係書度體到咁樣嘅一句話:"誠不一.則心不能專.信不一,則言不能行.
我非常贊同,冇誠意去做一件事.肯定唔可以完滿.或者心中的完滿程度都唔可以達到.當妳真係好認真去做一件事.妳會plan好多野.例如當妳遇到障礙時.點去應付.應對面前嘅障礙嘅同時.點去收拾心情繼續進發.任何野都唔可以阻擋妳做呢件事嘅决心.相反,我哋好多時都唸住做呢樣嗰樣嘅事.但係都只係一個唸,係.只係唸.連係心中草稿都冇起過.咁點去做好呢件事呢.?"隨遇而安啊嘛."呢句話我唔多明白.距嘅意思即係點都得.冇所求.但係我覺得安.唔單指係安全.重要嘅係心安.如果安係妳自己爭取.去努力而得翻嚟嘅.妳會珍惜.妳會真正嘅安.但係隨便都得到嘅"安",不安也罷.反正隨便都可以"安",咁請問"安安而全何時了啊?"當妳做一件事冇加上妳嘅誠意.咁任何嘅變動都會使妳動搖.細到天氣嘅變化.誠意.都可以用係對人嘅方面.對一個人好唔好.唔一定要用口講.用行動去表示.只係一句話.一個問候.已經係誠意嘅表達.我對好多人或事都好有誠意.甚至真誠.但係距feel唔feel到.距受唔受.咁就係距嘅事.我嘅話題係誠意.
信用.一個經常見嘅詞語.但裏面蘊含嘅含義我覺得連釋伽牟利都講唔完全.信用.我覺得唔等于承諾或者諾言.信用係一個人嘅事.而承諾或諾言係雙方甚至更多方共同嘅事.信用係由心而發.而承諾係要用行動表示.要加以細心呵護先得以兌現.而信用就唔同.信用係由心而發.係一個人嘅標簽.猶如"信用卡".係一個人嘅自身問題.但呢個自身問題可以導致群體利益.猶如"信貸".信用.信"心"對一個人嚟講.係其精神支柱.不可磨滅.妳嘅人生好多事都會與信用扯上關係.在于妳意識到未架啫.
|
