而家已經係2005年12月31號既零晨3點44分啦~!!!

話咁快..又一年啦~通常到左呢日都係時候做一個【大事回顧】啦!!

諗返今年發生過既野..實在太多太多啦~

2005年–係我咁大個女以黎..過得最難忘、最難決擇、最多事發生既一年...

呢一年,亦都代表我真真正正大個女既一年~因為我18歲啦!!

係年初既時候,我面對感情要做決擇!係3月26日我正式咁揀左略..

4月..成敏同我講~我吾應該拍拖,應該專心會考!我有認真諗過,但係我覺得我可以同時兼顧!

5月..會考開始!!盡我自己既努力去考~

6月..會考完左~當然大安指意去玩啦...覺陣覺得~放榜後都吾知大家會點..

而家梗係要玩個夠啦..抱住呢個心態~玩到8月!!

但我當然吾會每日都玩啦~始終都要決定之後條路係點...

媽咪好想我升中六..但係我自己完全冇呢個意思~可能好多人都吾明我點解會咁諗!

可能我清楚自己係咩人,清楚自己係咩料子掛..我相信就算我緊緊14分~

讀到中六..但係能夠讀到大學既機會都係好微好微~可能人地會覺得我冇信心..

但係我就信我自己係第2條路會行得比較好!!因為呢個決定..同媽咪嘈左好多好多次~

大家始終都達吾到咩共識..每次佢都會問我點解,而我..就一次又一次咁答我既原因!

有時候,我想行一條路~佢同老豆都吾會阻止..但佢地會吾讚成~

只會講..你想點都得!最緊要係你鐘意!~係..我吾鐘意做既野佢吾會逼我~

但我覺得,我真正想點,冇人知!!

8月10號~放榜啦!!13分既我..完左我媽咪想我升中六既夢~

係同一日..我同媽咪上左學聯,去聽一個蘇州大學同加拿大一間大學搞既program~

但係又我決定既呢日開始...身邊每一個人聽到,都會問點解?~講真架?

舅父佢地仲係咁嚇我,果陣覺得..點解冇人support我~我而家都報左啦..做咩姐?

決定左既野..而家先咁同我講~想我點呀?果陣喊左好多次....

9月...人地開學~我同略就讀toefl!

9月13號!我18歲生日呀!!!不過..並冇我想像中咁開心咁難忘~

今年..再吾會係一班人同我慶祝啦~大家都覺得有男朋友陪就吾洗理我咁..

連生日快樂(?)都冇點同我講咁...咁又一年生日啦~

11月..略考toefl~考完..大家都有個分數係個心!!歐燕姨就係Melbourne返左黎~

黎左我同媽咪出去傾~問我做咩吾考慮去澳洲..跟住就比資料我睇~

果陣好亂...吾知應該點!!老豆就日日都同我講,去澳洲點好點好..有幾吾鐘意蘇州!

但係略個分數未出..我又吾想好似掉低佢咁~

當然,如果佢去吾到~我一定會過澳洲..但係過到,咁我又應該點?

日日都諗..媽咪同老豆又係咁問我~真係好煩好煩,,,

終於,佢個分數出左..去吾到~我決定過Melbourne..問略點,佢每次都答我吾知~

慢慢..我同佢既感情都出現問題!!可能係我單方面覺得有問題啦,,,

但係果排我真係好吾開心.我相信佢吾明我點解成日都話吾開心~可能d問題草得太耐掛!

最後...我講左分手~但係..佢話會改,我都希望佢真係會改到!

12月,過澳洲既野慢慢落實!可能d野開始firm..所以個人舒服左~

其實有時..有人幫自己安排好一齊,都未必係吾好~可能會仲輕鬆!!!

可能我屋企比得我太多自由啦~自由到..每樣野都係自己搞掂~

每樣野都要靠自己!!

好快就到2006年啦..我相信呢一年會有好多好多改變係我人生!!

希望..05年既所有吾開心、吾順利、所有吾好既野~都完啦!!

