真係好耐無打blog(因為同小學朋友分開,覺得打黎都無哂意思),但係,有D野我真係想講好耐,所以,我今日就特登用小小時間黎打,而e篇野,可能就係我最後一篇打o既日記.

今日,我同Billy(某位中學fd)一齊放學,本來無咩野發生,但直到佢話要落金輪買點,咁我咪跟佢去囉,去到買完點之後,我撞到梁文輝,同佢say左句hi之後,佢想同我一齊返屋企,但係我竟然講左句:我行另一邊返去(間接地講左:我唔想同你一齊行),跟住,返到屋企,我先發覺【我真係好過份】,我竟然有口話人無口話自己,我明明係唔知邊一篇blog果度鬧D人淨係識得同中學fd玩,而忘記哂小學同學,但係,連我自己都係咁,所以,我跟本就無資格話人!

回想過去同小學fd玩o既日子,果種純真o既友誼,究竟比唔比得想e家同中學fd o既友情呢!?每次唸到e度,我就好無奈.......

以前小學o既生活須然成日比人鬧,但係,當我每次唸到小學果陣時玩o既日子,真係好開心.以前每日放學都會同d 小學朋友傾計,e家!?想見一面都無咩機會呀!!!!

一唸起小學過o既日子,我都會笑.留堂!?梗係走佬啦,罰企!?彩佢都傻啦~記缺點!?慢慢啦,唔洗急,記多幾個仲好.但係e家!?唉....廢事講.....

最懷念就係留堂走佬,因為真係好刺激!每次成功走出學校門口,果種成功感真係...爽到你唔信!唸起走佬戰友,第一個肯定係柏少,第二個就係黃全雄~

最掛住o既小學同學就梗係邢愷軒同丘黎哲啦...不過...唉....廢事講.....

要講o既野已經講哂,至於係唔係最後一次....就要睇下有無小學fd o既回覆同講D哂喇~