今日要返工呀~~返到公司我當然係搞返掂昨日做錯左既單啦~~

點知.....個列印機好衰呀~~肚餓得太勁......食左我幾張紙呀~~~

搞到我要取消左兩張單~~一張食左幾次......好無奈......

浪費左唔少時間.......最後就向另一部列印機~再用一張A4紙貼住個張單黎列印~~

咁先ok左~~激死.......

放左工就返左屋企啦~~亞媽唔舒服呀~~我既中午就熟左個公仔麵食~

食完....當然要睇住個小朋友啦~~本來佢今日都幾乖架~~

不過最後訓教都係要我激氣~佢訓左之後我就做返我既家務.......

做左一整天~真係有點累呢~~亞哥又食完飯出左街~~同d朋友去左宵夜......=.=lll

家姐又有點唔舒服.....亞媽又係......老豆都辛苦左成晚啦~~只好......咩都係我負責啦~~

今日睇左好多新聞~灣仔果邊真係幾恐怖的呀~~

真係好難得一見~~亦唔想再有~~感覺就好似打仗一樣~整個灣仔就好似變左個戰場同災區咁......

一方面好同情果班人~一方面又覺得佢地唔係咁岩~

因為你地唔去搞d警察~人地又點會咁對你地呢~~而且人地都係打份工之嘛~~冇謂搞成咁啦~~

見到呢d場面~真係令我覺得好不安呢~~真係希望唔好再見到啦~~

今日總算清晒7樓堆積左兩個月都未做過既野......

原本係可以好快就做完既~~不過就係每日都有好多好多野要做~~

所以搞到遲遲都做唔到~~話係內部野唔洗咁急......

原本中午既時候係同CC食既~因為佢地黎左九龍灣開會呀~~

點知佢地開會又開過鐘啦~~所以我就同yuki去食M記~~

之後再去百佳入貨~~因為yuki佢既去貨量真係好勁呀~~哈哈~~

返公司中途我地就見文仔好急步咁行返公司~

之後我就同yuki叫住左佢~~哈哈~~佢都嚇左一跳呢~咁都見到我地~

我地仲叫佢拎野呢~~不過唔知係咪阻住佢呢~~

佢返到公司一邊食野~一邊同我地傾~點知.....

食左少少野~都未食完佢就要出site啦~~~

仲以為佢唔洗出site呢~~叫佢拎埋d野出去食........

佢又唔肯~~佢返到黎d野都凍晒啦~~知佢咁趕...早知就同yuki唔叫住佢啦~~

差唔多4點幾既時候......我就要趕埋個電話費單交比老闆簽~~

點知.......個老爺機好麻煩~~搞左一陣先ok左~~

點知........我出錯呀~~~搞錯左個日期......用左個舊既黎整......

仲以為update左個日期........老闆簽完先睇到......

好彩仲未比上面d老闆簽~~原本想即刻改埋交比佢架~~

點知佢話星期二先~~因為已經要收工啦........

返到屋企食埋飯~就同家姐仲有表弟出旺角行街~~~