好耐冇打日記喇....對上果次係8日前...

係呢8日入面...發生左好多野....

心情反反覆覆咁......

我究竟仲要過呢d日子過幾耐呢....

已經130日喇...我都仲係咁....

我無能為力喇....我真係唔知我可以點...

我應該堅持定係放棄我e+既選擇....

答案究竟係咩......

給我一秒 讓我冷靜....

呢排唔知想點....好亂...

可能諗得太多....

做左呢個決定之後...下一步應該要點...我真係唔知....

琴晚十二點幾

小耀耀話去網吧打機WO

咁好啦陪下佢去打啦~

去到網吧之後

佢上MSN..佢個FD小材材又話黎WO

小材材黎到之後就一路打機啦~

(打機打機打機打機打機打機．．．．)

打完喇~已經係朝早既7點幾喇

之後去食野啦

原本食完野返屋企訓下教

點知!

小材材話去睇戲WO

跟住傾下傾下

話出去睇戲...

咁我返屋企沖涼啦

沖完之後係M記到集合

出發去睇戲喇~

原本話去奧海城睇

佢地話遠....話去旺角睇...

其實咪係隔離- -"

行去火車站既時候

小材材問我同小耀耀

小材材:呢到上面果間係咩學校丫?

我:恩主教

小材材:咁火車站果邊果間呢?

我:果邊有幾間WO....

我:有李興貴啦 有王肇枝啦

小材材:喔 係喇 係王肇枝

小材材:咁火車站月台對到正果間係咩黎?

我:果到有學校嫁咩...

小耀耀:係囉 有嫁咩...

小材材:有呀 對到正嫁

小材材:係山上面嫁

我:山上面既中學..莫壽增 孫書 靈糧堂

小耀耀:最近果間莫壽增係後面WO

我:係呀係呀

小材材:係山上面嫁WO 有斜坡嫁

我:有斜坡就係山...我地E+行緊山啦...

我+小耀耀+小材材:哈哈................

之後一路都冇乜特別事發生....直到....

上左車之後

小材材問我

小材材:喂 你覺得小耀耀個頭似乜

我:UM..似森林...

小材材:仲有冇?

我:有!似草堆..外國果D成個人咁既草堆呢

小材材:哈哈 麥田圈呀!

我:係呀係呀 可能有外星人係入面!

我+小材材:哈哈哈哈

小耀耀:................................................

之後火車愈黎愈多人WO

小材材愈企愈入..結果企左係我後面..

跟住佢唔知講左D乜...講左句..."WO"

之後我問小材材講乜

我:你講咩丫...得個WO...比多幾個音啦=.=

小材材:WO...

我:WO咩呀...大師...你講野好玄下....我聽唔明!!

小材材:我淨係講個WO之MA...

我+小耀耀:....................................(其實係到笑緊)

之後落車行去轉既果陣

我:不如去溜冰丫

小材材:我著拖鞋去呀...?

我:大師 你去到表演少林功夫+花式溜冰

(小耀耀忍笑中)

小材材:哈哈哈哈

我:耀 有冇得搞先! 好過唱歌跳舞啦!

我:你諗下 大師一路溜一路係到唱...少林功夫好野~

(小耀耀終於都忍唔住 笑左出黎 仲要係爆笑)

小材材:................................

跟住小材材唔知講乜 講起鐵頭功...比人爆樽..但係佢係話...

小材材:練完之後..比人拎摺凳爆樽...

我:咪住! 有問題..一個人點樣拎起張摺凳再爆你樽.....

小材材+小耀耀:哈哈哈哈哈哈哈

(一路笑笑笑笑笑到上地鐵)

上到地鐵我地仲笑緊WO 跟住小耀耀就同小材材講

小耀耀:比條耳筒我...我唔笑喇...笑到肚痛...好攰

小材材:.............................

跟住我地又繼續傾啦

傾傾下...落車喇

跟住呢 我衝過對面月台話轉車

就上到車既時候我停左

跟住小耀耀竟然上左車....

我:去邊..旺角喇WO...

小耀耀:唔係轉車咩...

小材材:旺角喇 仲去邊...

我:耀 你又變埋大師...漸入化境...

小材材:佢係玄境喇

小耀耀:係圓寂左喇

我:=0=

我:你兩個大師...兩個都去到咁高境界..一個就上車即是落車..一個就拎摺凳即是爆樽..仲要講野快到得一個音...

之後3個人係到笑....

可能成晚冇訓既關係..個人已經痴痴地...

行緊去朗豪坊既時候

我無啦啦彈左句....

我:耀 你頭上面隻外星人跌左落黎..掛住左係你隻耳係到..快D汁返佢上去啦

小材材第一個係到笑....

跟住我繼續講啦

講講下...小耀耀想講野既時候

突然有個呀叔行過...爆左句...屌你老味....

之後我地3個好似痴左咁係到笑 笑到差D趴左係到

仲要有個閉路電視影住...

後尾我話...夠喇..唔好笑喇...一陣D食Q以為我地3個痴左線...點知...我地都係繼續笑= =

好喇去到戲院買飛~

買完之後 小耀耀話去買野飲WO

好啦 去買野飲去左輕鬆飲到買

我睇緊有咩飲既時候...見到有杯叫做..."青蛙撞奶"....

恕小弟無知...我真係唔知咩係青蛙撞奶....

