我們是這樣長大
Type:	Common Interest - Activities
Description:	如果大家細個時有做過玩過以下既野, 就join 啦! 呢d先叫童真! 0１. 玩米缸, 將手插入米缸裡面o既米裡面. 0２. 在百貨公司入面「篤」扶手電梯的吊牌 0３. 地下有階磚特登隔一格一格黎行 (不可踩界, 要完全在格內) 0４. 用錶面反射陽光, 照黎照去 0５. 跳樓梯 (愈多級愈勁) 0６. 行路上高起左地方, (例如高起左o既長條型石博, 好似玩平衡木咁行法) 0７. 鋪張紙在硬幣上面, 然後用鉛筆係上面油, 油返個形出黎 0８. 食完瑞士糖之後, 將糖紙包番個原本四四方方果個形 0９. 超級市場踩住架購物車黎行 1０. 踩水tum, 係好特登果隻 1１. 吹口水波 1２. 搣牆上的乳膠漆或牆紙 1３. 係平滑o既地面上面跣下跣下. 1４. 整濕d紙巾,掟上學校廁所天花頂. 1５. 食完綠箭香口膠, 一定摺返成張包裝紙再放返入個大套入面. 1６. 響課室玩過俄羅斯輪盤, 將玩粉刷霑滿粉筆粉放係風扇上面等個風扇轉轉下轉得怏個  時飛出黎睇下個粉刷中邊個 1７. 拿阿媽d 線圈放膠袋 (當風爭甘放) 1８. 拿AA膠痴o的手指....再等佢乾....用口咬返o  的膠出o黎...一塊塊的.... 1９. 用塗改液....係咁o即起一個位...等佢變一個半圓  波波...乾左面果層.... 再用手o禁爆佢.....再去廁所洗手........  .. ２0. 係咁切擦子膠, 切完一條條,儲埋去....整一條大既..... ２1. 在擦膠上劃公仔~~~做印仔~~~ ２2. 細個無意義動作: 用禁芯筆/鉛筆篤擦膠,整到好多一粒粒鉛筆痕,唔知為乜   ２3. 用塗改液o係課本既封面寫自己個大名 以上你中左幾多!? 有冇九成以上!? 再黎!! 24.震音與風：簡直爆大冷！原來好多人都試過對住風扇  講，把聲好似「聲音經過處理」咁，重可以校唔同Leve  l，震音程度，有埋秀髮飄揚效果，真係開拍MV咁，若個  風扇曉「轉」，重可以扮FadeOut！ 25.飛拖鞋：拜足球小將所賜，飛拖鞋鬥遠是為屋村細路  必玩項目。先燕式平衡再發力踢，沉醉「猛虎射球」世界。   26.電梯倒行：超級危險遊戲，一下失手隨時浴血電梯上  頭條。 27.踩影：唔知邊度聽到人話俾人踩中個影會黑仔衰三日  。12點烈日當空最好玩。 28.踩人白飯魚：白飯魚，係踩，你髹得愈白洗得愈乾淨  就愈易成為眾人目標！ 　 29.背脊貼龜：貼時記得要用張長膠紙，輕輕High過  目標背脊。大力拍只會打草驚蛇。 30.撩鼻屎黐落牆：好唔想畀佢上榜，實在太核突喇。奈  何大部份受訪者都陰笑自己有玩過。哎，家陣傳染病猖狂呀  ！　 31.壁虎功：屋企走廊或房門練習，落番手騰腳震。 32.捐地鐵出入閘機：明知過三歲，仍然不買票，好多人  都做過，但睇怕都係「被迫」。　 33.玩水喉：洗手時突然住個水喉搵水射人。 34.彈擦膠：用間尺扮搖搖板，彈起擦膠。 35.射橡筋：幾條橡筋一齊射，睇落好似好勁，實質瞄唔  準。 36.夕陽石壆：樓梯邊石壆玩溜滑梯。但家斜石壆難搵，  雷同跣鐵欄都係沒落遊戲。 37.白鴿轉：捉地鐵扶手轉呀轉。 38.龜兔賽：地鐵月台鬥快跑。 39.白撞：亂才禁人門鐘後速逃。 40.圍閹：嘩！小心絕後。 41.搶爛巿：將汽水罐放係車轆前，等人開車時車扁佢。  唔通想同執罐阿婆搶食？ 42.精神分裂：屋企一人分飾幾角玩煮飯仔。 43.射水槍：用水槍射街上途人。 44.