姑媽今日返香港了,蘭姨也跟著回香港了

所有人都走了,似乎只剩下我一個,寂寞的感覺從心底湧現

我應該更勇敢去面對才對吧!!

讓時間過得快一點好嗎??

好辛苦,點解這種感覺又會出現,好想你們..............

今早起床很冷,外面的車,屋頂都披上一層簿簿的冰,很美!!証明出面真的很冷

回校看了一套電影"The Terminal","機場客運站",記得之前看過,但今次看英文的,很利害!!

放學後又去了上班,這個星期可以說上足六天,這星期做錯了兩件事都是因收貨而起的

第一個是,我沒看清楚地址,收錯了貨。第二個是我沒對清楚單,收少了兩箱雞蛋。

下次做事要少心點,盡量唔好出錯。

終於收到visa..........

11月.........那麼快回來兩個月了...........

這兩個月,過得很快很快...........開課一個月,自問自己仍未盡力.我又來了,每當坐下來溫習,我便想睡

有很多次抵擋不住睡惡魔,結果10:30..........什麼都沒做,便上床睡,為何會這樣,我得想想辦法...........

我一定要用心去讀好這一年,否則會對不起自己

上星期,終於有時間和爸媽傾談,有一星期沒聯絡

媽終於沒氣我了,都知她不是那麼小器

今日放學好餓,忍不住去m記買了個chicken snake wrap & apple pie 食

then就去swim,游了25mins..........已很累,so下次努力

回家不久,我ge食引又發作,吃過不停,我竟然吃光成筒軟糖,晚飯又吃得好飽>.<

哈哈,最近食慾大增,雖然體重沒增加,但持續下去都是不行

所以,我就要快快實行我的減肥計劃,就明日開始吧!!!

話咁快冬天又來臨la,琴日較慢鐘了

早早起床,多了一小時,真係好la.........不過又要返工

宜家學校ge timetable+工作ge timetable都定下來了

怎麼覺得宜家ge生活好苦悶............because唔係返學就返工

我星期一至五都要返3 hours english,then,有時放學去做下part time,weekend 更加唔洗講,都係要開工

有得返工都唔係一件壞事,辛苦係有d,不過可以earn到money之餘,又可以學下野,知多d做人處世

宜家知道出黎做野唔係咁容易,好彩係度仲有姑媽睇住

但唔開心ge係阿媽都唔諒解我,以為我搵$好容易,係就係我d度搵$比hk多

不過我宜家總算是自己供自己讀書,上次俾左次$佢,都ok la,都唔知佢嬲我d咩

我又唔係唔俾佢,我又唔係d咁自私ge人..........><

唔知佢ar................尤得佢嬲,如果佢要嬲我,我仲更加嬲,我都冇野同佢講

發覺時間過得很快,眨眼又一個星期

一日一日地過去,生活又回復正常

雖然只是讀英文,但點解時間好像不夠用呢??

還是覺得我未盡努力,我的時間花到那裡去??

我又要改改我這些壞習慣........向目標而努力

補打日記...........  ２／９

　　　　　　　　３／９

　　　　　　　　４／９

　　　　　　　　５／９

　　　　　　　　６／９

http://blog.qooza.hk/blog.php?user=kiki0910&page=2 

Ｓｏｒｒｙ，遲了那麼多，終於得閒打返ｌａ，一定要去睇ａｒ，打左好耐ｇａ！！

Ｔｈａｎｋ　ｙｏｕ　ｖｅｒｙ　ｍｕｃｈ！！

今日好似好忙咁.........今日返學又遲左少少,日日都遲到,唔係咁好,我要改改d個壞習慣先得

放學後又係度煩visa d野,真係好煩,咁多野要搞,仲要俾295pound,死得lu

死...........巴士,等左我大半個鐘,火都黎

去接班,做做做................到7:00放工

去左對面"大同"食飯............正ar,有飽魚,又有龍蝦...............

今日二姑媽生日,有birthday cake食,原來大班gebirth cake都幾好味ga wo!!

happy birthday!!

今日放學後,去左做gym兩個月冇黎過la

停左兩個月,都唔知入唔入到去,果然俾我入到去

去到gym room,哇............正正正................

好耶!!d機轉晒新野,勁正

尤其喜歡個跑步機,有風扇係前面,跑到熱可以開風扇

哈哈~~做左個半鐘..............

好彩今日去左ja,因為收到order~明日要返工,後日,大後日,大大後日,大大大後日都要...................

今日返工好幾次被氣死了,細姑媽d脾氣好難頂

lunch time,見冇乜客,於是行左入去食飯,只是夾一夾餸,咁岩就有客,咁岩姑媽就返黎,咁岩就俾人話了..........唉~我下次會酲d.........好唔抵

姑媽做野好急,做野慢小小都會俾人話,大佬ar,你都要俾d客睇下想買d乜ga,一黎就問人地要買乜,我唔like咁lo.........

下下都黑口黑面睇實晒,咁樣同佢拍擋好辛苦ga

冇野做就俾人睥住晒,不停要搵野出黎做

今日成日俾人話,好唔開心,佢真係話人唔洗本ga..........聽到谷鬼氣,但又唔出得聲

同事都明白我.........叫我唔使理佢

then入去拾餅ge時候,又唔小心整到嵐叔個birth cake,我say晒sorry,雖然梁叔&嵐叔都話唔緊要,但堯堯話嵐叔搞到我喊,其實我果下真係好想喊.........因為果下真係勁唔開心,我笑唔出lo

我講錯價錢俾佢聽,之後佢發現左,又俾佢話,我已經冇駁佢嘴,我只是哦了一聲,咁都可以俾人話,好話我哦一聲就得,大佬你想我點ar.........激死我la

我又冇身份,冇地位..........俾人話係咪理所當然??好辛苦,以後仲有排崖

二姑媽話:d個係一個鍛鍊,第時去打人地工都係咁

lingling我宜家好明白你ar

今日返學exam,做了gammer test..............

then作了個藉口,話要早走d,冇做到writing...............

