今日11點靚，趕住食佐幾啖飯就去油麻地地鐵站會合巧明妹同呀雪一齊去睇戲。

    等佐一個鍾，成個過程我都見到有4、5個男仔lo住束花等住送比女友。有一個人用佐應節得黎又唔會令銀包大傷元氣既方法，

只係用簡單既花紙將一支玫瑰包好，依然襯托得玫瑰嬌豔欲滴。其實大束，細束又有咩所謂?可以收花已經係一個思賜。

    油麻地地鐵站真係超熱!成身都出汗，本來放散頭髮都束起佢。等人既差唔多個個都係男仔，得我一個傻傻地起到行黎行去。

一睇就知，係單身，或者約人不遂，被人拋棄起喱到。我終於忍唔住，坐番地鐵番屋企。

      番到去打電話比佢，先知佢一直起九龍灣等我。唉...

        難得我提議去睇戲，但比喱一次失敗既約會削減佐我對睇戲既熱度。

        可能要等好耐好耐，我先會去睇戲.....

       因為琵琶就快比賽既關係，我再約佐巧明妹起太子，一齊去呀sir間琴行到練琴，希望唔好再去錯地方........