放飛機：將紙碎或紙飛機撒落街。 45.過手癮：將Bubble紙氣泡逐粒鍊爆。 46.玩筆盒：同隔籬位鬥快開晒筆盒既機關。 47.爆「樽」：特登將飲完的紙包飲品吹脹然後放在地上  ，大力地踩爆佢。 48.煲蠟：禁喇！差人拉呀！ 49.沖廁：屙尿時出力射走屎。 50: 很高興認識你：同對方握手時(特別係男仔)， 會暗中出盡全力，想令對方覺得自己大力。 51: 天下太平: 玩到張紙穿晒，仲要畫一d有電的防護網（當然聲稱有電而  已，效果與沒有電的相同）、各式各樣的戰機，星型的、心  型的（都是飛不起的形狀）；自己亂畫一團，起名為愛國者  導彈或飛毛腿導彈等等。 52: 東南西北：玩到咁上下已經唔係玩東南西北，而係張個 ”東南西北" 當左做隻怪獸咁去食人。 53: 夢飛行: 間尺加筆當飛機玩，呢個冇理由冇玩過~ 54: 串燒薯圈:食薯圈前張d薯圈套晒入五隻手指上面先食~ 55: 高空轟炸: 用個膠袋裝滿水，縛埋後從高處掟下，通常係樓下行人前兩  、三尺落地就good fit啦！後來D人進化到用尿代替！ 56: 學校探險: 晚上留係學校探險~ 勇闖一d平時唔會去既地方~超激!!!! 57: 千秋特技: 千秋鬥高, fing到差不多打個圈咁~ 後來演變出"鄧"秋~即係當千秋向上fing時~雙方用  力將鐵鏈向內壓~ 等千秋由最高點fing番落黎時就突然鬆手唔向內壓~ 咁樣千秋fing落黎時就會"鄧"一下~ 仲有跳秋，另外有 孖秋， 一個坐一個企，輛住黎起身。仲有坐係度，同隔離個玩千秋  既朋友鬥撞!!! 58: 美麗與智慧: 多數女孩子都一定有玩過"香港小姐" ~即係屋企是但拎住阿媽既鍋鏟or長型既野,仲有拎張被  or 項巾係屋度走圍走, 扮香港小姐嬈場一周。 59. 籠屋: 係屋企既碌架床鋪晒被整個空間出黎, 好似整左間"屋"比自己咁~ 不過係入面又黑又焗~ 玩一陣就出晒汗...=.= 60. 水龍捲: 用力搖屈臣士/清涼水壺中的水...直至壺中的水呈現"  龍捲風"的狀態...仲可以同人鬥耐。 61.發現新星: 用五支血身牙簽屈做食星形~再係其中一隻角"skip"  一支做柄~ 當做魔法棒~ or 屆完星形之後~ 放係茶樓係碟到...加水係中間...變放大左既星形.  .. 62. 筆跡足球: 雙方各用筆畫點在紙上....把筆放在點上再用食指放在  筆頂...用力的壓....如此類推...墮著筆跡..  .看誰較快入對方的洞... 63. 螢光筆填洞洞: 即係用唔同顏色Ge螢光筆去油notes上面D字中間D  洞洞。 64: 奇多圈: 唔需要多講...大家都應該知係咩~ 特別係男仔。 65: 紙板足球: 用卡紙仔對摺令佢"A"字咁, 好似人企係度咁, 摺夠一隊, 再用廢紙"搓"個波出來, 拍D紙板球員來傳波射波。 66: 人肉回帶機: 用支筆穿住餅錄音帶係咁轉玩回帶. 67: 紙拍: 將一張A4紙摺到一個三角型狀Ge東東，大力一Fing  就會好響咁『拍』一聲。 68: 彈磁石: 買d磁石片返來，貼上喜歡的貼紙，跟往係筆盒上彈彈下，  出左界就當輸，輸左就同拍卡一樣比左人。 69:拍龍珠: 似 "007入子彈" 既game，會圍埋一齊諗有咩角色，諗出招表。 70: 格劍: 幾個男生於同一廁格內,一齊放殊殊.然後,幾條水柱進行  格劍.看誰的寶劍最後先斷.(當然,勝負取締决於你膀胱  裝了多少啫,同埋你識唔識控制唔斷得黎慢慢柯。) 71: 像根星星: 細個會用一條長d既像根，套係手上面去 ’拉’ 粒星星出黎~ 後來慢慢研究到 '拉' 出'雙星'甚至係'三星'。 