係06年..會係一年~開開心心、順順利利既一年~!!

＊ … Happy New Year … ＊

本來今朝想早d起身架..想起身煮下早餐咁~

但係真係吾得~超眼訓!!聽到鬧架我明明..但係都冇起到!

一訓..又11點9啦!!唉....

跟住就係到搵歌,今日搵左好多歌呀!!

仲整到好整齊咁添呀~一碟碟咁group好!!仲搵埋cover~

kaa...自己睇到都好開心!!(吾知關吾關virgo事呢?)

今日終於記得打比Janet啦~落實真係住係Cherry Tree Village..

而家等30號body check完..出埋visa~就幾時都走得啦!!

吾知到我走果陣..會點呢?

今晚真係有dd想煮飯比老豆食架..但係又吾想落街買餸woo~

都係等埋媽咪返黎~一次過煮比佢地食啦..^^"

夜晚果陣就幫板板轉look~今次個look我好鐘意呀!!有少少神秘又有d型渦~

今晚真係要早d訓先得啦....

今日就係【平安夜】啦~吾知點解..覺得今年冇咁好氣氛咁既…

老公上左黎我屋企先..買野比我食~之後先出去..

食緊野果陣,佢同我講冇帶禮物..聽到個心幾灰呀~><~咁都吾記得!!!

then佢又話woo~其實前兩日上黎果陣已經放左係我屋企...

叫我入房搵下..初初覺得佢搵我笨!!吾信 》》》

跟住佢好真係咁渦講到~就搵下..我不斷搵櫃果d位~

原來擺左係電腦上面個架到~真係比我估中woo..係Swarovski~

我想知咩黎..但係佢包實哂,完全睇吾到!!仲有一張卡仔~>  ﹏ <~算你啦..

跟住我都比我果份佢~佢睇個袋就估到係銀包...!!點解架~

但係咩牌子就吾開估..佢果份係咩都吾講住~等到今晚12點..X'mas先知!!

之後我地就去左aPM~哈..我見到個商場果陣係到諗,aPM咩意思呢?

好快我就諗到..a Perfect Mall~?!哈..即刻問老公~keke...佢諗吾到呀!!呵

跟住係入面行左好耐呀..出左去個平台講左一陣~打比施問下佢點..但係佢仲未出門口~

個個都吾知點既~算啦!!各有各玩啦!!then我地就同聖誕樹影相啦~影丫影丫...

我要影好多聖誕樹!!> w <~本來想睇下個飄雪架..但係我地miss左~算啦!

不過我影左一棵我好鐘意既聖誕樹呀~佢好special架..有幾?

名牌聖誕樹你見過未~kaa..就係Agnes B's X'mas Tree啦~清清地..幾靚架~

勁多人行黎行去..好辛苦終於影到一張真係冇人得棵樹既獨照啦~~~

走果陣已經6點幾啦~珊打過比我地..問我地返青衣玩好冇~不過我真係想出中環睇睇..

so冇去~就出TST..嘩嘩~~~搭MTR去左油麻地多人都咩咁呀...傻架~

我地就話啦~政府應該開發下其他地方啦..好似元朗果d咁~等d人吾係淨係出TST!

哈..諗得過呀!!!好辛苦上到車啦~但係又吾知係邊到出好woo..度度都封哂!

我想去半島中心..因為果到應該有好多燈飾~但係我淨係記得半島..

吾記得係半島咩~隻豬又以往我話半島酒店woo!!諗左淨..佢終於知我講邊到啦~

就問個名嬸..知吾知中國城係邊到出woo~哈~吾知個阿嬸會點諗呢??kee

出到去啦~好靚呀..好多報佳音呀!!!我地就係咁影相啦..人地影完啦明明~

略又成日話人手震要再影過woo~>＾<~你就係呀!!不知幾pro丫我·．

then又諗食咩好呢...未諗到就入左百住買野飲先~好口渴呀!!珊就打比我啦...

