恐怖的七十一便利店出售有問題思樂冰

本人於今日28/6/2011 晚上11:45到愛蝶灣七十一便利店購買2杯思樂冰,一杯可樂,一杯芬達
購買後隨即回家飲用,本人飲芬達味一砌正常,但當飲可樂味思樂冰,發現一陣異味,和平時可樂味思樂冰完全唔同,該味道是火藥味汽油味和藥味之間,唔知係咪機味?一聞到就好想嘔
於是再叫家人試,結果一樣,發現一陣異味
於是本人即刻落去七十一理論並要求換過,當時是11:55pm, 店員只表示堅持話點會有味,叫佢試下 聞下,佢堅持唔肯試
佢只話倒左D思樂冰去再斟過,叫佢換過隻杯 連杯也唔肯換,佢只話用D汽水沖下隻杯,隻杯斟過可樂味思樂冰,杯都有異味,咁簡單換也唔肯,飲壞人點算?
退錢也唔肯

之後我堅持叫佢試下,死都唔肯,仲話我仲乜要試下,聞下? 叫佢封住可樂味思樂冰唔好俾人買又唔肯,我咪話你唔封住繼續出售,飲壞人點算?飲到人入醫院點算?  佢只話個個都買又唔見有事?

於是我話打去食環署投訴,佢D態度竟然差到..你咪打啦,問佢七十一便利店電話又話唔知

最後我堅持再叫多1次叫佢試下 ,叫佢封住可樂味思樂冰,死都唔肯

仲話我玩野, 話我係度抵毀佢, 嘩,佢D思樂冰有異味仲可以D態度差到咁

當時本人已好火爆, 斟番另一隻味思樂冰走佬,返到屋企本人火到立刻倒左2杯思樂冰落地下

本人估不到七十一便利店出售有問題思樂冰,而且店員態度仲差到咁,仲堅持乜都唔肯,仲系度屈人抵毀佢

本人已火到勁火,想叫埋家人落去再同佢理論,但認為無用,他堅持唔肯認有問題,點嘈也無用

本人唯有向食環署,七十一,及報館投訴

本人想再落去買多一杯可樂味思樂冰作為罪證,要求食環署化驗是否有問題,但本人心知佢一定不肯賣俾我,佢知我買來投訴仲邊會賣俾我?