尋日mandy同阿dan講左口試ge程序
例如label有分紅黃藍三隻色
但係我今日係報到室點名發現呢個試場ge label有紅黃藍綠四隻色
個報到室重要唔夠位坐 有人要企

7點入左準備室 呆坐左3個幾字
試場主任係d人呆等ge時候講英文oral要注意d咩
要準時到啦 即使遲到都唔好遲多過3個字 唔係就要改期

朗讀篇文好易 係一篇形容郊區景色ge文章
搵極都搵唔到9個測試位 最深都只係"逶迤"2個字
不過易都無用 係個"了"字到lag左機 係到"了...了"
之後見到位女marker係回讀個欄劃低記號 但係男marker無

然後就到口語溝通 唉 估都估到自己炒左
題目:政府現制作一個短片以鼓勵年輕人逆境自強
你認為下列哪個是最佳人選?
試討論並達成共識。
(選擇：運動員 演員 紀律部隊人員)
見到條題目就想爆粗= =
冷靜返之後就決定揀運動員
一開始就同6號爭開頭(p.s.我係1號)
咁我讓畀6號啦 點知6號一開波做返我尋日練習d野出黎
心諗:哈哈 你都係同我差唔多咋..
佢話揀紀律部隊人員 不過d理據就薄弱左d...
好似紀律部隊入學堂好辛苦
之後諗住要第2但係又畀5號搶左...
但係5號同我同一陣線就無所謂啦
5號對逆境自強ge解釋真係精彩 就係"逆境要自強"
跟住又同3號爭第3 結果我爭贏左...
講下咩叫逆境自強啦 同時反駁6號ge論點啦................

2號同4號相對比較弱 4號重要揀演員 一開口就畀3號同我係咁插= =
之後5號話運動員好d 4號就話"好啦"= =
但係6號仍然唔肯轉軚 我於是係咁反駁佢d pts 差d同6號鬧交
搞到2345號都好無奈= =
呢到應該係失分最多ge位置
(希望d markers都唔覺得我同6號差d鬧交啦...)

6號臨到最尾50秒先轉軚 願主祝福6號啦= =
2356號就唔知4號轉左軚 但係4號尾40秒先重申自己轉左軚= =

成個討論只係dead左1次air 重只係dead左1秒= =
不過個次dead air都幾明顯 因為除左個次 次次都有人爭野講= =
同埋d人都錯好多野 但係我都懶得去指正= =
例如:郭晶晶係代表香港出賽同埋洪金寶係單車運動員= =

18分鐘入面同3號爭左起碼3次發言機會
雖然次次都係我爭贏 但係都係讓左個總結畀佢
因為一望就知佢好想講 不過個總結都不外如是
我有信心我個總結會好過佢...

今次個口語溝通其實3,5,6號都算係勁人
令到我未能完全屈人地機(其實我都幾廢下...)= =
但係討論整體上同尋日個練習差唔多 都係好亂= =
d人發言模式都係同尋日差唔多...
預計自己中文卷四成績會幾差 因為我都覺得自己無咩禮貌= =
即使反駁到人地完全駁唔返都無用...
有機會下試lv.3甚至lv.2