中史test-沒有溫習,因為睡覺了
本來預計自己會寫不出什麼...........
但離奇地......我寫個不停
(男仔啊!你地寫字好嘈啊!!!!)
事後他們還要投訴!haha!!
有人說: 就係因為其他人太嘈,我都要一樣咁嘈先唔會俾佢地煩到........
................
請大家下次墊幾張紙才寫吧

文學-其實對我來說,現在test低分不代表什麼,何況我根本沒有讀過,連詠懷古跡那一課本身都未背得熟,我清楚知道是自己不勤力,還未到懷疑自己能力的地步

lunch- 根爺,梁建邦,benny,栢愉,軒仔,邦--at 太和小館
然後到百佳買巧克力+糖 (原來男仔都會興呢d野...食完飯走去買下糖..haha)

歷史學會: 電影欣賞--霍元甲
e?!好像挺好看啊.....但只看了一半

放學.....到library做文學..........
5pm離開

上學的事...忘了...

下課到萬寧買了超值$19.9的大盒熊仔餅=10包
唉...吃力地把它放進袋裡..........不可以被家人發現.............這陣子更嚴重....
回家立刻把它塞進床下的抽屜裡..........
在家吃零食就是這麼"辛苦".....要躲在房裡,外賣麥當勞回家永遠不會吃得開心...
前幾天他說: "成日o係房食朱古力,你估我唔知呀?!"
我沒有想過他不會知道, 但如果不是他,我又何須這樣呢........?

............
其實我不常/不很喜歡吃巧克力,只是總喜歡買點零食吧...
現在又不是超胖,超誇張........

病假
咩都唔想做............

又o係訓緊覺既時候
條友又走入黎 又嘈生哂 又o係度9up!
又話我未撚食過藥 跟住開始發癲
(問題係事情根本都係佢自己覺得.........佢自己諗出黎........都唔係第1次~都見怪不怪架啦~不嬲都唔出聲就算)
佢企圖嗌醒我<事實上o係佢入黎既時候我經已醒左>一路鬧
我答左一句: 食左啦....唔好再嘈 (真係好"難堪",好無奈,而家病左...冇聲冇氣咁...想靜少少休息下姐....我知道點解次次佢都咁嬲,咁鐘意發脾氣,因為睇醫生要使佢d錢呀ma.......佢講到出口,即使佢唔講,講真我真係知道.....)
然後記得佢發哂癲,攞住我d藥掟落地,發脾氣: 唉,唔好撚食啦,唉,好似欠撚左你地咁既!!!!!
第一時間諗到...........呢句野應該係我講!係我欠左你地d咩,點解要我做佢個女...........................

:)

繼星期日晚嘔完後,大半年前間中一段時間又有既"狀況"又黎料.......
仲記得之前阿豐話我貧血..... (佢講野有邊次中架...-_-" )
朝早搭車o個陣經已又想嘔........跟住冇力,頭暈,就死

上堂,小息都勁想嘔,但冇食野又冇得嘔 超辛苦....
個個話我面青青,嘴唇白哂
第2個小息叫左傑仔過黎, 跟住我係一個就死的樣子.. 我哭了

lunch 早退
回家
成碗通粉完全食唔到....辛苦到...
我終於明咩叫食唔到野..........
睇醫生- 下?諗都冇諗過關個胃事............

晚上
老豆例牌話我"自己攞黎衰","攞黎賤" o個d
仲有o係我訓緊覺時走入黎打我, "一味掛住玩,去啦去啦,又唔撚番學呀ma"
佢前排已經開始成日講叫家姐睇下邊度請人 叫我唔好讀,出去做野算撚數
心諗: 食屎啦....佢估我未諗過咩!on9!
補充: 我係勁勁勁憎人話人"自己攞黎衰","自己攞黎賤" 呢d說話
請大家千其唔好o係我面前咁話人.........

1.  你咪咁小器啦
女人點解憎：
小器是女人擁有但又不想認擁有的特質, 你明寸我呀？ 明知女人唔啱聽, 唔應該但又忍唔住講出來，即係撩交鬧! 男人說這話前通常已說完「嬲完未呀？」、「唔好嬲啦？」之類的說話.  搞唔掂就會出呢句, 咁即係話我唔應該嬲啦？女人發嬲一定有佢道理，男人駁嘴即係話我蠻不講理，想死呀！

2.  咁對唔住囉、我唔啱囉、我錯晒囉
女人點解憎：
「囉」咩囉？晦氣到死！
最討厭就係加個「咁」字在前頭，「咁對唔住囉？」，一個「咁」字包含了「我唔覺得自己錯但買你怕囉」這十二個字的意思，明激我啦！男人說時通常皺眉頭、眼神厭倦，擺明在說「你又來了」.  乜我好難頂咩？

3.  鍾意？ 我送比你吖！
女人點解憎 :  
因為得個講字，男人總以為講左就等於買左，毋需真的買！見我雙眼發晒光仲問，你盲架？要我用把口去講我鍾意呀, 快d買俾我啦!  即係要我認貪心！

4.  使唔使幫你？使唔使車你? 使唔使幫你拎？
女人點解憎 :
廢話！ 問、問、問, 得個問字, 郁手啦, 答得你嚟我都做完啦！

5.  搵日同你去?
女人點解憎 :
搵日，即係擇日, 通常都無左件事.  你估我係你D客，「搵日出黎飲茶」咩！ 
 
6.  得架啦！得架啦！
女人點解憎 :
得咩jet, 認屎認屁就叻，得把口, 結果咪無樣得！你覺得我好煩，想塞住我把口，話得係敷衍我！

7.  明啦明啦、係啦係啦、得啦得啦
女人點解憎 :
明個屁，想我收聲至真！真係明？咁我岩岩講到邊度先？

8.  是但啦
女人點解憎 :
無要求，無原則，無性格！ 嫌我煩先話是但！ 你寧願任我擺佈都唔用下個腦, 乜我真係好討厭咩?

100分滿分,點都俾夠1000分呢篇野喇掛!!!!!!