今日一早好無聊咁睇左d朋友既blog,佢地有d都寫得好多, 有d就同我一樣廢左個blog咁.....其實我都唔想.......每天其實都係一樣返工收工, 當然會有事發生啦~~不過返到屋企時間都唔係太多, 我好快就要開返學啦~~14號就要上第一堂......今次真係要十分認真啦~~因為要考試架~~~>.<" 雖然我知老公會支持我~不過我都仲係好擔心.......錢係一方面啦~其次就係我既能力啦~~~

講下冇寫日記既日子我做過d咩啦.........同老公仔都已經踏入第3年啦~雖然都冇咩點慶祝.....不過都好滿意, 話晒我地兩個都唔係好多錢......不過講真.....老公仔既驚喜又真係冇咩點進步~~=.=" 而我亦都養左3隻貓仔, 唔知有冇講過呢??@@ 佢地都1歲啦~~好得意~~^^ 我最錫係隻仔, 佢係唯一比我抱抱~~>3< 其他人都唔得架~~老公仔都係間中咋~~^^ 兩隻囡我都抱唔到......一隻就係比較惡, 不過就好跟阿媽, 另外一隻就比較細膽~~不過佢就比較乖, 好少咬人架~~~

不過最近同阿媽單獨相處既時候....都真係幾怪~~因為阿媽會講一下拍拖搵男對象要點點點咁.....就好似昨日咁......阿媽又同我右埋家姐講, 如果個男方係想控制你, 大脾氣既就唔好要啦~~~第日結左婚會好辛苦架, 佢好似怕我同家姐會比老公打咁.....講真果句....其實我都擔心過, 只係我仲相信老公會改變, 至於生小朋友....我就真係唔敢去想, 以佢既脾氣個小朋友一定好慘.........其實我真係鐘意最初時候既老公仔多d.......相處耐左先發覺老公仔既脾氣......我係咪冇可能改到佢既脾氣呢??我相信機會都好微啦......=.=lll

今日一早就要好早出門口~~因為要陪老公入院~~~本來我係打算放假架.......

一起身個天都未光.....好耐都未試過啦~~~之後就要偷偷地咁起身同出門口~~出左門之後就call的士......天都未光...街又冇咩人.....我只係見到d公公婆婆......=.=" 等的士期間....都真係幾凍.....=w= 去到火炭老公就打電話比我~~之後我就直接去醫院等佢, 我就早佢少少啦~~

到左QE, 同老公一齊登記左之後就陪佢上埋去, 就晒入院手續之後......又等左一陣.....老公都換埋醫院衫, 之後護士就入黎話d貴重物品家人可以拎走啦, 下午5點至8點係探病時間, 可以走得....... 我仲以為係要陪老公一天......之後老公就叫我去佢屋企......咁我就拎晒老公既野返屋企啦~~之後我見時間仲係好早.....只係7點幾....又冇野可以做到......咁通知埋Mandy就返工啦....消假吧......同yuki會合左之後~返到公司.....阿珊同文仔就最出奇, 因為我都通知左佢地我會唔返.....=.="

收左工之後.....我就走返去老公屋企....拎左佢d衫同銀包手提等等去醫院睇佢.....去到醫院, 老公個樣好累, 眼仲有d紅, 佢好難出聲講野......之後我就拎左本佢平日睇開既雜誌比佢, 怕佢會悶, 不過睇佢今日都未必睇得到....因為佢用好細聲既語氣同我講, 好痛, 好辛苦, 只可以用口呼吸, 見佢咁辛苦我都唔想佢講咁多野, 之後我地就用手機黎通短訊, 之後我問護士醫生幾點會巡視, 點知......醫生夜晚唔會巡....=.=" 而老公明天下午先會出院, 之後我就同老公講明天先接佢出院, 之後我就放好晒老公d衫褲同外套就走啦~~

見到老公咁辛苦真係好心疼......希望明天冇咩事就好啦~~~