今日係2005年最後既一日,不過星期六.....都係要返工~~

一收工真係好想去搵老公架~點知.......

亞媽已經向我差唔多收工既時候打左電話黎搵我~

咁我就陪家人去又一城行左一陣~再回家~~

到左夜晚食完飯~家人商量左去沙田既中央公園倒數~

不過我冇去呀~我一食完就立即換衣服去老公度啦~~(因為好想好想見佢!!)

我地仲一齊向碼頭倒數~呢一晚係我最開心幸福同埋覺得最溫暖既一晚~

真係好想好想同佢有自己既小天地呀~~每日收工就可以見到佢~

不過最不完美既係佢送我回家途中家人打黎搵我~

搞到佢唔可以送我~要中途落車~~不過亦好彩係咁咋~~

如果唔係真係會穿煲架~

昨晚同老公講講下電話.....由於被窩入面太舒服既關係......

不經不覺地訓左......搞到老公叫左我幾聲我先醒左~~

今日返工既時候~落住毛毛細雨~不過...我依舊冇帶雨傘返工......

老公今日放假~所以我都冇叫醒佢~怕佢唔夠訓呀~~

工作期間當覺得好累好想訓一陣既時候......老公就打比我~

哈哈~~好開心呀~一起身就即刻打比我~我當然就醒晒啦~~

好難先等到收工~~不過最開心就係.....收工既時候真係落毛毛雨呀~~(係我期待的... )

因為我冇帶雨傘既關係.....老公佢行左黎我公司附近接我呀~~

原本係約向天橋下等的~不過佢見落雨就黎左公司度啦~~(老公....錫晒你~>3<)

之後我就去左老公屋企~仲睇左大陸既<如果.愛>~

我覺得幾好睇呀~老公仲送左條手鏈比我~~今日太多難忘事啦~~

無時無刻都想同佢一齊~如果係夢既....真係真係唔好叫醒我呀~~

因為我真係覺得.......依一刻我係好幸福!!!