近期見到唔少人，唔少人好似d親戚、朋友甚至乎系d老師都不約而同咁問埋曬d同樣既問題，而當中既所有問題，差唔多接近九成都系一樣，即系問黎問去都系果幾條咯！
對於呢d問題，都令我諗返起之前既一d事同埋之後既打算！你都知啦，平時大家都無乜時間，就算有都系隨隨便便講兩句就完，當答左咯，所以家下決定起呢到賣大包，一一完完整整咁解答曬大家所問過既所有問題
第三位最多人問既問題就系：其實呢，你覺得你中學六年過得點阿？會唔會好唔捨得或者有乜野系你好留戀架？
其實好慶倖我既中學六年生涯都系起同一間中學裏面發生，唔似得好似身邊既一d朋友咁，讀讀下轉去其他學校到讀或者系移民外地。中學六年裏面，發生過好多大大少少既事，當中當然有喜也有悲，有討厭亦有鍾意！喜既當然系可以遇到一班志同道合既朋友仔，大家可以玩埋一齊。而且亦都要好多謝佢地，好多時候都願意同我癲埋一份！有時候大家表面上好似有d野系好計較，互相鬥嘴、串嘴，但其實暗地裏根本就唔系咁既一回事！
總之一句講到尾啦，起玩得埋既果推朋友仔裏面，大家都有共同既一個唔知系優點定缺點，就系大家都好唔願意見到對方有事，見到對方衰，見到對方慘！就手旁觀呢d事系幾咁容易就可以做得出黎，但起呢班朋友仔裏面，我從來唔洗怕就手旁觀會發生！從來唔洗驚佢地會害我，我有困難既時候佢地會唔幫我。只因大家可以玩得埋，完全系因為大家都系交個【心】出黎！而且我自己亦都系一個口硬心軟既人，明明有D事情已經唔想再理，但偏偏因為所謂既【惻隱之心】，唔希望見到身邊人衰，身邊人慘，所以好多時都會忍唔住而去多管閒事，希望可以幫到身邊既人。
至於學校方面，我唔可以話自己起呢間學校到見盡曬人情細故，遇曬呢間學校裏面發生過既所有事。但我真心覺得，伊湯中的確系一間好好既學校，裏面既老師都好好人，好為學生著想。但至於你問到起學校推行既所有政策系咪都好好，無不滿，會因此而好開心？就算我話比你知所有野都滿意爆，完全無不滿，你都唔會信啦！但始終都系果一句拉，規條系死既，人系生！呢到既所有人都好好！
但系咪所有人都可以friend好夾可以傾到心事，完完全全交代曬出黎唔洗顧慮任何野呢？都系果句，我話系阿系阿，你都唔會信拉！
其實起學校裏面最討厭既人有兩類。一類就系好D人為求達到自己既目的而扮野，不停系起到扮蠢，尤其系果D扮可愛，特等拉低自己把聲既男仔。你知道嗎，你把聲真系令人好難頂架！佢地會扮蠢，從中起到利用身邊既人去幫佢地自己達到目的。成日都聽日講：學校其實就系社會既縮影。但真系無諗過，原來簡單既中學生活都可以遇上D爾如我詐既事----為左抬高自己而踩低人，為左自己利益而出賣人，為左令自己好似好有面而聲大大，為左曬命而曬命，呢D人真系我最討厭，甚至可以以憎黎形容！
至於另外一種我好憎好憎既人，就系我地圍內稱為[狗公]既人。狗，賤也~
佢地果種賤并唔系我地平時見到既果種賤，而系賤得黎暗地進行，借機會聊下你，玩下你，擦下你鞋，從中希望得到佢地想要既所謂[利益]。利益系乜？心知肚明啦！
見到呢兩種人，真系唔知覺得好笑定可悲好！可笑既系，佢地以為自己所做既行為可以呃曬全世界既人，卻唔知道原來根本有人睇得穿佢地，清醒下啦，[若要人不知除非己莫為]！可悲既系佢地居然要用D咁既手法先可以引起人注意，引起人關愛下佢地，知道有佢地既存在！
最後討厭既野當然就系一個個既小圈子。我明白亦都知道，每一個年級，每一個班裏面都會有唔同既小圈子！平時大家有大家既小圈子根本就唔系一件出奇既事。但當有乜大大少少既重要決定或者活動既時候，大家可唔可以放下自己所屬既圈子呢？真心問下自己，其實自己所選擇既系咪自己所想要既野，系咪真系自己唔願意參與一D活動，定還是你系受人影響，明明自己根本唔鍾意果個選擇，但因為你既圈子鍾意果樣野，所以你就投果樣野一票；自己既圈子唔參與果樣活動，所以你明明好想參與但到頭黎自己亦唔參與其中呢？唔同人搞唔同既活動，其實到頭黎最想既當然系希望呢D活動可以變成班會活動，但最後因為圈子呢樣野而變成圈子活動，咁唔系可悲，又會系乜呢？
