老天,不如你答下我,我可以點做?

   我都好想搵到一份工...工啫? 

   我承認,自己曾經唔肯面對,上星期三果次,真係我人生中最值得開心嘅一次,

我真係覺得自己適合做呢份工,覺得自己可以面對到呢份工嘅工作壓力同得到嘅經驗。

  我介意嘅,唔係你話我只係掛住打機,而係你將我打機同搵唔到野做掛勾。

  我係成日打機,但我永遠將搵工放係第一位,只係憋係屋企,實在太悶,我...冇辦法。

  我承認自己,起步好遲,但你地點唔滿意都好,我都會為自己負責任,「自己有分數」,絕對唔係敷衍你地嘅說話,

而係我明白到,工作係要靠自己嘅努力搵返黎,我曾經有所謂嘅「低潮」(當然依家睇黎,唔算得啲咩)

  不過,問題總係要解決,我不會放棄,亦唔應該再鑽牛角尖,所以,我決定,由呢一日開始,決定暫時退谷,唔打機住,

一日留係屋企冇野做,一日就要努力搵工,直到有工開為止。

  當然,出街嘅戶外時間唔受限制,因為唔係屋企,至少係晉爺度,我會打返,但我強調,搵工,永遠係我嘅第一位,由我畢業開始,

一直都冇變。

  今日係1月15日,雖然我一向唔習慣迫自己,但我點都要做一次:我一定要係新年前搵到活動助理! 成功搵到自己爭取返黎嘅第一份工!

  因為~我的字典裡沒有放棄~=P

  十萬個給力!

  P.S 成成同肥鏗都搵到工啦! 恭喜晒! 

  P.S.S 你地每人一搵到工,我都會受壓...希望呢種非人嘅頹廢日子可以盡快結束...That's all...

  P.S.S.S 如果冇得係屋企打機嘅日子,除咗係晉爺度,我會不斷跑步,令自己嘅身體保持健康,使到身心嘅狀態都達到頂峰~