72:紙青蛙: 用紙摺成青蛙，襟佢重曉跳，睇下邊個跳得遠。 73: 送你手錶: 玻璃罇既汽水蓋用力印係手度，好似多左隻手錶咁，當然你  鐘意用口咬都得。 74: 寫字在手: 用筆寫野係同學隻手度，我覺得好無聊架，但好多人都會咁  做，特別係女仔。 75: 傳紙仔: 我諗好多人都應該試過，就算唔係你傳比人或你收，你都應  該幫人做過郵差掛。 76: 撞間尺: 兩人對賽，先以猜包剪形式選出先後，勝方可從桌邊把間尺  推到桌中心，之後雙方以每次一步的方式想辦法把對方撞出  桌外，出界者敗。 77:打康樂棋: 輸左打大回，是否差不多絕跡了？ 78: 手指隙俄羅斯輪盤: 極速把筆插到五隻手指的隙間，學習不被插傷的秘訣（源出  九十年代的江湖片玩刀鏡頭)。 79:X粉交易: 係學校買"媽咪面" 同d同學一齊分入面包粉。 80: "bak”手指1: 比賽邊個響得最多。 81: "bak”手指2: 右手中指指頭放係左手食指同無名指中間"V" 字位， 右手指頭用力往下"bak"，會勁大聲咁”bak" 一聲。 82: 時間停頓: 小息完響鐘扮定形，因為會比風紀捉。 83: 人肉影印機: 呢樣係for女仔多~好多女仔細過都好鐘意拎本好靚既簿  仔抄歌詞~ 但其實唔知抄黎做乜。 84: 禁得快好世界: 鬥快禁鉛芯筆。 85: 吹筷子套: 去茶樓食野既時候，捲埋筷子個紙套 ，跟住又吹返直。 86: 奪傘行動: 去酒樓飲茶，就算唔食都要叫阿媽叫 jelly，目的只係想玩插係上面把紙傘，開頭會好愛惜  把傘，有時又會比Babe當傘用，但最後一定拆到把傘得  番個骨架。 87: 猜皇帝: 唔駛多講，實知點玩。 88: 抽閃卡: 閃中閃，全閃，唔閃(白卡)，假閃...閃，到你暈，仲  要用d好pro既方法去抽...好似聽聲，照電筒，雙面  膠紙等... 89: 駁飲管: 細個果時去麥當當成日都攞多幾枝飲管玩...駁長佢，有  時駁到咁上下就頭尾駁埋整三角型 or 正方型。 90: 跳彈床: 細個果陣實會响阿爸阿媽床上面係咁跳，跳到無氣... 尤其當佢地話唔準跳的時候... 就會偷偷地跳，而自己張床永遠唔會跳... 91:射馬紙: 仲要係加厚，加膠紙，加書釘增強破壞力同攻擊力....   中左真係超痛... 92:人做溜冰場: 將爽身粉灑在地上，赤腳當溜冰...地點: 廁所或阿爸阿媽間房，一定唔會在自己房...時間:家人  外出工作(不包括你的弟兄姊妹)。 93:「Pilot原子筆」陀螺: 玩法係將個銀色筆咀擰出黎，然後cup番入去，再借用手  指力轉佢落檯，同其他同學仔鬥耐。想當年，大家真係上緊  堂都偷偷地玩架！ 94: 四驅熱潮: 唔駛多講，雙星四驅車好多男仔細個都一定有一部。甚麼地  平線...勝利者..等等。好多人改車係公園鬥...有  d玩具鋪門口仲會放左條大跑道免費比人鬥。果時改車好p  ro 嫁，甚麼透明車殼減輕車重，甚麼龍頭鳳尾，平衡桿，黑摩  銀摩金摩(摩打)等等等等...就連潤滑油都好講究。但  係架車改到只可以係跑道度玩，因為放係地上玩係會追唔返  架車...而係跑道上玩時，架車飛出跑道又係有排追..  .最驚就係見到架野撞到散晒..... 95: 告狀: 細個乜都告一餐。同學上堂傾計又告人，同學講白痴又話人  講粗口要告人，隔離位個同學本書過左界又話要告人...  標準告人程序:「哦! 你("違規事項")!我告比老師知!」。之後仲要好乖咁  舉到隻手直一直去告人。而果時比人告既話，唔知點解真係  會驚。 96: 最緊要包裝: 特別係女仔，開學會用懶靚既花紙包書。 