今日我同大姑媽又出去east croydon行過

因為琴日行唔夠,加上姑媽又諗住買d chocolate 做手信

由我帶路,搭bus出去,咁岩我張bus pass今日到期,可以用埋今日wo。

先去左bus station 買下星期一返學要用ge bus pass月票,真係衰ar,加左價36.10--->37.30pound

之後就開始行街街la..........行左好耐都睇唔岩,都係算la

就算d度點減價,d衫點平,都唔夠hk抵買,d度買乜都貴過人ge,所以我都幾難睇得上眼。

下星期一大姑媽就返hk la,so我都買左d chocolate 托佢幫我送俾阿媽。

最哀今日又唔記得帶電話la,如果唔係三姑媽會車我地返屋企>.<

今日高姨姨約左我同大姑媽去east croydon 行街街

我地11:00am出發,宜家去shopping都有好多減價,但明顯地d靚款已經俾人搶購晒~~

不過都有d減完再減ge.......如果揀岩的話,都幾抵買ge。

行左陣我地就去食lunch,去左一間餐廳,食西餐.....

叫左幾樣野share,有肉醬意粉,腸+煙肉,磨姑雞飯(用cream煮成的)

味道都ok ge,不過食完之後覺得好肥。此刻明白到點解,d外國人會那麼肥。

行左成日ge收穫就係一件外套...........用自己剛出糧ge人工買ge第一樣野,好開心ar!!

仲記得上年係香港教育學院ge sport day做服務生,得來ge第一份人工$86,已經凍過水la!!

都係阿媽lo,又唔去學校拎wo,人地寄到黎la,又話我個戶口係兒童戶口,入唔到支票,有冇搞錯呀。

對我來說,$86是很有意義的,氣死我la!!最衰我唔係hk la!!冇la,乜都冇lu!!好唔抵ar,我好唔甘心

我已經將我係英國做野ge第1份人工keep起左,決定原原本本咁送俾阿媽,這更有意義吧!!

今日uncle 話唔唔洗返工la,實在太好la!!

因為我真係好累,琴日我隻腳都未抖夠,又要返工企成日>.<

今日上左成日網.......時間過得好快,見好似冇乜野做,拎返本達文西密碼出黎睇!!

上次又係睇到1/10放埋左一邊,希望今次可以成功睇晒la。

今日very tired.返左成日工,隻腳好痛......

企左成日,明日唔洗返工la,終於有得放假la!!

等我回顧下d 一年la~

今日又要返工,返10:00a.m,放7:00pm

琴晚打返之前幾日ge日記,打到1點先訓,今早唔願起身

一起身,飲左杯"五蔬汁",就要趕住出門口la.........

星期六餅鋪同琴日差唔多咁幫,同琴日一樣咁累

uncle讚我下半場做得唔錯,唔洗人點幫手都賣到麵包

上半場都有俾佢罵>.<做野唔係用手,係用惱

講真我都覺得自己今日做得唔錯,我都好俾心機做

d價錢我都記到一半la,但係仲有好多野學...............

仲有一日都踏入2007年la,好唔捨得2006年呀!!

今日訓到差唔多11:00先起身,實在太累了,隻腳仲有少少酸痛

拿拿臨食完早餐,姑媽就順便車我返工la

12:00pm做到7:30pm先收工呀~~

累死我la,因為餅鋪唔夠人手,得我同埋一個女仔做樓面,所以好忙

好sad,俾uncle(老闆)罵,罵我倒茶到得滿,好hurt

我仲好記得佢話,針茶咁簡單都要教,咁多野學你就有排學la............

明日,後日&大後日都要返工............

今日死蠢左,大姑媽黎餅鋪,佢同高姨姨shopping,諗住帶埋我去

但係我話等我掃埋個地先,結果佢地一陣都等唔切,就走左la

then我就要係度做多2hours先放得工,激死我la,雖然我係累,但shopping總好過做埋ar ma!!死蠢!!死蠢...........

今晚出面橫風橫雨,好似打一號風球咁.........

