咪咪一早打電話黎…….問我做緊咩……未話佢知陪緊d仔仔女女晒太陽… …佢以為我買左好多公仔……..我話佢知我d仔仔女女係仙人掌…..而家有成十幾棵時… …佢即刻話 “你瘋瘋癲癲咁點過落去呀!, 女!”……勁傷心呀… ..我係佢寶貝女黎嫁ma…….竟然咁話我…..

Paul paul仲未出院……醫生話佢肺炎…….連佢自己都好似無晒鬥志……成日話見到阿公又話見到太婆 …..paul paul不嬲都成日諗埋一邊…….咪咪話佢問隔離床婆婆怕唔怕死……..佢話自己好驚……聽到咁就覺得好心up…..問佢係未有咩唔捨得又或者放唔低……佢又話無…….
不過好擔心姨…….咪咪話姨琴晚探完paul paul之後打電話比佢…….喊到收唔到聲… ….話因為paul paul同佢講見到阿公…….我知佢實好傷心……佢不嬲都係口硬心軟既人黎…….雖然佢知paul paul係偏心舅父……係鍚晒舅父……但係我諗係咁多個人裡邊…….最唔捨得paul paul既人一定係佢……明佢…..因為我同佢都係同一類人…….就算paul paul唔係咁鍚我……又認為我係外孫…..唔係咁親……不過我淨係記得細個時佢對我地點好點鍚我地……我從來就無分佢係婆婆…就覺得佢唔夠嫲嫲親…..因為阿公同婆婆點計….我地都係親佢地多好多…..鍚佢地多好多… …..

唔知呢……活著時就要珍惜有既時間……..做自己想做既事…….去愛自己愛既人……開開心心咁活好每一天…….到死個日…..可能會好唔捨得……不過唔會有太多遺憾….記憶中既都係甜甜蜜蜜既片段……..
豹豹你要好好記住呀!!!!