今日有兩件事要講！

第一件：感受

琴日，係我我今個暑假第一日出去shopping既日子，其實就無乜特別既，只係想同人分享下姐，不過e件事都幾諷刺嫁，事關我本身係一個唔鍾意睇有大量文字的人，但係我無端端去左書展，你話仲唔怪咩？好喇講返書展先，講起上黎我都有幾年無去書展打轉喇，今年個書展都搞得唔錯嫁比我對上個次去既時候實在好左好多，野又多左d，地方又大左d，既然去個得書展唔買野會好怪既，所以我係今次個書展入面既戰利係三本小說，對我黎講要我睇完e三本小說都書花上一大段時間先睇完呀！！

第二件：孤獨/羨慕

係我打今日既日記之前，睇左達達個日誌，有感而發所寫的，我睇見佢所寫既野我覺得佢係愛情路上同我有點相似，點解會咁講，係因為我地大家都係鍾意左一個唔會鍾意自己既女仔，不過有一點唔同既就係佢鍾意個個人有曾經嘗試接受佢，e一點係令我羨慕的一點，其實達達佢比我幸福，因為我已經失去左疼愛我既母親，就連我鍾意既人係我同我既朋友眼中都冇打算嘗試接受我，而佢同我講過唔鍾意我既原因之後個晚我冇睡過直到天光，我同佢只係可以做同學或者係.......朋友，雖然而家既我可以話已經放低左佢，但係有時夜晚晚一個人個陣，我....我真係感覺到一個人失去母親、失去自己鍾意既人個種孤獨感............