今日媽咪返黎..其實都星期日先返~星期一又走...

早一日返黎都吾得既,真係呀~><!!

12點幾打比我..叫我出去食壽司同行街~

哈..本身佢係羅wo就打比我架啦,不過到佢去左ShaTin我都仲係屋企~^^"

不過之後我都好快出到去啦~過第一條馬路見冇車就衝紅燈,

就跑過埋第2條馬路~第3條又咁岩綠燈woo..過果陣仲有架47x等係燈位~

Perfect呀~!!!!好似仲快過去葵芳咁~kaa

以為媽咪等左好耐..點知佢都係岩岩坐低~^^時間岩岩好..吾遲又吾早!

食完野去左西田,咁岩又做緊d被既promotion渦,就睇啦~

我好鐘意一套床單套裝呀~嘩...不過貴得很呀!$600幾..但係冇被冇枕頭!

唉..都係吾好啦~睇返被啦!!最後買左一個媽咪話好出名既牌子~

卡撒天嬌!100%山羊毛~媽咪話呢隻好woo..當然信媽咪啦!

佢好搞笑..單人,雙人,加大都係同一個價錢~咁當然揀加大啦..一定吾會凍親~

吾知係咪個個都咁諗~冇哂woo..咁就要左雙人~之後買左張地毯送比姐姐..

人地新屋入伙呀~!!!大個一定買間比媽咪~>3<..(比哂佢揸fit呀!!kaa)

之後就去左買染髮..哈~大紅大紫!!!本來諗住行多陣將d野寄存係customer service果到~

問佢啦..啞左~佢話寄存位爆左...不過佢係就咁放d野係地架~我吾見得佢爆得去邊law..

算啦~吾行啦..返屋企!!!放低d野就出去買餸...

先去馬會~哈kaa..老豆中左馬比我收錢,落左街媽咪問我有冇拎身分證!?

哎呀..吾記得拎woo因為冇帶銀包~佢把口..話一陣人地check睇我點入...

之前幾次都冇人check..佢講一講真係check我~=口="可惡!!!

唯有係門口等~買完六合彩岩岩有返老豆買馬個本..袋哂~多謝哂..呵呵

之後同媽咪去交錢同買餸..諗住媽咪係到當然整d高難度d既野架啦~

哈..點知佢整d我都差吾多識整既野woo~覺得佢好是但添..^^"

再去惠康..條友仔真係吾似師奶架~都吾慳家既..kee~

買左奶茶同薯片呀~正!!有排嘆啦..> v <~~

夜晚..講返首映個問題~決定左family day..媽咪,老豆,我一齊去~

仲有一張飛淨..問略,一聽到話好woo~我一講老豆佢地去就話諗下先...

之後仲話吾去~唉...吾知佢啦,自己鐘意啦!!

媽咪之後可能仲會同我過澳門~問老豆去吾去又話要開工...

不過我諗果日一定幾正..一家人咁去睇首映~^^

突然覺得好似d小朋友有爹地媽咪陪自己入Disney咁好幸福添~

個首映係The Chronicles of Narnia:The Lion,The Witch,and The Wardrobe

姐係魔幻王國:獅子,女巫,魔衣櫥!!仲會係入Disney到睇..有埋cocktail party~

一定好好好正姐!!!第一次睇首映呀..吾知會吾會有名星既呢?

》〝好期待丫~~希望會【順順利利】啦~~~>v<。

今日吾知做咩..好眼訓,就算起左身睇衛斯理都好,係sofa都差d訓著..

吾知做咩呢~!?一路睇..一路食返我自己整既野食..好食woo~好似nuts咁!!

到咁上下就換衫出去,媽咪又話自己走得..咁講左話1點出去~

我1點1先出門口..就緊係咋咋臨架啦~臨出門口有電話打黎woo..

以為佢催我出門口,咪吾接law~點知..出到去佢又打我手提渦~><

因為吾知咩事所以迫住要接..死啦~爆硬分鐘啦!!!可惡...

