今日真係好大頭蝦呀~~換左件外套.....點知...當上巴士既時候....

先發現左八達通同埋銀行卡都冇帶向身.........好彩身上仲有錢~

d硬幣仲夠我返公司~亦都好彩昨日去銀行拎左d錢咋~~如果唔係真係唔知點算好~~

買完早餐就去左問文仔換d硬幣啦~~原本我係想問yuki....點知...佢咩錢都冇~

早餐都係我出住先......=.="收工既時候~我地3個一齊走~

文仔仲問我要唔要借佢既八達通用~不過我都係拒絕左~~

之後同老公向沙田行左一陣~就陪佢去左食麥記~因為佢要為佢既晚餐做個準備~

食個包都好過咩都冇得食呀~~今日仲有個好消息呀~~就係我加左少少人工~做多10個月~哈哈~~

不過加唔加都冇咩所謂呀~~我依家最.......最驚就係.....老公呀~~

唔知係咪當男人得到左佢想要既野, 就會變得唔會點理佢呢~~變得比以前冇咁緊張~

定係.......呢d都係我既錯覺呢???(希望係啦....)

今日返工既時候, 老公向我仲坐緊車既時間打左電話比我~~

哈哈~~老公好耐都冇試過一早打比我啦~~=3= 超開心!!

lunch既時候我又係等老公打黎~同佢3G左一陣就食飯~~

食完飯都係一直等唔到佢電話....直到收工.......都係冇.......

當巴士去到沙田既時候我就打比老公~原來佢仲未收工~仲好似開緊會~~

之後我就向新城市果度等佢~~同老公會合左之後~

佢就同我去"愛飾"果度選戒指~真係都幾貴呀~~於是我都係叫老公佢選~

因為我選唔落呀~~價錢問題....>.<

之後都係選左一對~2千幾呀~~不過我未拎得呀~因為要改尺碼呀~~

之後佢就送我返屋企~返到去冇幾耐~

我就要去同我表弟睇醫生~因為佢頑皮之過~跌倒而要睇醫生~

對上果隻戒指因為變左色呀~所以呢隻戒指係我地第2隻既戒指~

人地售貨員都以為我地買訂婚戒指呀~~哈哈~邊有咁快呀~~@.@

如果買都要佢選~偷偷地買~仲要向我唔知既情況下.....好浪漫既地方同我求婚~哈哈~(發夢冇咁早呀...)=.=v