This year the prefect camp very excellent,so i also use the Chinese....
今年既prefect camp係最好玩既
雖然真係好攰好攰,
但都係值得......
第一日
因為我要出去上堂,,
所以只係玩咗幾個Game就出咗去,,
冇去到行山...真係有D可惜
因為佢地影咗D相番黎....真係好靚....
到咗訓教既時段
攞完營衣就訓教lo...
我間房唔知做咩變咗個溫室,熱到標哂汗...
就過咗隔離果間房訓...
點知隔離果間房係一個雪房,涷到彊哂
所以我過番個溫室訓
第二日
一早就係步操比賽...
因為我第一日出咗去上堂,所以我要係一個早上既時間學哂所有既指令
當我搞點哂所有既指令...我地成隊就去咗食早餐
我地基本上係最早練哂既一隊 [懶!!]
我地行去食早餐果到既時候.....所有隊都係唔同地方到練習
比賽既時候...
我地抽中第一隊比賽......
可能第一隊冇咩壓力啦...攞咗第一名
跟住玩city hunter
我地有900幾蚊用...
第一站我地搭咗火車去理工大學既專上學院
跟住我地行下行下去咗食車仔麵....
跟住我地搵到兩架的士...每架的士150一粒鐘
我地就包咗兩架的士
去哂所有既地方...跟住係油麻地搭咗兩架的士番孫書...
我地係最先既一隊番到學校..仲有成二百蚊淨...
當我地等緊其他隊番黎既時候
突然有陣超勁既怪風...
將D藍色厚「典」吹起and反轉....
馬仔因為呢D「典」整傷咗隻手...
本身我地有D water game預備咗
就係呢一陣風...取消咗我地一個water game
不過好過一個water game都冇得玩丫
到食晚餐既時間...
我地食pizza...
我地好似成班餓狼咁係咁食...
跟住我係食到一半既時候,上咗8樓簽張卡
跟住落咗禮堂準備我地成個prefect camp既最重要既環節
晚會
我地今年既晚會預備咗好多潘sir同劉sir唔知既環節
呢D環節都係關於兩位呀sir
而我地呢D環節亦達成我地既效果...
我地好成功咁令到潘sir流出佢既男兒淚...
跟住就係總隊長,隊長,隊員上台講下自己既感受...
我都比佢地D感受同對話影響到..
我都有D眼濕濕....
當個晚會完咗之後,
我地就去沖涼...
沖完涼我同青山隊隊長上咗8樓食糖水...
食完番房訓...一訓落張席到,唔夠十秒,就訓著咗lo...(太攰喇)
第三日
我地一早食完早餐就去咗果個「海豚獨木舟會」
我地學咗一陣點玩隻獨木舟一陣,就出去對面海既一個島
去到個到突然話要我地D隊長負責...
D教練要我地整D木筏....要我地將木筏同所有獨木舟,
拎番哂去海豚獨木舟會...要一大班人達成共識,真係好難
要我地D隊長作出一個決定就更難,我地時間又小
搞到我成個人著哂火咁濟
我真係有排學,點樣先可以係緊張既時候冷卻自己
最後都係各自為政,
玩完D獨木舟隻手真係爆攰...
一上到車...合埋隻眼就到新達
成個camp就咁完咗lo...
真係好好玩,有D唔捨得...
蘋果設計既營衣(好靚呀)
 
|
