|
今日終於都要返工啦~~好唔想起身........
到左公司附近一落車....咁早...不如睇下yuki到未啦~~點知過左馬路就見到佢都岩岩落車~~
年頭最早見到既同事就係yuki~哈哈~~~
之後返到公司就逗利是~收獲就冇沙田咁好啦~~因為d人唔係太熟~而且好多人都放假中......
亦都因為咁~所以我都冇咩野做~要做既野都好快就做完~~
lunch既時候就同yuki佢地一齊去左滿屋度食野~d野都幾好食~
文仔佢今日想同我地講返野架~無奈我同yuki都係唔理佢~~因為一句對唔住都唔講~~講既時候又冇誠意~~~
佢都算幾冇用既人啦~~~原本亞媽唔舒服~所以係唔叫老公黎食飯架~
點知果然比老公估中~我再打返屋企問清楚既時候......最後都決定今晚黎食飯~~(比佢地玩死......)
收左工之後就向巴士站同老公會合~去到屋企留下再向百佳買左d野上我屋企~
佢話點都買d野上去會好d喎~~~上到去......
我真係覺得亞爸亞媽佢地好好戲~~見到老公都係笑容滿面~~~好好招待~
老公留到10點幾我就送佢去搭車啦~~
盡管昨日同前日有幾不滿都好~~今日就好似咩都唔記得晒咁~~有d可怕......
因為我唔知佢地是否接受呢位未來女婿.........當然我好想佢地接受啦~~
就算將來唔接受既話....我點都唔會放開佢~~因為我已認定佢係我既真命天子~
我會覺得佢係上天所賜比我既伴侶~我會接受貓都係因為佢~~破咁多例....都係因為佢.....
連我都唔敢相信~哈哈~~可能係未試過咁鐘意一個人吧.......
就算我唔鐘意人食煙......只要佢冇向我面前食~食少左~同埋...我真係冇嬲過佢食煙.......
比起以前.....我一定嬲死佢~一定要佢戒左佢~~人冇十全十美~佢對我黎講就係十全9美~
|
