今日10點就起身啦~~因為約左亞媽果邊既親戚去團拜.........

原本係約11點既~不過因為家人太慢既關係........差唔多11點有多先至到步~~

亦因為我地太遲~所以舅父舅母佢地都去晒酒樓等~

佢地仲以為亞媽唔舒服唔黎~我地一家人去到旁邊既枱都入左客啦~~

不過可能仲好呀~因為唔洗聽到d大人講既野~照舊都係我地幾個"年青人"一張枱~~

飲完茶都好早~1點幾2點~老公仲係岩岩先起身......

原本差唔多走既時候打左一次~不過佢仲未起身~而我差d就想今日都係算啦~唔去搵老公啦~~

不過最後都係搵到佢~又去左老公度lu~~可能老公佢唔似其他情侶咁會出去行街拍拖啦~~

所以我地都經常向我地既小天地約會~~起初我真係唔係咁想架~~不過依家慣左~只要一齊去邊都得啦~~

之後返到屋企佢地都食緊飯啦~~不過得返我同亞爸同亞媽佢地既時候....佢地又黎啦.......

又話我唔好咩都同老公講.....話我地只係拍拖唔洗咩都同佢講.......唉~~

其實我知架~知咩講得~咩唔講得~佢係我既家人.....我都要比佢心理準備知道我一些家人既事~~

如果佢真係頂唔順~到時先後悔....咁我咪仲慘??!!!

唉~~~仲要向亞姨面前講埋一d難聽既話~~又話我地d女既快d嫁晒出去~~

講真呀~好似家姐講既一樣~到我地真係嫁既時候.....你又會點呢~~~

今日返工依然好暢順~~8:30又到左公司附近......

9樓都係冇野做.......不過我都冇咁早就去左7樓~我等到10點幾先落去7樓做野.....

原因......就係因為果個大叔囉....而且星期六7樓都係得我一個咋~~

不過最近.....9樓果度有個同文仔應該差唔多既男仔.......都成日搵我同yuki~

有次佢坐向yuki對面同yuki講野~仲同我地一齊走~yuki仲比佢串呢~~所以我都幫yuki口....話返佢~

佢個樣當時都幾無奈呀~不過我覺得都唔算串佢既~~鬼叫佢串人地先咩~~

有次佢仲偷拍我lunch既時候訓既樣呀~~當然佢傻仔比我地睇~最後當然比我del左啦~

我唔係咁鐘意見到佢~~佢有d串~仲多管閒事~~仲偷拍!!!!感覺佢有d恐怖~~

收左工之後我就返屋企啦~~因為今日有人客要黎~所以冇得見老公啦~~