已經無勇氣...亦無能力去愛...

已經承受唔起傷痛、再承受唔起打擊啦....

我唔要忽冷忽熱呀!

我唔要咁飄忽不定呀!

點解?點解你琴曰仲當我係你個"老婆"，

今日就要唔理我吖...

點解?點解我同你都放唔低?

點解?點解已經分左手，我哋仲要拖拖拉拉?

又唔係情侶，點解要講I love you?

又話做Best fd，點解咁曖昧?

點解我仲傻傻咁等你電話?

點解我仲咁著緊你講ge每一句說話、每一個眼神?

但係,點解我竟然唔想見到你...

點解?你收到我送俾你ge禮物, 仲係咁興奮...

但係,點解你喺成個月之前約ge"約會"，竟然甩底?

係你變左?係我癲左?定係大家個心淡左...

你知道嘛?

我已經冇再為左你同其他女仔傳緋聞而呷醋啦~

而你都冇再嬲我"勾佬"啦~

大家ge心，可能真係淡左...

但係，我知道大家仲好care大家,只係唔表露出黎啫~係嘛...

愛情，唔係應該開開心心、甜甜蜜蜜嫁咩?

點解我要哭哭啼啼...

我唔想再去愛,唔想再浪費時間、浪費心機...

或者，都係做朋友最好,

唔係wife,唔係lover,唔係girlfriend~

只係朋•友...