| «‹ February 2015 ›» | | S | M | T | W | T | F | S | | 1 | 2 | 3 | 4 | 5 | 6 | 7 | | 8 | 9 | 10 | 11 | 12 | 13 | 14 | | 15 | 16 | 17 | 18 | 19 | 20 | 21 | | 22 | 23 | 24 | 25 | 26 | 27 | 28 |
|
2008 年 7 月 6 日 星期日  |
落雨無波打  |
分類: 未分類 |
救命,尋日係屋企休息準備好聽日打波,點知....今日落左場咁大既雨,無得打...
之前d雨唔係落哂啦咩,又落...咁我仲得了?星期五就比賽啦,唔keep好狀態點打?
由朝到晚係屋企打機,開始悶啦...巨商搵左人代升,跑同eco無人陪我玩..點算~!!!
唔通睇埋d小朋友電視咩?自閉左成日,今晚又自己一條友係屋企..
即將落街買飯,係屋企再過埋幾個鐘sleep lu.....希望在明天,唔好再落雨。
|
2008 年 7 月 4 日 星期五  |
| 派哂卷lu,感謝上帝 |
分類: 未分類 |
今日將會派卷,會派哂所有卷,好在,最後我炒左一科,就係數學,嗚...
但都好好,我以為會炒呢四科--IH,MATH,ENG,CHINESE,好在只炒math,
對完卷番到屋企就正式開機,好耐無理個blog。大約五點鐘我就去籃球訓練啦...
我真係好愛打籃球,有時我覺得籃球比愛情重要,但我始終覺得友情比較重要。 |
| 2008 年 7 月 1 日 星期二 |
同矮仔們游水  |
分類: 未分類 |
今朝勁早起身,但都不及矮仔同Roy,我起身佢地出哂門口,點算?
最後佢地入左去先,我自己一條友入,但嚇死我,以為無帶學生證,差d要番屋企拎番,好在最後比我搵到。
之後起嘻水池,又無野玩,我同矮仔用水潑到阿roy飛起,突然個天勁黑,好似想落雨,點知...
原來個黑雲呃人,後來呃左勁多人走左,泳池剩番好少人。
矮仔阿媽買左兩支水槍比我地,我地用支水槍不斷射阿Roy,後來諗番都覺得有d幼稚
矮仔用水槍周圍射人,最後比班傻仔鬧,我真係扮唔識佢算
游完水比矮仔呃左去食貴野,好彩佢阿媽請我食,勁好人。 |
| 2008 年 6 月 30 日 星期一 |
| 去Sunny屋企玩 |
分類: 未分類 |
尋晚睇完歐國盃決賽,西班牙贏德國,換來既後果係今日好眼訓...
今日要對卷,好驚,結果炒左一科....算啦,我以為會炒兩科tim~!
考完諗住番屋企食野突然Hugo叫我停係度去唔去Sunny屋企度玩,原本唔想,但我要合群~
去到Sunny屋企見到佢細路,成隻monkey咁,同Sunny性格原全相反。
後來食左免費既午餐,之後打機,後來越打越hign,諗走之前大家仲隻左場交之後先走,玩得好開心。
Sunny話星期三會再歡迎我地去打機,好期待tim~!!!
番到黎勁眼訓,一陣馬上去訓,起身要去汁野聽日同矮仔同Roy同虧佬恆去Swimming,亦都好期待... |
| 2008 年 6 月 28 日 星期六 |
無屋企番呀!  |
分類: 未分類 |
今日朝早要去補習,所以9點鐘就起身做功課,後來趕住出門口,竟然唔記得帶鎖匙!!!
補完習後12點,食完野後無屋企,鄭俊泓收留我,去佢屋企打左3個鐘佢,阿媽又要我去上環陪佢食野先肯比鎖匙我慘!
去完食野,我同阿媽去左買衫,買左件運動背心同衫,終於有運動背心出去著,可以著出去打波,爽!總算無哂我時間!
到左6點,終於可以番屋企,番屋企訓覺,訓醒就睇電視,之後同矮仔玩巨商,當然唔係幾夠秋啦,聽日再鬥過...! |
| 2008 年 6 月 25 日 星期三 |
生左粒極大既飛滋  |
分類: 未分類 |
今日生左粒極大、極大、極大既飛滋,連食野都痛,仲有少少流血呀~好慘呀我!
今日風神降臨,起身時d雨大到,加埋風神既力量簡直無懈可擊!
亦都因為咁而取消左游水活動,導致上午自閉...
下午開始無咁大雨,同家姐去左鴨利洲體育館打左場羽毛球,終於可以無咁悶~!!
打完波食野粒飛滋又痛,令我食野無哂胃口!
番屋企打一陣機又要溫書,不過聽日考英文聆聽唔駛溫,但後日考數所以要修數lu~!!
希望粒飛滋快d好番!!!!!!!!!! |
| 2008 年 6 月 23 日 星期一 |
| 又有假放,爽呀! |
分類: 未分類 |
今日考中文作文,我作左451字,算破哂我作文字數紀錄,但估唔到有一個人仲變態,作左700幾字,佢係阿roy。
放學番黎,同黃偉健i-one玩勁舞,始終黃偉健自由比我勁幾倍,輸到七彩......
番到屋企,食自己同家姐自制既壽司,由於自己整,所以覺得特別好食啊!
繼續為電腦極度lag機問題煩惱,真係想拆左部電腦佢~!!! |
| 2008 年 6 月 22 日 星期日 |
yeah~回復狀態!  |
分類: 未分類 |
今日上午,全部自閉,一直為電腦重裝問題而煩惱,最後放棄重裝...
到下午,出左香港仔食下午茶,食完後去買左個finger sleeves(手指套),超正!
番到屋企第一件事做既就係換衫,然後出街打波!
經過長達三小時既特訓,狀態又極度低沉回勇,yoman,我要搶番失落既SG位置!
打完波,落街食完野,番來又做sit-up,掌上壓各20下,(勁少好水皮啊! )。
之後我打完呢個日誌我會訓同樣長達三小時既覺,因為我係隻豬 )~! |
| 2008 年 6 月 21 日 星期六 |
| 游水去~!!! |
分類: 未分類 |
今日補完習後,膠軒要去搵阿媽拎錢,我同鄭俊泓上左二樓搵膠軒,之後搵唔到後上左一條唔比行既樓梯,果度一條友都無,上到五樓,
見到一個人,佢大叫"你做咩野",於是我地嚇到跑上六樓,我仲扒低左=口=",之後被人趕番落去,就去自在"軒"食野,點知果度全部員工
都係弱能人士,但d野好好食.....
食完野之後,比我地遇到阿lo,阿余,佢地約我地游水。搭車時,我同鄭俊泓以安信兄弟同明報職員身份玩左勁多人電話,勁爽!
游水游到累時,我地去左嬉水池玩,途中有個外國既女仔用水槍對住阿lo黎射,然後我地還拖,個女仔於是搵埋佢其他外國阿哥幫手,兩支
槍對住我地來射,我地只可以用水潑佢地,玩黎玩去勁開心。
游完水之後在巴士又玩電話,落車食左d野就各自番屋企lu...
番到屋企要開始玩eco,係唔係好益智呢,無計,屋企部電腦廢到... |
|