之後周圍行左陣,就去接班,因為餅店唔夠人,姑媽要去做埋一份

下午,大姑媽就要返hk,so我要替細姑媽做一個下午

今日係中秋節,我又係返工中渡過,不過唔同ge係我今年食左兩餐晚飯

5:30先係餅店食,到了8:00~回家又食多餐,因為都唔知姑媽佢地等埋我同uncle 回家食,d餐可算是團年飯,好熱鬧ar!!

我當然好想念hk 的中秋..........你地一定玩得好開心la

雖然今日下雨,但係晚上都可以見到月光,記得我講過,唔知hk ge月光同uk係咪一樣的

我可以話俾你地聽uk的月光真係比hk大,外國的月光,又大又圓,你地都可以睇到la,因為我影左相,同你地一起分享,haha.................

今日返學la,一早起身,出門時橫風橫雨

都未行到bus stop,傘都爛埋,走多幾步........下半身濕透了,所以都係先回家~

下午,返到學校........哈哈,幾乎全校ge老師都知我pass左兩科,有個老師仲話proud of me

咁又係ge,以我初時來到,講都唔識講,到得到咁ge成績,我都proud of myself

不過我只是pass左兩科,又唔係全部,如果係全部就好la!!

宜家得兩科pass又冇證書,都唔知有咩用

今年我想only 讀英文,但又驚上年我咁ge成績,明年唔岩學校ge入學ge要求

如果要讀返兩科又要俾多1100pound,只是3個月ge課程,咁密集.........我都未必會pass

咁謮法真係好貴,如果我有錢就好la,.................點算好ar??好煩ar,好煩ar

今日臨出門時醒起梁哥同我講過,要我係屋企帶箱"豆沙"過去餅鋪,then peipei話幫我手,我就只意佢la!!

但是後來發現,我竟然帶錯了箱"蓮蓉",那並不是我要帶的"豆沙"

幸好,存貨仲夠明日用來做麵包用

sorry,下次我做咩野都會親力親為

日日都會有人黎問,有冇豆腐花買ar??大姑媽整ge豆腐花真係好好味ga!!

下個星期二,大姑媽就回hk lu,唔知遲d係咪要幫細姑媽手做糖水&豆腐花呢??

我下個星期開學了,總是覺得一天返3小時好似好少咁,我係咪係度浪費緊時間

可能咁樣叫半供讀,一邊做工,一邊讀書.................點都好,我今年要俾心機學好english

好耶,勞碌的日子終於過去了,今天可以舒舒服服在家裡休息

上網,追劇,打日記,收拾行李,房間,跟朋友聊天..........最可惜是冇得彈琴

突然回想起離開hk時的一切,一切來得太快,時間一點也不充裕

今日唔知醒返工,姑媽又唔記得左要車我,so佢都唔知醒

之後我拿拿聲叫佢起身車我返工,結果返到去遲左15mins

今日第一次幫人order birthday cake,都唔係好難,成功寫好兩張order

放工跟姑媽去左ikea............pei買完野就歸家了

時間真係過得好快,返工,放工又一日la

明日三姑媽就去holiday,冇人車我.........好麻煩>.<

實在太好了,上班連續5天,今日終於休息la

又會咁岩ge,今日姑媽話佢地出london行,所以我都跟埋一份

由於三姑媽要返工,所以得我,二姑媽,二姑丈,大姑媽&蘭姨

今日totoal 發生了3次大地震,全因大姑媽而起

9:30am出發,去左買one day travel card~6.70pound,好貴><

9:38am先到火車站,追唔到班火車,大姑媽發老皮,明明班車係追唔到ga ma,佢仲係度噪,我睇唔過眼頂佢咀,then佢黑晒面

大老,追唔到班車咪算lo,仲係度係咁怨我地唔行快d,冇人想追唔到車ga ma,大不了咪等多半個鐘搭第兩部lo,洗唔洗咁ar?

好la,我地急急腳趕到去白金漢,又得知今日冇越兵睇,真係ar??

我地今日係london 周圍去,去左london eye,big ben,harrows............

遊車河,then我地唔知遊左去邊,又搵唔到bus 搭,搭地鐵係最好ga la,大姑媽又係度噪,又話tube 咩野多人,迫唔到上車,e樣果樣,d說話好難聽,最後我地都就佢la,去左搭bus

好la,我地去到vitoria 我地話要影相,之後佢就自己行左去,唔左人我地係度搵佢

原來佢自己走左去閘口,大老行左去又唔講聲,then又趕唔到train,佢又係度發老皮,洗唔洗ar,搭過第二班車咪得lo,搞到大家都唔開心,有乜謂ar?

最後,由我帶路拾車去happy in 食dinner,幾驚搭錯車ar,好彩都平安到步。

食飽大姑媽就坐左出去門外,佢仲係度嬲緊.........我地何嘗唔嬲ar??佢咁ge性格真係好難頂

之後,我要落去餅鋪幫手埋數...........finished 後終於可以返屋企la,6個人坐一部車,超載,咁都得

今日又是累透的一天,明日要繼續努力搵$ 了。>.<