今日真係...哈^^
滿足子數9.9分呀真係
今日訓左成9個鐘
約左同學係小學門口等.一去到
哇.....真係呆左
我d小學同學呀.....點解個樣冇變過架?
跟著我地不停咁傾..淨係等果度都傾都冇停過
行到學校門口...超懷念呢.真係冇諗過...
我竟然有一日可以同十幾個小六既同班同學一齊再步入校園
入到去...哇...超激烈多人...撞到波友啦...中學同學啦...原來大家都係係聖公會聖多馬小學讀架喎
見到以前miss 冇點變既?@@@
行哂成間學校.好正呀...禮堂改動超大
天台個操場..一樣...十年一日..都係咁(大)呀fa
搵得果兩個miss影相...真係..好多喎
我地又行返去我地既6a影相..課室好(大)呀
果張俾人罰既chair依然健在
依然係綠板
好似...好多野都冇變過
係課室一陣...打開個櫃..拿左幾本簿出黎
個個係咁影..超懷念呢
冇耐...突然鐘聲響起
大家都呆了..沒有任何動作..定了形
仿佛小學時一樣..聽到鐘聲便要立即靜止.不能動.直至鐘聲響完為止
跟著就係宣佈既聲音..佢話
歡樂既時光特別快.又係時候講byebye
即係話...我地要走啦...幸好..佢再宣佈話之後又有個嘉年華..到時我又可以再返過黎啦
雖然係學校短短既大約兩個鐘..等係真係諗返好多好多.細個時候既事
我同學同我講話..你記唔記得呀.我地細個果時一齊坐最後架...
我諗...冇可能吧.我咁高.但係佢講講下我又有返d記億
佢仲話果時我買左張幾蚊既貼紙俾佢睇.超攪笑
細個既時候.佢係一個非常之靜既女仔.應該話俾我地既感覺係接近自閉.....
好似小丸子套卡通片果個女仔咁..淨係有時陰陰咀笑..個樣又似喎..眼細啦..髮型又一樣啦.連面型都一樣.唔話佢係都唔得
但係十年後既今日
佢180度變左啦.好開朗.又傾得埋喎
之後我地去左食飯.
|
