今日訓到8點幾先起身,一起身就刷牙洗面.之後就睇超時空la,睇到10點就返學,返到學校又係向到上網,去到12點就放左學,之後返屋企食飯,食飯就向到玩nba live,今日岩岩玩完新秀賽,入樽賽同三分王大賽,之後就向到睇超時空,睇到7點,咁就食飯la又,之後又睇超時空睇到9點9就開始寫日記,今日係咁睇超時空,琴日先睇到28集,今日已經睇到43集,52集就完,係米快呢

今日落紅地打波,居然冇人,嘩!!!真係估都估唔到,只可以向到射下波,之後見到煙x,就同佢吹下水,之後向到射3分,煙x見到我入就係咁比我波我射,射到我隻手鬼死咁攰.佢先係停 ,之後見到師父仔黎左,咁就坐左向到吹下水,吹吹下就7點幾,師父仔就去左打波,我就同脆皮走左,返到屋企岩岩食飯,咁我就食完先沖涼,沖完涼就玩nba live,今場對帝王,都係比我嬴左,之後就一邊食糖水一邊睇超時空,去到10點就寫日記.........

琴日唔得左寫日記 ,今日寫返

今日本少爺唔洗返學,咁就當然向屋企訓耐d la,我終於有覺好訓,訓醒比老豆叫左落去買報紙,買完返黎就開始打機,第一隻玩既就係nba live,今日我嬴左馬刺,之後好難打,好彩d球員個個都生性,但係j.r.simth向開波幾十秒就傷左,好似d.simth打得好姐,之後就向到睇超時空要塞7,佢係我最愛既動畫,真係好睇,睇睇下就差唔多食lunch,食完lunch都係睇超時空要塞7,去到3點幾我就玩王國的興起,今日玩一場用左2個鐘頭多3個字先嬴,真係估唔到玩左咁耐,玩完就睇超時空,之後就食飯同沖涼,8點開始寫日記,今日寫住咁多先..

今日返學又係好悶,英文堂超悶,好彩今日返半日,放學返左屋企就睇活死人地帶,幾好睇唔錯唔錯,之後到左4點就落左去打波練下左手走籃,終於都練到有小小成果 ,知後脆皮落左黎,咁就向到射下波吹下水咁,到左5點幾先見到o'nael同丫駒黎打波,岩巳夠人打3on3,我地最強隊伍我,丫駒同o'neal,點知丫駒詔左另一隊換左mvp脆皮過左黎,咁就輸左 ,之後換左人打,我地係咁嬴,打左一陣,丫佳都黎碼,丫佳今日表演左一招絕招就係-自動分解法,佢突然一叫,已為發生咩事la,原來係眼鏡自動分解掉左向地下,真係比佢吹漲,之後打多幾場,好鬼攰,但係我地場場都輸 ,之後到左7點幾就去左飲野,飲完野就返屋佐食飯同沖涼,同碼打日記..

本少爺今日做乖仔,向屋企打機 ,其實係因為凍我先唔出去,一起身比我丫媽叫左落去買早餐,買完返黎岩岩好dl完Blood +第7集,咁我就邊食邊睇,今集都幾好睇,睇完就玩nba live,我居然輸左 ,輸左比邊隊唔記得左 ,玩完就食lunch,係米好快呢,岩岩先食完早,食完個lunch,我就向到聽下歌玩下msn咁,咁就玩到5點幾,之後我耍玩多場nba live,居然又輸 ,重要輸比山貓 ,氣死我la,玩完就食返個晚餐,食完飯沖完涼我就玩王國的興起<---戰略game黎既,好好玩架,一玩就要玩你個幾鐘,玩完都9點幾,之後就寫日記,今日就係咁過左