今日終於都將報告做得七七八八啦~~

唔洗太趕~總算叫做鬆一口氣~~

收工既時候同文仔一齊搭16號巴士~

佢就去到旺角地鐵站落車~~而我就去到奧運站落~

因為我約左人去睇戲~係睇一套就快落畫既戲"翩翩喜歡你"

未夠鐘既時候~我地就四周圍行下~

我仲買左聖誕禮物比家姐~其實本來係想睇下d戒子架~

因為好平~20蚊對~點知睇下睇下~搞到買左150蚊野......

唉~~最衰就係自己啦~咁易比人sell到~~不過都幾靚既~~

購物完就去左KFC度食野~~睇完戲就行去旺角搭車~

套戲都唔錯呀~~果個人仲話戲入面個女主角同我有點似~~

哈哈~~~我有佢咁靚就好啦~~

不過今晚美中不足既就係.......我對鞋爛左呀~~激死我啦~~

仲要係岩岩新買左唔夠1個月~~~

心痛死啦~~~ 睇下老豆有冇計啦......

今日又凍返啦~~不過都係少少姐~~

一大清早....6點幾....亞媽接左滎滎返屋企.....

點知....佢喊個唔停....搞到我都醒埋......由於太凍加上好眼訓.....

所以我冇起身理佢繼續訓........點知....我老豆出左黎......仲扮晒有人咁~拍門....

不過果陣時我都聽唔到滎滎喊啦~~

只係聽到老豆扮有人投訴~睇下有冇人有小朋友喊.....(當然係假啦~)

點知....咁樣搞一搞...滎滎又喊左一陣.....我睇睇個鐘....6點幾....唔好玩啦....

好明顯我係比老豆既拍門聲搞醒左......當想訓多一陣既時候.....

我既鬧鐘就嚮啦......無奈.......

返到公司又係對住一大堆既works order......又係不停咁做報告......

點知...做到D2既爆破組時候.....個報告其中一樣XP. no出唔到~

點整都唔得~搞左一陣終於問人幫我搞掂左....(打電話問人....)

之後佢地又叫左pizza食....我真係發覺....7樓既人好鐘意食....