點知原來佢話佢岩岩仲係公司..可能遲d到~啞左..早知吾咁趕!!

好快就有車啦..之後係九龍灣地鐵站等佢!!都係等左一陣姐..佢好快到~

跟住就行街街啦,

3點幾我地都未食野就去左pizza-hut hi-tea啦..

不過今日兩個都冇買到衫~

但仍然係大出血既..因為我換左電話(辭..吾好話我又轉呀!kaa)

本身買7370架,但係佢除左樣靚外佢..一d內涵都冇woo~

我份人吾係淨係睇外表家ma~大家都知架啦..kee^^"

最後我就買左Pantech既PG-6100..我之前都覺得佢吾錯架~

而家佢又平左woo~又有得插MMC卡,7370冇,得果10mb..

話就話有得聽mp3,但係得果10mb,聽得d咩呀~?!

同埋部pantech有200萬..7370得130萬..算啦~得個靚未必好既...

最後買左6100..因為要將d野sd返去新機搞左好耐...

搞完啦~比左錢就同媽咪兩個人好快走~行到出門口,我就諗起媽咪有冇睇過張單~

佢叫我睇下,一睇先知出事~就係佢冇扣返我trade-in個價錢!!

嘩..好在睇一睇吾係虧左$930架啦!!

跟住就同媽咪睇佢好鐘意果對鞋啦..哈~佢話鐘意好耐架la..

吾知係咪比我講多兩講呢,佢睇睇下覺得吾係咁鐘意~哈..

仲話好在上次冇買..kee~!!咁我今日咪幫佢慳吾少~?!跟住就返屋企lu...

哈..呢排d時間亂到嘔呀~晚晚都4,5點先訓...

1,2點先起~今日連衛斯理都冇睇呀~><完全吾記得左係星期一..

起身睇下電視..整下哩整下lu~lunch都冇食!!

4點幾打比媽咪~今晚佢地兩個都返黎食呀..我就決定我煮啦~

5點到落去買餸..冰浸芥蘭..魚香茄子..蒸水蛋..媽咪拿手既蟹湯!!!

買哂野咁滯啦~差d蟹..媽咪話要花蟹,見到有丫~咪要law..3隻~

點知..啞哂添~><~!!!$110丫要..我先岩岩袋110落黎,又用左d,仲邊有咁多..

要少隻,都仲要80~嘩..成餐飯個湯最貴添~唉..不過算啦~煮比老豆同媽咪!!

買完蟹..差d連豆腐都買吾起啦~><~好在..岩岩夠,見自己咩都未食..

買煎饟3寶..其實係到諗~食吾食好架啦,驚一陣吾想食飯..不過好在有買咋~!!!

返到去一路食野一路睇叮噹..好好睇呀~

跟住就開工啦..準備好哂d野先~嘩...不過等下又夜d..等下又夜d~

兩個好鬼早就話係LO WU架啦..結果等到成9點先返到~

真係以為佢兩個吾識返屋企架啦,次次我煮飯都係咁架woo佢地...

上次我煲湯又係等到12點..真係都吾知咩事呀~><!!!

跟住媽咪就好快咁整返個湯,佢地一見到d蟹就知貴啦..

原來我買果種係紅蟹呀..e,我明明話要花蟹架~老闆搵我笨??

個湯得就食飯啦,因為其他野我都煮好哂啦...

吾知係咪自己煮呢,覺得好好食bor~個魚香茄子好好多呀..樣樣都好好~

我覺得啦~^^..媽咪都讚我叻..真係可以煮到一餐飯出黎~

仲話我嫁得啦~＞ 3 ＜~哈哈..笑死我呀!!

食完飯睇電視..新戲呀~不過..好似一般般咁啦...

3點啦..訓覺lu~聽日同媽咪出街呀..可能會買電話呀~^^..kee