 --->東東Feng 

 --->又咬拖鞋,仲唔俾我影到,naughty girl~

今日又出London la,但係只得我同大姑媽去

初時都有d擔心我會唔識路,唔識搭地鐵

我地首先搭train,再搭tube(地鐵)

去左Buckingham palace(白金漢宮),睇到d 士兵操

then去左Harrods,Harrods係一間全英國最大ge名牌公司,係為左紀念戴安娜唔知d咩野而建的

果真好大,我諗有一個運動場咁大,total仲有4層

好多人,姑媽買左好多Harrods 袋.........

lunch去唐人街搵野食,我地去左佢個朋友間餐廳食,食左個干抄牛河+春卷&curry 雞飯,個老闆話唔收我地$

食飽飽,我地充滿力量,繼續行街,搵左好耐都行唔到去Oxford street,於是我地坐tube,都係坐一個站就到la

今次真係大開眼界la,Oxford street成條街都係名店,條街長到ar.......行到腳都痛,可能有5,6個花園街咁長,只係不斷重覆d鋪,每間鋪出現3,4次,勁呀!!!勁呀...............好勁呀!!

好累,好累,晚上三姑媽黎接我地去"大同"食飯,uncle今日先同我講明日要返工呀!!>.< 

 --->對面果間就係Harrods

今日好早起身la,因為今日係christmas 後ge第一個減價日

我地8:15am要出門口la,如果唔係要排隊泊車

去到d鋪頭多數都9:00先開門

我地周圍行左一陣,去左"Next",真係勁多人,我都買左一件衫

但係姑媽又同pei吵架......黑晒面咁,pei又話唔買要走

最後俾大姑媽做和事佬,但係d氣氛都唔係咁好

行多冇耐,pei就買左衫&鞋,then又買左部~吸塵機........

下午,跟大姑媽&三姑媽出London果邊,去Harrods行下,但係去到先知今日close

then去到唐人街幫姑媽手做數,做到差唔多7:00先走得

8:00返到屋企幫手大姑媽煮飯,第一次一家人坐埋張餐檯食飯,突然覺得好溫暖。

今日成日都係屋企........好少可會全屋都放假係晒屋企

做下家務,搞下d樣,搞下果樣就冇左個下午

我地晚上7:00pm去hotel食西餐,姑媽話要著靚d

去到hotel先知,原來唔係得我地一家,仲有其他人都有黎,都有22個

坐一張長長的檯,早幾日前已order好食咩野

原來成間hotel餐廳俾我地book左,本身佢今日仲未開門,但見我地咁多人,先特登做我地生意。

今日12:30就出發去高姨姨屋企la。

一煲二煲,整咁多野,好waste功夫,我都幫手整左成朝........

去到佢屋企,越來越多人,今日有成廿幾人黎,不過好多我都唔識ge

lunch,有糯米飯,芝麻糊,豆腐花,都唔係好多野食但我都知姑媽整得好辛苦

仲有德國腸,係高姨姨佢ge朋友係德國返黎,新鮮運到的,不過我覺得佢都幾fat,so only食左少少

then,又去左打機........打返琴日隻monkey game

之後,去彈琴......好開心有得彈琴ar。我好耐好耐冇掂過琴la,都有4個月la。

之前層經發過一個惡夢,就係我太耐冇彈過琴,而唔識得點彈,連我最拿手的"夢中的婚禮"都唔記得點彈,對住部琴一d都唔記得,好恐怖ge一個夢。

今次再次俾我遇上一部琴ge機會,好驚惡夢會重演.........

我依然彈到"夢中的婚禮",但進步左唔少,我連"叮噹"都唔記得點陣lu.......好唔開心,似乎我個夢真係慢慢的應驗..........唔濟呀!我唔要呀...........

今日訓到10:00先起床,一起身成身都好累,尤其是隻腳,酸酸痛........

諗住唔洗返工可以休息一下,怎料收到uncle電話,佢話想搵我去"大班"餅鋪幫手

我真係唔係咁想返,因為好累+上我已經將件製服&圍裙洗左,冇衫著.........

可是,uncle話唔緊要.......叫我開件新圍裙,姑媽返工順便車我去返工

返到去12:30pm,果真好忙,排晒長龍,好好生意........又忙左成日la

好累,好累.........d麵包好快賣晒,5:00收工.........4:00已經冇客人la

等左放工好耐la,終於可以休息下la

但係返到屋企大姑媽話我返黎就好la,佢留返d碗俾我洗,皆因佢整左成日芝麻糊&豆漿for 明日ge party

好黑仔,沖凍水涼,原來個heater跳左制,早知就唔沖la,凍死la,計上次入camp,今次係我d生人第二次,冬天沖凍水涼>.<

晚上,去左高姨姨屋企打邊爐,真係好la,好耐冇打過邊爐la,今次仲要係海鮮餐......有魚,蝦,蟹,帶子...........

食飽飽,同pei&king打機..........好似唔知點咁,佢地一用英文溝通,我就好唔慣.......好彩pei& king都有care 我,問我明唔明,then佢就用中文解釋俾我聽

哈哈......我次次都包尾.......12:00回家lu!!

