坐左係度，話依個時候唔上得黎∼

我昆佢話攞通告，佢信我喎∼叫我去ＬＯＣＫＥＲ搵下∼咁我就梗係話冇啦∼

落番去係度叫人幫我做，搞掂之後就岩岩好排隊∼

排隊上到去，唔洗交喎∼真係唔好迫我呀！

放左學之後，同林祖興，鄺浩然去左葵興圖書館既自修室度溫書同做功課∼

我就係咁做數學，佢地就有篇正野∼李鏡品叫佢地作文８００字∼我都想作呀！！

由三點幾溫到６點三到啦∼就走啦∼番到屋企食飯∼

食完飯就睇我琴日錄左既魔戒３∼超正∼

今日唔知點解開唔到ＭＳＮ喎∼之後大碌成教我整完就ＯＮ到啦∼

聽日要留係學校溫書∼星期三又去自修室∼星期四冇得去，圖書館休息∼星期五我要過海∼