今日又係12點幾先起身~不過比起昨日都叫左早左~

之後就繼續收拾屋企~1點幾就食中午啦~

我表弟上黎食既時候.....依舊都係好鐘意玩我隻企鵝公仔......(佢係我同老公第一個仔黎架~~>.<)

洗完碗之後就換衫去老公屋企啦~我地7點幾先離開~

因為太累既關係....向老公既床訓左一陣......

之後我地就去左荃灣食晚餐~食完就行左一陣~

仲買左隻國語CD同哈爾既DVD~之後佢就送我回家啦~

我地唔可以再咁夜返去呀~因為佢送得我返去~佢自己冇車呀~~~搞到要去九龍塘轉的士......

唉.....好唔開心呀~~因為原本係想幫佢節省金錢架~~依家月頭已經用左好多錢啦~~~

今個月仲有我生日.......開始有D冇用呀~~咁都幫佢儲唔到錢~~

反而仲要佢洗左咁多錢~~~(對唔住呀~老公... )

老公仲同我講星期六先去佢度........當時個心真係好驚......

怕可能因為呢幾日都係日日都見~~除左昨日之外.......可能已經見我見得太多啦~~

不過最後佢都話可以收左工約定5點幾向沙田等~行一陣再回家~

唔知係咪我D不安既心情......寫晒向面上呢???

今日成12點幾先起身~因為昨晚成3點幾先起身~

原本都係唔想起架~點知亞媽叫醒人~

又問我地去唔去赤柱又或者去唔去長洲~其實我想邊度都唔去.....想去老公度~

不過當老豆返黎既時候.....就話見到有d櫃好新~人家唔要,就叫左亞哥同亞媽去搬~

之後冇幾耐....我都要落埋去啦~搬到回家後就要搬走d位~

搬左一陣就去左食中午~之後再搬過........

轉眼就到左夜晚.......我地都成8點幾先去食飯~食完都成10點幾啦~~~

回家後仲要繼續收拾呢~~今日只係同老公講過電話.....見唔到面呀~~