昨晚又同老公講電話講到2點......雖然好累~不過真係好想好想同佢相處多一陣~

多一分多一秒.......就算唔多話題都唔緊要架~~

今朝就好感動啦.....亞媽6點半就帶左個小朋友入黎我房....同我訓.....(邊個小朋友就唔講啦...)

搞到我今朝又好似唔夠訓咁去返工.......亦都打左好多個電話叫老公起身~~

最後都算打通左~~如果唔係我想佢會遲到~~不過我都遲左出門口......好在趕到~~

工作期間亦都有同老公講電話~不過老公佢太好人啦~~

成日都幫萍家3姊妹做野~搞到我有點吃醋呢......

不過佢咁幫人都係我鐘意佢既其中一點呀~~算啦~我對佢有信心~

不過我就對佢3姊妹冇咩信心啦~容咩易鐘意左我老公架~~

中午既時候其實我都有點唔舒服呀~~可能作感冒啦~~

因為之前有少少感冒都係冇睇醫生~由佢自己好.......

差唔多收工既時候老公打電話黎問我收工去邊好~

不過由於我唔舒服既關係~收左工之後佢就送左我返屋企啦~~~

我地就向公園逗留左一陣~仲講左一些小秘密既野~~(一直困擾左我好耐既事.....)

總之一句講晒......選擇左佢....係我幾生修來既福氣~~

雖然我既性格係好鐘意胡思亂想~不過佢真係比到我好安全既感覺~

係之前所冇既感覺~好值得我信任~值得我為佢付出好多好多......

昨晚同老公傾電話傾到成2點半呀~~所以...今日都係好累好眼訓......

昨晚原來真係我亂想......真係傻呢~~向老公既日記睇到佢真係好錫我~~

而且佢亦都希望我會講出我既意願~不過講就易呀~做其實都幾難架~~~

自問我有好多野都未試過~可能有好多時搞到有點為難~~

而老公只會為我著想, 怕我難為, 怕我有壓力.......不過我亦都希望.....

唔只係得我一個人開心.....我亦都希望我愛既人我既伴侶同樣咁開心.....

如果工作時忙可以唔洗打返電話比我架......講真~比起n年前拍拖既我~

我真係會嬲架~不過我已經大個啦~唔會因為老公唔打電話黎而嬲~

因為我地可以收工時再講~訓教前講~仲有好多個夜晚呢~~~所以老公開心...亦都係我既意願呀!!

有時我都擔心工作時打電話比老公....會否造成佢既困擾或者累佢被上司罵.....

今日見面既時候.....我地都要特別小心......

你怕被公司人見到......而我就怕被家人見到......

幾時先可以唔洗怕呢~~~希望呢個時刻快d黎啦~~