97: 何濟公: 捉人隻鬼跑到埋身「何」左做無事，又可以「自解」、「碰  解」、「遙距解」...好鬼茅.... 98: 大白鯊: 張床當船，下面有個人就做鯊魚食人， 一落床就會比人捉，而且大家打死都唔落床，因為唔知點解  果時真係覺得下面果"條"係大白鯊好鬼驚。如是者做人既  永遠唔會死繼續做人，做大白鯊既永遠捉唔到人繼續做大白  鯊..... 99: 跳橡筋繩: 首先拿一盒橡筋穿成長長一圈橡筋繩，搵兩個人做人肉柱掛  起條繩， 跟住輪流跳。仲要一路挑戰高度, 務求過關!! 有"新官"同"舊官" 2 種跳法，同埋如果有人死左(跳唔到)，剩番既人要救佢，  即係要跳多一次，跳埋佢個份!! 如此類推，1個死repeat跳多一次，2個死repe  at多兩次，3個死就要repeat多三次!!! 100: 劈手指: 左右手同一隻手指禁實 ，然後同人地由尾指到拇指逐pair手指劈，會劈到好痛  但唔知點解好high! 轉堂必玩! 101: 採珠: 夾開紅藍樽裝 pental塗改液, 取出裡面的鐵珠。 102: 角色扮演: 細個果時，真係咩都爭一餐... 四大天王，美少女戰士，五星戰隊... 大家要選定一個歌星or角色屬於自己，而其他人唔可以同  人重複選擇... 所以，每逄有新卡通片，都會盯實個電視... 因為唔想俾人揀左自己鍾意既人。 103: 繩網: 一個用兩層樓咁高既繩做金字塔。細個同啲村童鬥快喺繩網  走一個圈，最快都係4-5秒到...又係繩網上面玩捉，  d細路個個身手都好似d猴子咁敏捷非常， 係繩與繩之間穿插跳躍。 104: 駕輕就熟: 細過坐巴士一定會叫呀爸呀媽坐上層既車頭窗口位，因為可  以扮司機開車，仲會自己扮埋開車果d 聲。 105: 麻雀骨牌: 用麻雀一隻隻咁砌骨牌。 106: 麻雀起屋: 用麻雀係麻雀台上面砌一d 平面既牆整屋，砌床砌台又砌梳化。間格好事正，三房一廳  ，白板做電視機，一筒做馬桶，二筒做廚房煤氣爐，八筒做  HI-FI對大喇叭，六索做廚房星盆...等等等等。之  後每人拉隻麻雀做自己，就係間平面既屋入面生活。 107: 彈指神功: 將M記飲管捲捲捲捲捲到勁短...跟住谷恆中指....  一野彈落去~ "BARK 一聲"，無堅不催! 108: 遠距離痾尿:只限男仔，對準尿兜or馬桶， 開始發射後向後行，尿尿要準確落在尿兜，但最後要行番前  ，如果唔係會整濕個地。可以同朋友一齊比賽。 109: 過尿兜: 只限男仔，地點一定要係有一排尿兜既廁所。對準是但一邊  最邊既果個尿兜， 開始發射後向左向右行，尿尿要準確落在尿兜，要練到收放  自如，好講求控制力。一樣可以同朋友一齊比賽。 110: 二手煙: 凍天呵d煙扮食煙! 111: 鐳射死光: 係屋企用紅外線射街d人。 112: 一飛沖天: 用任何糖紙捲成一枝小火箭，火箭前端是尖的，末端是下陷  。玩法是輕含著小火箭末端, 然後用力吹。距離因人力度異議 ~ (因為亂飛關係, 小心打中眼部) 113: 陪去廁所: 特別係女仔，成日都會搵人陪去廁所!仲要係入埋同一個廁  格入面.....但係大家唔如廁時，另一個又唔可以望.  ...要拎轉面。 114: 廁所潑水節: 小息去toilet方便完洗手個陣，如果見到後面既廁格  有人既話，就用手裝d水，然後凌空由上面潑入去個廁格度  ，跟住極速跑返課室.... 115: 萬字夾青蛙: 讀書時候用萬字夾屈出有四隻腳形狀類似青蛙外型既動物，  一按後半部份會跳好遠...仲可以自由發揮外型。 今次你又中左幾多樣呢!?