跟住我同小耀耀買左杯荔枝唔知乜野...小材材買左杯草莓唔知乜野

跟住小材材問我 呢個係咩字 呀針呀?

我睇完之後話..係呀升...旁邊有寫住係呀升麵線.....

好喇 之後行下行下 夠鍾睇戲

睇風雲2!!!!!

諗住都OK丫

一開頭黎個萬劍歸宗....之後就開始悶.....

(悶悶悶悶悶悶悶悶悶．．．．)

小耀耀仲訓著埋...

去到有一幕...講步驚雲創左一套新劍法 叫師傅命名

跟住個師傅比左個字佢...

跟住步驚雲話 世上奇字千萬 呢個字...我未見過....

我唔知點解突然細聲地彈左句....叫左你讀書嫁啦..唔識字喇....

嘈住人地睇戲 真係唔好意思 不過我情不自禁!!!!!

睇完之後 返屋企訓教 跟住就返學

小耀耀係屋企訓死左 所以得我一個返...

放左學之後 就返屋企訓教

所以今日補打QOOZA

最後要鳴謝小妙妙 因為個肇字係佢教我點打 嘿嘿

夜D同呀SIR打邊邊

究竟會發生咩事呢 留待下回分解 xD

今日放左學之後 就同朋友A同埋朋友B去旺角買鞋

行緊去地鐵站既時候見到經濟科個MISS

咁之後MISS就同我地講左D野

(迷之聲:講左D咩丫?)

哈哈 講左D咩? 不便透露XD

之後我．朋友A．朋友B．MISS企左係地鐵站入口到吹水 吹左都OK耐- -

(冒住雨係地鐵站入口吹水中．．．．)

好啦 終於要出發去旺角喇

我地係深水埗地鐵站到等緊車既時候

朋友A同朋友B唔知講緊咩wo 突然彈左以下既對話出黎

朋友A:You! run to 旺角!拎你條pennis出黎fing兩fing...跟住充血! 之後搵個女人 之後將你條pennis push in....唔係丫屎!!!

之後我地喪笑 哈哈

(迷之聲:丫屎- -? 係ASS....)

笑下笑下有車喇 上左車之後朋友B問我地 咩係丫屎...

當然我地有解釋比佢聽啦 傾下傾下突然聽到...

(下一站．旺角)

光陰似箭~話咁快我地就去到旺角喇

一開波我地就入左ADIDAS 行左幾個圈 睇唔岩

之後我地轉移陣地入左NIKE 又行左幾個圈 又係冇岩

跟住我地入左REEBOK 呢個時候 朋友B好似有發現

(就係門口既右手邊 貨架上面 佢好似感應到有對波鞋係到呼喚緊佢．．．)

好喇 朋友B一手拎起對波鞋 即刻話試WO

(朋友B藤黎藤去試鞋中．．．)

試完喇 亦都比埋錢 搜索完戰利品

係時候食飯喇! 呢個時候我同朋友A就叫朋友B請食飯喇 哈哈~

(迷之聲:山賊呀! 老粒呀!)

陪左佢咁耐 唔多唔少都要報答下啦!

之後我地話食M記 廢事食晒佢份糧啦

(行去M記中．．．)

去到M記 第一時間搵個位坐低先 之後就梗係買野食啦

食下食下 朋友B話要影相WO 咁我同朋友A就同佢影啦

之後 唔知點解 又彈返地鐵站果段"英文"出黎

我地3個又係到喪笑

(喪笑中．．．)

笑完之後就走喇 原本話去打陣機先 跟住朋友B話聽日要返工 所以就冇去

咁唔去打機 搭地鐵返屋企啦 之後我地3個係地鐵站到影相

同朋友B搭到去太子之後 我同朋友A就落車轉車啦

好喇 轉車喇 點知 突然聽到....下...一...站...旺...角.....

之後我同朋友A都呆左 我仲問左句 點解唔係 石硤尾嫁!?

跟住我地都係到笑 好似傻左咁 落車 去對面轉返車

好喇 上車喇 坐低喇 就係嘟嘟聲之際 朋友A叫我望下路線圖睇下有冇錯

一望 PK! 又錯...跟住我地係千鈞一髮之間落車...

之後 我地都問左對方一句 點解會咁嫁!?

(迷之聲:你兩條傻仔 轉車都轉錯兩次=.=)

係因為之前太過hi姐!!!

好喇 今次轉岩車喇...去到九龍塘落車!

之後朋友A話想去廁所WO

咁就陪佢去啦 我地跟住D指示牌去搵廁所

跟住見到個指示牌指住道門WO 咁岩我見到有個身穿港鐵制服既男人入左去間房到 仲要嘟卡!

咁就好自然咁同朋友A講 哇 個廁所要嘟卡 道門閂緊喇  快D衝呀!

跟住朋友A二話不說就衝埋去 佢充分利用佢敏捷既身手 一跳 之後一腳 踢開道門!

之後我望到道門後面勁多制 又見到朋友A個表情由好興奮去到O咀...

我突然意識到 道門後面既 唔係廁所 係控制室!!!!!

之後我爆笑 而朋友A就一路笑一路走

跟住原來個廁所係個月台果到....

好啦 之後上火車 都係傾下無聊野啦

跟住落車就一路傾計一路行返屋企

今日呢篇日記就係呢到完結喇

下一篇究竟係咩呢?

留待下回分解xD