今日差唔多成日都向7樓.......

因為9樓又冇咩野做~就快悶死~~不過.....我都就快唔想得自己一個留向7樓啦~~

因為7樓負責清潔既果位大叔.....佢成日都會望住我~~佢望住人既眼神令我覺得好唔自然.......

成日我都會想....有咩咁好望呀~~無論我著裙定褲返工~一見到佢...佢都會望住我~~超討厭~~~

lunch既時候就同yuki仲有文仔去食KFC......

收左工之後就快速返入沙田會合老公~因為昨晚老公上網訂左今日去睇戲呀~~係去睇<<魔幻王國>>~

我地去左一直食開既餐廳食飯~呢間A-1有左我地既好多回憶~想想下....都差唔多去左果度食左第5次都有啦~~

睇完戲老公就送我返屋企~無時無刻都想同老公一齊~想見到佢~想聽到佢既聲音~想被佢擁抱住.........

有時打電話去搵老公都會驚阻礙佢工作~又怕佢覺得我煩.........

今日已經遲左出門口~不過都係8點15分就到左公司附近.....

哈哈~~同樣我又見到yuki~我同yuki已經有一段日子冇理到文仔啦~~

不過我地都冇咩點嬲佢~只係佢冇誠意say sorry.......

到左下午~我就同yuki打算去樓下飲下午茶~之後就叫左文仔~

唉~~比咁既機會佢.....終於都say 左句sorry......呢個下午茶入佢數~哈哈~

收左工之後老公就送我返黎~原本打算睇戲架~不過d位唔靚呀~~所以冇去睇~

當我一入屋既時候......見到契媽呀~~都好耐冇見啦~~

好彩冇同老公去睇戲咋~如果唔係亞媽可能唔高興呢~~~因為佢係我亞媽既朋友~

記得細個既時候都有去佢屋企玩過~~不過都係得我同家姐係女~亞媽d朋友生既都係男.......

如果向街上見到面~都唔會認到對方呢~~~因為只係細個玩過一兩次~~

我地向火炭食完晚飯之後, 亞媽同亞哥就送契媽走~我同家姐仲有亞姨同表弟就行返上屋企~~

食飯期間.....亞姨就話昨晚我帶男友上去食飯既事~仲問亞媽滿唔滿意呢位男友~

亞媽只係笑笑口答冇意見~其實我都冇講過佢係我男友~只係我地昨晚既態度~完全睇得出我地拍緊拖~

哈哈~~真真正正介紹男友同帶男友返去屋企食飯....我都係第一次咋~~

事後亞姨仲同我講好欣賞我咁勇敢帶男友返去~哈哈~~

咁當然啦~~老公佢咁幫得手~咁肯幫我地做野~依家d男仔完全冇得比~

不過呢d都唔係我鐘意佢既原因呀~~我鐘意佢既體貼.....好多好多~

全是真真正正既感覺呢~~