今日起身準備好晒d野就叫老公起身啦~~當然係....打電話叫啦~~XD

之後就冇帶雨傘出左門啦~~因為公司有一把~點知都有少少雨落既~~

返到公司比左d魚yuki之後~就開始工作啦~

差唔多收工既時候......意外地得知亞山會去唱k~不過就改星期四~~

搞到yuki幾咁開心~~不過亦令我覺得好意外~

收工之後就同yuki去買返對鞋......因為我對鞋爛左呀~~~>.<

之後行左一陣街就去左KFC買今晚既晚餐~~再同yuki去車站搭車去老公度~~

而yuki就搭車返工~因為我要幫老公做埋d公司野佢先呀~~

昨日做左一半~今日繼續~呢個KFC晚餐, 當然係我同老公仲有佢亞媽食啦~~

食完之後我就開工啦~~平均15分鐘完成一份左右啦~~

最後留返幾張比老公佢搞埋佢~留到10點幾就走啦~~

老公佢依然送到我去85巴士站就走~當我落車既時候....見到老豆呀~~

原來佢今日唔洗返工....同朋友出去食飯呀~~

又要向老豆佢地編故事啦~~因為佢地唔想我見老公咁多架~~~

更何況.....我係去佢家幫佢做公司事呢~~~

今日一起身....就已經1點半啦~~仲要係家姐叫我~問我d野我先起身咋~~

之後早餐都冇食, 就同家姐出左街~仲買左件衫~~之後再同屋企人飲茶~

飲完茶就行路返上屋企~~向路上打比老公~

原本今日我都知佢多野做~所以都冇打算見面~打算乖乖地咁向屋企食飯~~

點知.......都係驚老公太多野做.....會搞到好夜先訓得......因為....我知佢做野太慢啦~~~~

向電話中仲知佢睇電視而冇咩點做野......就更加擔心佢會做唔完工作......

之後就同佢講我返左上屋企就再黎~~亦都打比老豆唔洗煮我飯~~~

去到老公度.....幫佢做左一半既公司事~做到9點半就食晚飯......10點幾就走~~

老公送到我去85巴士站就走啦~~向路上....佢都係咁講佢公司既野......

老公佢睇野好快~不過就打字慢啦~~佢諗得黎...我都打左啦~~

今日既假期就係幫老公入公司野......有d開始令我擔心.....

老公佢越來越多野做.....而我依家都算係叫做得閒, 可以幫到佢.....

不過我都打算要讀書啦~~再唔進修就會比亞媽話得好慘啦~~~

如果我一讀書.......我地既見面時候就會減少左.......亦如果我只有假日先得閒........

而老公佢假日又要做埋公司既野....咁我地又會點呢......

好似我地咁既情侶...又真係好少有....因為我地真係好少去行街........