Quote from 《太陽報》 on 23/10/2007)

童年的延續
文： 李敏

一九八三年諾貝爾文學獎得主、英國作家William Golding說：「童年是一種疾病—一種會因長大而失去的疾病。」*
時下流行的Facebook，不少玩家除了公開自己的生活照、張貼影片、送贈友好 電子禮物、領養不同電子寵物之外，還有一些人會自組「團體」，讓志同道合的朋友加  入其中分享一下。

除了以學校或公司之名成團外，不少玩家會參與一些勾起童年回憶的團體，好像「我們  是這樣長大」、「70-80年代卡通片討論連盟」、「When I was your age，it was 叮噹，not多啦A夢」。大家都懷念過去，因為最無憂無慮、最開心的時候就是我們  的童年。

---------------------------------------------------------------------------------------------------

好多好多的回憶......

以上所說的也有八,九成我曾做過的

不說也不知道,童年時的我做過那麼多的事

回想起童年,好想回到過去。因為最無憂無慮,最開心的時候就是我們 的童年。

童年是過去,但童心未變。

好痛呀~

我的智慧齒又在作怪了。

好心要生的話,快點生完就罷了,不要節磨我>.<

今天找了些資料,原來智慧齒也有典故,很有趣。

智慧齒與進化

智慧齒的退化可能有兩個原因：

第一，在人類從猿進化而來的過程中下顎體積變小，沒有頜骨空間留給智慧齒；

第二，可能與口腔衛生有關，古代的青年人有幾顆牙齒或大多數牙齒脫落是件很平常的事。而這個時候剛剛長出來的智慧齒就會發揮作用。

而現代人口腔醫學發達，人人都有刷牙的習慣，除非發生意外，青年人的牙齒一般都會保持完整，智慧齒就變成多餘的了。

由於沒有生長空間，智慧齒生長時往往會有疼痛，且萌出後位置和方向會發生異常，大部分人的智慧齒沒有咀嚼功能，沒有對咬牙。

也就是說，智慧齒一般是多餘的，被認為是一種痕跡器官。

人生存的價值是什麼,肥肥的離去

她那個追思會弄得很成功,它讓我反思人生

人生存的價值是什麼?

是要活得精彩,我的人生已活了四分一了,我也希望我的人生像肥肥一樣活得璨

情是何物?情是可貴的,愛情也不及親情持久

到底一樣令我這生感到滿足的東西,出現了沒有?

朋友不是亂交,交的話就必須拿真心,那才會換來真正而持久的友誼

發覺人生裡有很多複雜的事,人越大,知道的事越多

如果人生是簡簡單單就好了,可是我們是必須經歷的,當我們經歷過一切,也可能是我們要離開的時候

 今天又去了另一間學校的面試

有點緊張,但應該沒問題吧,只是我付多一點的學費。

聽他大概說了課程的內容,很吸引的........

還有一些實作,報告,功課,沒有考試的

希望到時一切順利就好了

學校辦了個pairs tour,好想去.但工作調配方面很麻煩

明日就要決定,太急吧,不知可否遲一點決定呢??

 今天將"死亡筆記2-最後的名字",都看完了。

我對這套戲的看法改觀了,因為那結局真的出乎意料

想不到"夜神月"會被L的局識破

今次L真是大羸家,他為何不對"月"反說一句"將軍

開始喜歡這個古怪的天才

在一開始的不安消失了,可能是接受了死神的容貌及死亡筆記的運作模式吧!!

我可以說"死亡筆記"好看!!

 今天我終於有這個心,去看完這部電影了。

一直已來都聽說"死亡筆記"很好看,但最主要的推動力,都是來自剛上影的那部電影。

很好奇L 是一個怎樣的人,他喜歡吃糖,用食指打字

今天看完了,這部電影真的不錯,不代表好看,也不是不好看,一開始看的時候有重不安的感覺。

L 好聰明,但都不及"奇拿" 呢!!