第二位最多人問既問題就系：其實未來有乜打算架？
坦白講，其實每一個讀緊中學既人，十個裏面都應該有九個會希望畢業之後可以升讀大學。但大家都好明白，大學學位始終系一個供不應求既事實。雖然話社會上有好多唔同既升學出路比每個人，但呢D升學出路又有幾多真系有用，真系可以幫到自己日後既生活，或者只有日後既自己先會知道
當然，未來既打算當然會系盡最大努力應付左個文憑試，至於成功與否，其實真系一個未知之數甚至乎可能會系一個負數。而且自己都好知自己系乜水平，英文始終都系非常孫色，所以成功既機會亦隨之而降低。至於其他出路方面，真心有諗過去其他地方，例如系台灣甚至系返大陸升學。
如果去呢D地方會唔會有咩唔捨得呢？坦白講，其實家下既我根本再唔會話有無乜舍唔捨得既因素存在。或者應該咁講，值得我留戀，值得我留下既人與事，其實起呢兩年裏面我都幾乎輸曬出去，試問又點會有咩系唔捨得同留戀呢！？當一個人無曬值得留戀既事情存在，佢所做既每一個決定，其實都會變得輕鬆好多，唔需要在點顧慮。
當然，起香港繼續學習會系自己首選，至於其他都只不過系後備既想法。而且我自己亦都唔排除假若考唔到或者當有一刻自己系唔想繼續讀落去既話，會選擇就業呢條出路，幫D朋友打理業務或者系跟D前輩搵食。話說之前已經同佢地交代過自己有意慾起呢方面，所以就業呢條路，可以話系自己最最最後既選擇。
不過講心過句，家下既我對自己既前路都未系好清楚。未系好清楚，并唔系因為我自己未計劃過，只系我唔知道邊條路真系適合自己，而選擇果條路之後，自己又系咪真系唔會再後悔呢?比喻話選擇一D課程，究竟自己會選讀乜類型課程，其實到呢刻既我都未系好清楚自己系想點。
事關系近呢四年中學裏面，自己做過大大少少既不同決定，當然當中有D系自己滿意既，但大部份既決定原來并唔如人願，所以有時候真系好怕自己會選擇錯，會重複犯錯。但呢D選擇教懂我一樣野，就系做任何事情同決定之前，真系要諗夠兩次，究竟面前呢個既決定系咪真系自己既最後決定，以免自己後悔莫及。
而畢業後最想實行既一個打算就系好希望同身邊玩得埋既朋友仔去一次旅行，雖然家下已經有少少計劃，但最終可唔可以實行，都系要到果下先可以決定！如果你都想同我或者其他人一齊浪跡天涯半個月甚至乎系一個月既時間呢，歡迎你聯絡下架！如果你系同我地岩嘴型而又玩得埋既，預埋你一份又點話呢！
冠軍問題亦都系最最最最多人所問既問題就系：點啦你，呢一年裏面搞D乜阿？做乜好似成日好似有心事搞到自己唔開心而且好似搞到自己放棄曬咁阿？
老實講，2011年對於我黎講似乎系一個不幸年。正如頭先所講拉，呢兩年似乎好多野都輸曬，尤其系呢個2011年。輸既野有好多，例如睇清楚一D人，慢慢開始討厭佢地、憎恨佢地，將佢地拋出[朋友]名單之外。當然，仲有一D好個人、好私人既因素存在而影響到自己
其實由此至終我沒點因為我個人既因素而放棄任何既學習，只系有時候覺得累左，想休息下，所以先會比人覺得自己好似已經起放棄既狀態。曾幾何時聽過一個好好既比喻，我都覺得呢一個比喻好適合自己。
【我自己就好似一只倉鼠咁，不停起個籠裏面既圈圈不停轉轉轉轉轉轉，轉到有一刻覺得，其實我想返上床訓一陣！就系咁簡單，累，想休息！額外既得著可能系起，當倉鼠離開左呢個圈圈既時候，佢開始有機會可以留意到身邊有無其他更加好玩既玩具，可能因為之前太過專注玩既果個圈，以致有更加好玩既玩具出現左，當你發現佢既時候已經太遲咯！】
雖然有時候的確好累，但有D事情其實發生左就系發生左。不過我好明白呢D事情都不約而同咁教識我好多唔同既道理。例如理想與實際之間所存在既距離；唔可以太過將自己既想法表達出黎等等！
而且更推返左一路以黎身邊D大人所講既一個道理:【好多事情只要你肯踏出第一步，通常都會成功】。但原來，[通常]呢兩個字，只不過又系虛構出黎。而所謂既[通常]又只不過系一個又一個既未知數。
