|
今日細舅父佢帶左女朋友上黎拜年~~可能好事近了~~
食完中午我就已經要趕去老公屋企啦~~~
本來同家人講好左中午果餐係開年飯~~點知....當返到屋企.....唉~~~~
去到老公屋企~幫老公做左一陣公司既文件~~~不過時間唔夠~~之後我地5點幾就出發去佢家姐屋企~~
去到既時候就7點左右~等食......同玩吱吱~~~
果部PCCW既3G機真係幾好用~~相機既快門夠快~~幫吱吱影左好多相同拍左D movie~~
今晚真係食得好豐富呀~~係我好小食既西餐~~不過真係好好食~~只係我唔識得飲酒~
飲左少少白酒已經覺得唔可以再飲~再飲就會醉了~~~
留多一陣之後我地就走了~~~返到屋企........一入門就開始......唉~~~
由於我借左家姐條裙~~而且...條裙太短了~~~所以老公個家姐就比左佢一條裙我~~
而我亦都換左條裙~~老豆同亞媽就話我唔好要人地咁多野~~
唔好成日打搞人家~仲話我同佢發展得太快~~又話佢仲咩未黎拜年~係咪一定要去左佢度先~~~
又話鍾家既女係咪冇人要~又話我係咪好想嫁~~唔一定要成日見~~又叫我讀書~~
又話我仲咩唔食少少晚飯先出去人家度食...........
又話我唔好聽晒人講~唔好比人改變同刻意去改變人地既思想同性格......
雖然我一一同佢地講清楚~不過佢地都係要叫我小心~~而我亦都知佢地係為我好.......
終於話我話足45分鐘..........我先去沖涼........
不過我沖涼前都頂唔住....打左比老公.......一聽到老公既聲音~
我就好想佢快D黎救我~~不知不覺就喊左出黎~~~讓老公擔心了~~>.<
|