"月"好利害,到最後都沒被人發現他是"奇拿的身份

到最後,L拿著"月"喜歡的薯片,好像有些特別的意思,我在想他會否知道些什麼

"月"達到他的加入調查部的目的

另一本死亡筆記出現於這個女的手上,是否第二集"死亡筆記"會到她成為主角

今日看了套好戲,"魔力玩具盒"~The Last Minzy"

開始愛上了這類型的電影...........science fiction+adventure+childwood,不如叫它family film!!

好看的得不能形容,聽說香港上了套叫"魔法奇緣",我也很想看

還有長江7號,它的票房不錯...............

不過不緊要,雖然這裡不能看到,但我也有很多電影等著我

我要看的電影真的很多,很多............

最近,追完那套台灣劇,"美味關係"

現在有"煲癮"...........煲劇,煲電影,好看的都想煲.........>.<

雖然還未找到夢中有情人.............

有情人的.....情人節快樂!!沒情人的要更快樂,早點找個情人!

今天去了看展覽,走了很多路,好累

打了xanga.................去看吧!!

 今早跟姑媽去游水,見有些時間去了餅鋪拿東西吃

見到了,又是另一個新同事,數一數,已是第6個新人了

到何時先可找到一個好的,可以做長些??教新人可是一事麻煩事

收到了,今天終於收到你寄來的咭,遲了兩個月

可能是沒有寫上我的名字,被uncle收起,幸好沒被拆開過的痕跡

下次寄信一定要小心點,寫好地址&名,知道嗎??

怎樣都好,不用擔心了,要在這,多謝一聲!

 這幾天收到6封利是,我已很滿足了!

這個新年去了大同吃飯,有舞獅,好熱鬧的感覺

初二,我們又去了姨姨家吃開年飯,好warm

這兩星期餅店生意都不錯,可說是幫過不停

我也累透了..........這裡也有點點新年氣氛

可能是今年學校有慶祝,也有去食飯,看舞獅,收利是,加上生意好

大家好,新年好..........^^

世上有各種各樣的感情,但沒有一種比得上父母對子女的感情咁大,咁強

當我地離開了父母,想找一段更美麗,更吸引的關係的時候

 我地會先後遇上朋友,戀人,夫妻

不同的夢想,不同的關係

不段重複,不段重複,然後不斷燃燒,遍體鱗傷

 直至我們成為父母才明白,那份自我們出身,就已經存在

 我們就視為最理所當然,不多在意的關係,才是世上唯一強而有力,永遠不改變的關係。

K is for Keen

I is for Innocent

K is for Kinky

I is for Impressive

http://www.blogthings.com/whatdoesyournamemeanquiz/

每一個人的一生,總會有機會遇上三個人

你大多數會先遇上"失去"

然後就知道"遺憾"是什麼

到最後才會有機會認識到"珍惜"

珍惜你身邊的人,身邊的事

有好消息,我今天收到Nescot College 的信,它們正式offer我了!

好開心呀!!雖然學費方面仍是一個迷,但很大幾會我會選這間學校,希望不會太貴就好了。

今晚吃過了一餐非常豐富的晚餐,話就話是減肥,看來我像增肥多些

等我介紹一下..........左手邊的有"沙律",中間的是"honey+牛油果",之後的是"腸仔",旁邊的是"filling+麵包"

下面的有"水芝士",右邊的是smoked 三文魚,另外再來多塊方包

感覺好colourful,好好吃似的,但當我吃到一半的時候,仍是想起"飯",我很想吃飯

第一次吃水芝士,基本上沒有什麼味道,但當我的嘴停下來,那重芝士味就從口腔慢慢的浮現出來,可是我還是接受不了這怪怪的感覺

牛油果加蜜糖原來是一個很好的配搭,可是生的牛油果一點也不好吃><

哈哈!!吃完這餐真的很飽,有非常的滿足感,可是也有些少不祥的感覺,好驚會肥呀!!

這張photo是 Winsy 弄的,很有趣,又好靚,好可愛,我好喜歡,多謝你呀!!你真是有心思,叻女^^

今天又要interview 了!!

打了xanga........所以不再打了,去看看英文吧!!可能打得不好,不過我在努力啊!!你們也要努力看啊~

 http://www.xanga.com/kiki0910crazy

看來這次姑媽很認真的減肥,我也要努力..........

我都要定立目標,吃過晚飯後不要再吃東西了,晚上千萬不可吃零食

我都做得到,我要減5kg,加油!!