然而，呢一年令我相信既唯一一個道理，而且亦系我所發現既一個道理就系，【人生系充滿變數！】簡單D黎講，就好似數學方程公式咁，假設X+Y=Z，你X系你所掌握既，而Y則系人世間既變數。當你自以為自己已經掌握左X，應該可以得到Z既結果，但好可惜你卻忽略左Y！唔可以話完全忽略既，因為如果Y呢個變數系等於零既話，你就自自然然可以掌握到Z既結果。
但無可奈何，Y等於零呢個機會率其實系未知分之一，而Y呢個變數等於其他未知數既機會率卻系未知分之未知減一，試問你又點可以完完全全話自己掌握到呢兩個變數呢？世界系充滿變數，人生系充滿變數，家人間系充滿變數，朋友間系充滿變數，情感間亦系充滿變數，一切一切都系充滿變數，所有野都系會變架！假如要遇到X+Y=Z既結果，唔單只又考慮個人所掌握，原來更加要考慮到其他環境、人為既變數！
起2011年最低落既時候，因為有一D人，因為有佢既出現，將我由一個低落位置拉返上黎，多謝佢曾經陪我、同我做過好多事情，願意聽我講好多事，起我地大家最唔開心既時候，大家都會互相講笑令大家開心，有乜好事、壞事又或者系自己想知既事，大家都會彼此坦誠相對，毫不隱瞞咁講比對方知。幾乎每夜都會將自己一日裏面既感受抒發出黎比大家聽。多謝佢曾經陪我一同創下過無數難能可貴既回憶。有時候去返一D大家都去過既地方，從前既感覺依舊存在，而D回憶亦會一涌而出。雖然後來因為自己既問題而影響到人地，但點都好，始終佢都會系我2011年大半年裏面最重要而且最需要多謝既人。真心感謝佢！
而有D人，每次當我有乜唔拖妥既時候，佢都會陪我癲下，繼而一齊把酒談歡，借少少醉意而起秘密基地到抒發出來。果到講，果到散，永遠唔會講出去比其他人知，佢地真系我最信任既人而且亦系最可以同我夾得黎、我又願意將自己心事分享比佢地聽既人之一。呢D人，真系既難得而又可貴！
另外有D人，雖然起學校以外好少會接觸，但大家都會起學校以外SMS或者系講下電話。而D內容有時亦會系彼此間既心事。雖然有時有D事只不過系D無理溪巧既事情，但因為有佢地既陪伴，先可以令我系閑日得到唔少既歡樂。
其實講到尾，身邊邊D人真心真系對我好，其實我系真系知道既，而且我亦都起個心到收到曬!你地所做既，雖然未必真系每一次都可以幫到我，但多謝你地起我情緒最低落，覺得自己最唔掂，而且系我好憎好憎好憎好憎我自己既時候，因為有你地開解下，拍下我膊頭，鼓勵下我，我先可以好過D，容易D康復過黎！只不過識我既人都知道，好多時候就算我系有乜問題出現，我都好難可以做到向身邊人求救呢個行為。
不過我亦都好明白，做得朋友既，點可以只系報喜不報憂呢！放心拉！以後當我有乜問題，我都會儘量同你地講，唔洗令你地咁擔心！而果D當我有困難出現、唔掂而又落井下石既人呢，雖然我并唔會同你地反面，但自此之後你永遠都只可以見到我開心既一面，因為我唔會再比你地睇死，唔會衰比你地睇咯！
最近因為一套電影，因為一套電視劇，多左好多人講【平行時空】呢四個字。雖然一路以黎我都唔系好相信其實系令一個時空中有另一個我同我一齊存在緊。但因為聽得呢四個字多左，我都不禁起到諗如果起【平行時空】中另一個我，可以避過左Timing既問題而我又可以早D遇見一D應該一早遇見既人，同佢先熟落，我地之間會唔會有所唔同。
另一個我如果唔系因為亂講野，我地之間會唔會仲系密友而唔系陌生人呢？另一個我如果唔選擇入黎伊湯中讀書，會唔會中學生涯會變得不同？另一個我如果唔系好似家下既我咁，會唔會有更好既下場？
另一個我如果唔系因為初中既時候對某D事留戀，而跟親戚去外國，人生會唔會邊得完全唔一樣呢？
【平行時空】中既我，究竟系點樣既一個我？家下既我，對生命裏面既缺失，大概亦只可以盼望平行時空中既我幫我替補呢一個又一個既缺失。
好拉！一切我所記得回答既問題，一切我記憶中既中學生涯就系咁多！打左三日既廢話總結文章亦因此而畫上句號。
|