問一齊好冇~我覺得ok..晏d可以join埋一齊倒數!但係珊話一齊食飯~

老公同我都想二人世界~so...sor li ar~><"

最後我地兩個人去左食壽司~~嘩..超超飽丫~飽到好似滯左咁...

跟住samuel打比我地啦..話佢地一陣過中環搵c佢地~問我地一吾一齊~ok呀!

咁我地食完飯就沿住海旁一直行~去到半島..今次係地酒店啦~

果個位停哂係到woo..吾又行得又吾知咩事woo~超激多人...老公行左上d野到睇~

有好多人都係咁企高睇~d人話好多人呀..哈~好想睇下有幾多人!!!

老公扶左我上去睇..嘩!!真係好多人呀~中間有個空位吾比人行入去..旁邊超逼~

問samuel~原來係要等1-2個字先分批放人行,,佢地果陣已經搭船啦~

不過之後我地都好順..好快去到碼頭~不過好好好多人law...哈!!我初初仲以為吾洗錢搭船~

又話要刺激灣仔都銅鑼灣d經濟!!呃人既...><~

話到去..吾知講緊咩~講到去婚姻註冊處..我記得皇后碼頭果到真係有架~

我睇刑事2都係咁拍既...之後老公話冇~輸賭!!好..驚你呀~!!輸左請睇Harry!!!

跟住我地係果到行左好耐~圍住兜左成個圈啦~都冇woo...點解會咁架~><~搞錯架

算啦~過去搵佢地啦...途中~有個好正既位..係聖誕樹影最靚呀..我就叫人幫我地影~

我地就咁影棵樹都震哂~佢同我地影果張竟然好清woo!!(真係算幾清架啦...)

行過去果陣..老公同我講左一個外國人既傳統習俗渦~真係架?

過到我地自己再影左一陣相先~搭半啦..就搵佢地~咁少人既?!得峰果pair~同豆釘佢地..

跟住我地就行左去大螢幕前面..隔左陣係我地後面就有返c同samuel果pair啦~

5·4·3·2·1·★∵★∴★∵Merry Christmas∴★∵★∴★錫左老公一啖a..> 3 <

我地就圍埋一班人~10幾個..一齊唱We Wish You're Merry Christmas~仲比人影相添呀!

之後我地就拆開份禮物啦~佢都估到係Patrick Cox~不過我就估吾到啦..

竟然係一隻大笨象既頸鏈..點解會係大笨象架~有冇意思ga..><~(講明~我吾係吾鐘意!!)

跟住c佢地走左~話睇Harry..但係我地答佢一定冇law~我地check果陣場場都爆!!

我地成班就一齊行..行到一個位~停哂woo~以為做咩添..原來係聽笑談廣東話~kaa

今次係〝你吾好同我講耶穌呀!!〞哈哈~好好笑下丫~去到中環站大家係到討論去邊...

但係我同略就返返去聖誕樹果邊..因為我地有d野未睇~睇埋先...

不過原來係冇咩野睇架law~我地仲拎左願望紙..不過冇筆~我就咁許左個願*..就放上去啦~

then就到我地諗去邊啦..諗左好耐~見有時間~幫老公轉新銀包先!!!

我地就搭返船落去~嘩!!好凍呀..老公攬住~好warm既一程船...

再係TST行下..好多好多一班人呀~諗起上年..我地都一班人咁過~好開心..

影左好多傻相~吾知3年後我地會吾會係元朗再一齊咁傻咁影相呢~?!kaa

之後我地就搭返地鐵返屋企lu~本來老公想陪我搭35A架..但係冇哂尾班車lu~

好在搭MTR有位坐姐..正呀!!佢諗諗下又好似想換個銀包個款woo..又轉返個舊既用~

唉..算啦~送左比佢~佢鐘意點都由佢啦...訓下先~~

i 左陣..但係個膀頭好痛吾知做咩~老公幫我〝連〞左陣..但係都係咁~都吾知做咩!

3點鐘lu~老公送我返屋企....

Merry Christmas !!Love U !!