正式告別CE了 但係CE衰收尾 唉

唉 中英文oral d人實力太懸殊 都唔知考評局點分組- -
中文oral就全部都係勁人(唔包括我- -")
英文oral就4個人係到鬥廢- -
2科oral咁就衰左
唉 我本身重諗住睇下中英文有無機會5*...
而家都好大機會無啦

肯定ge係 英文oral比中文oral差

grandma係我臨出發之前同我講唔好諗阿根廷同美斯
結果我係報到室入面係咁同自己講唔好諗阿根廷同美斯
如果grandma無講我應該都唔會諗......掛......
(以上內容絕對唔係CE衰收尾ge原因...)

報到室入面有2個人本身就識重要編埋係同一組
不過最後當然調左組啦
重有個人著大露背 露背唔係問題
問題係佢坐係第1個位 你估我真係好想睇你背脊咩- -?

入到準備室 見到條題目就o左嘴
條題目係有幅危坐係晾衫竹ge細路 佢個樣似係想執返同樣係晾衫竹上ge熊仔ge圖
佢畀左3點你討論
-what might happen next?
-why did this situation happen?
-preventions
(字眼大約係咁啦 文法有任何錯誤唔好怪我)
我真係無諗過我ce會遇到條咁膠ge題目
不過好在個腦重運作到 都寫左十幾句ge...

入到試場 我都未坐定佢就打分
唉 其實條題目膠都算 4個人都係廢人 真係唔知發生咩事囉
一開始爭輸左個開頭 唉 candidate D個開頭真係差到喊
好心佢就讓畀我啦 講得25秒都無
跟住我又講下廢話 candidate C又講幾句咁
之後問candidate B有咩意見 candidate B笑而不答 我真係唔知佢想點
唉 唔理佢 去第2個pt算 candidate C,D同我夾埋都只係講左1分幾鐘
雖然第2個pt真係無咩好講 但係個時重有差唔多4分鐘先完
唉 焗住第3個pt要講好多野
不過講到得返2分半鐘到大家就唔知講咩好啦
唉 我都講左唔少咖 奈何candidate C同D都係一句起兩句止
我地3個就逼candidate B講野 佢講左1句 但係佢係回應緊第2個pt
佢ge reaction time...同zoey有得揮
之後candidate C同candidate D係咁講廢話
講廢話都算 佢地無野講就望住我話"what do you think?"
真係呆左呆 我就講左幾句 之後將個波拋畀candidate C同D算
唉 好心佢就問candidate B啦
(好在呢個情況只係發生左1,2次)
當剩返32秒個陣candidate C同D都無野好講
我就係到總結 用左28秒 重有4秒豪畀位評分老師啦
group discussion差到無得再差 成15% ge時間都係dead air
d人完全都唔識善用時間 好心用1-2秒講句I agree with you或者I disagree with you啦
(其實開頭我都有講 但整整下我都唔想講)
咁個討論咪有返d生氣 唉 成個討論都係死氣沉沉咁
同埋d人真係各有各講囉 唉 都唔係討論黎ge
唉 怪自己無領導到d組員討論啦

group discussion衰左 唉 唯有靠IR拉返少少分啦
不過4個人條題目都淺到...... 我諗我地4個都可以安息啦
IR d題目如下(我只係記得個意思):
candidate A:你認為d細路幾時可以獨留在家?
candidate B:你細個個陣係由邊位家人照顧?
candidate C:獨留兒童在家ge家長應唔應該受懲罰?
candidate D:有小朋友ge阿媽應唔應該返工?
打左咁耐我都唔記得講自己係candidate A
其實我覺得做A有個好處
如果講得好ge話可以嚇窒其他考生
但係我嚇窒唔到其他考生 個IR都唔好 不過好過個討論啦
我就話12歲 話因為d小學生無自理能力
同埋d家居意外好多時傷到個d都係細路
講左54秒 都算係咁
不過我唔記得左講點解12歲以上ge可以獨留係屋企
唉 用剩返個6秒講句12歲以上ge係中學生都好啦
candidate B係IR都講左30秒 不過佢d英文就......
煮飯畀我食=cooking the rice for me
candidate C同D都講左好多 不過佢地都有D離題

唉 今次英文oral可謂死無全屍
可能有機會會唔合格 唉
"壞的結尾是失敗的一半......"希望個標題唔會成真啦