今日終於冇咁大霧,冇咁凍la........

10:00跟uncle返工,今次係我第三次返餅鋪幫手

好忙,好忙ge一日,出左好多盤蛋鐽,5,6盤。好多人,不斷拾檯,出麵包.........

今次我有幫手賣包俾人.......不過我仲未記到d價錢,次次都要搵人幫我計

好彩果兩個同事都肯幫我,只係有時聽唔明d外國人講咩......

當我成功賣到野俾每一個,都好開心,好有成功感

原來今日係一年之中最busy ge一日之一,因為今日係臨近聖誕ge Saturday,d人肯出黎shopping

此外,d supermarket 都特別多人,因為Christmas 會停業幾日

so d車要排隊入去parking,就好似香港打風前夕咁,d人會去搶購...........

做到6:30pm先放工,隻腳勁累,琴日跑步得來ge酸痛+上企左成日,簡直疲憊不堪。

今晚11:00pm去食飯,姑媽間酒樓開party,要等間酒樓收工後先開始,so要等到咁夜。

去到酒樓坐左冇耐就有得食la,食左冇耐就抽獎,每人都會有一份,佢total買左80幾份,好勁呀

份份禮物都唔少野ga,最大果份係雪櫃.............

好期待咁等佢叫number,終於叫到我ls,我果份係日式ge玻璃碟.........都好靚ga,價值13.40pound

而姑媽佢地就抽到,一支酒,多士爐,暖水壺&碗

抽完獎時間都差唔多走人,then d人就係度拾檯開賭局,賭$.........

我地就返屋企la,返到屋企都成1:00,同大姑媽上網睇機票d野搞到2:30先訓

本身今日同姑媽去swimming,但係佢又唔想去

等佢同大姑媽shopping完,先車我去,好快15mins就到la!!

今日冇swimming,only 踏單車&跑步......好tired

then,自己搭車返屋企,搭好左耐bus,成個鐘,可能太大霧,d車行得慢d

返到屋企拿拿臨,帶"東東"出去散步,因為今早uncle叫到,出面好凍>.<

搞到4:00先食lunch............上左陣網,就要做家務la

因為明日要返工,冇時間做,so要今日做晒d家務

唉!我好冇記性,琴日uncle叫我幫佢錄帶,我又唔記得左wo,今日又唔記得, 當我記得ge時間已經miss左一半,搞到好唔好意思。

今日大姑媽教我整香蕉奶式,好易整,only要將d牛奶+香蕉+糖mix 埋一齊就得la。好好飲酒^^

 --->好大霧

 --->傻傻的

 --->哈哈,"我要入屋!"

今日得0C,仍然好大霧,一日比一日凍,明日得-2C咋。

咁凍ge天氣我竟然見到有人著短就衫,都唔知係唔係冷血ga!!

返到學校派卷,雖然份卷係難,但對我來說應該很易pass的,所以我都冇咩野驚喜73%

今日返到去都冇咩野做,each one見一見Anna

Anna 話有禮物俾我地,有朱古力&cracket

今次死la,食左4粒朱古力,仲唔肥死~~

cracket;原來係一樣傳統ge聖誕禮物,好得意ga,佢係用d紙筒做的,只要拉開紙筒,就會聽到啪一聲,份禮物就會係紙筒中趺出黎。

本身我份禮物係一個purse,但係我唔like,Anna俾個另一份我,d份是一個摺得ge scissor,都好過之前果份。

從明日起就開始放christmas holiday la!!

琴晚溫eng,溫到瞌著左........then我就上床訓la!!

今日好凍,得1-4C,係屋企都唔覺得咁凍........

一出門口,好似入左仙境咁,好大霧,加上口,鼻都噴煙,係我視線範圍100米以外ge野都睇唔到

那刻覺得好interesting.

返到學校諗住溫下書,俾人煩住晒,都溫唔到,係同學係咁話一陣exam俾佢睇之類,煩死人la。

我最唔鍾意就係佢地成班人不斷係度講韓文,我又唔知佢地講咩wo,only覺得佢地係度製造噪音

今日eng 份卷都幾難,好hate作文,咁耐冇作文好似冇晒d靈感,諗左好耐

放學Anna同我去左搞driving licence d野,點會話我本passport太new,identify唔到咁都有

我申請driving licence 都係為左拎個address 証明.......開bank account,好麻煩。

今日姑丈話叫我sat 返工.........