已經好耐好耐冇上過依個網 (耐到連密碼都已經唔記得左...)

但係睇返一次依個網 仍然諗起好多以前既回憶

睇住自己寫過既每一篇日誌  一路睇一路笑

一路心諗原來以前既自己係咁on_ 咩都打上黎發洩一餐

原來細個既自己係咁好笑  咁天真咁白痴咁多野講咁多野呻

望住以前同自己傾過計既小同網友 雖然一早已經冇聯絡 但係都係回憶中一個值得可笑既經歷

最近睇左套戲講起ICQ  同時亦都令我諗起MSN同依個網

令我突然心血來潮想入黎睇下

先發現以前既自己真係好可愛

唔知由幾時開始個份率直純真漸漸咁消失

亦唔知由幾時開始個人變得虛偽計較

變成了一個只係chur gpa 搵intern ge student (so called)

原來這就是所謂的長大

正因為長大了才會相對地襯托以前既幼稚

覺得以前好可笑好小學雞

其實小學雞都係人生必經既經歷

依個日誌網站正正記錄了這樣既我

令我可以藉此睇返以前既自己

依篇文雖然都估到唔會有咩人睇 (我d朋友都已經唔會用同睇日誌)

不過都只係想記錄此刻心情

好讓明天的我可以睇返此刻的我