最近青衣城新開的韓國餐廳樸生Bobsang成為素食界的城中熱話，在素食群組區內，鬧得熱哄哄，風頭一時無兩，特別是自助餐區食評好壞參半，還記得早年某素食自助餐廳在北角開張的時候，也是比人評得一文不值，食物質素差，等位又耐，但經過不斷的改善，直至現在已經開了第二間分店，可以看見批評的風氣是不斷的循環著，風吹草有生，其實香港租金、百物貴到飛起，要開一間餐廳實在很不容易，何況是素食餐廳呢，樸生 BOBSANG 處於Soft Opening 的階段，不論食物或是服務總需要時間去協調，千萬不要因為一次的不滿，就杜絕日後的無限可能性，不竟人與人之間的影響是很深很遠，香港地需要的正正是多一點建議，少一點批評，不要下下難為關公出來解答大家的疑難雜症，傷了他們的心。
說回正題，樸生一店分為兩邊，一半是做素食自助餐【樸生•素食Green】，另一半是有素有葷的主流餐廳【樸生】，論食物質素及款式樸生的 à la carte Menu，比起姊妹店 The Joomak 絕對有過之而無不及，不過The Joomak 的無敵維港景自然會略勝一籌，不竟環境也是很影響心情，而樸生就以簡約的清新自然風為主，坐位也十分闊落，每張枱也設有電磁爐，方便煮韓式年糕鍋，至於素食自助餐今次無緣一試，還是留在下一次吧 。
牛蒡凍豆腐 (原味) $58
把牛蒡刨成絲，然後炸成球狀，牛蒡片薄脆輕巧，仲一點也不油膩，炸牛蒡底下的豆腐，則是用上公和荳品廠的滑豆腐，所以豆味特別香濃，食落�H口感細滑無比。原味凍豆腐會配上紫菜碎同埋芝麻醬，帶一點日式的和風味道。除此之外仲有酸辣惹味�H泡菜同爽脆�H萵筍，最岩餐前開胃。
韓式四蔬煎餅 $86
我很喜歡The Joomak 的羽衣甘藍煎餅，喜歡到不得了，每一次也會點上一碟，而樸生的四蔬煎餅就用上紫椰菜、芋頭、冬菇及甘筍，把四蔬切成幼絲，再拌以無蛋奶素粉漿煎成圓圓的餅，四蔬爽脆得來帶一點軟綿，而煎餅的核心外圍帶一點香脆，點上特製的酸甜果醋，提升了煎餅的味道，最重要是比The Joomak 更為大塊，顏色配搭更鮮艷吸引，連不愛吃紫椰菜的我，也忍不住多吃幾口。
炸腐皮芝士卷 ( 素泡菜) $58
樸生�H素泡菜，係無魚露成份，以素菜來說實屬難得，腐皮芝士卷大大件，外層用腐皮包著芝士及素泡菜，腐皮炸得鬆脆可口，加上微溶的咸香芝士，拌著酸辣�H素泡菜，再點上幾滴檸檬汁，好味指數爆左燈，咁邪惡�H小食，就一於唔好戒口。
自選韓式鐵鍋飯 (大醬豆卜) $58
鐵鍋飯可以自選一款主菜同二款配菜，素�H主菜可以揀大醬豆卜或素豬肉泡菜，極度建議大醬豆卜要快點吃，因為乾左會好硬，而配菜就揀牛油果加豉油冬菇，二者加埋黎食，好似食緊咸蛋，撈埋素甜辣醬一齊食，口感豐富得來好Amazing。
自製年糕 $78
平時係屋企已經少煮飯，牛叔叔已經成日投訴，不過投訴歸投訴，我�H態度依然係照舊，所以呢個自製年糕就好啱一D係屋企少煮飯，但又想食到另一半手勢�H人 - 如我，自製年糕可以自選一款醬汁、一款主食材同二款配菜，醬汁一共有三款︰粟米豆漿、傳統辣醬同埋羽衣甘藍芝士汁，芝士汁仲可以轉素芝士，今次就揀左粟米豆漿、素豬肉同埋南瓜豆乾，呢個係要自己親自煮，大概煮5-10分鐘就可以食啦，不過記得要睇火，而粟米豆漿香濃幼滑，加上年糕軟糯煙韌，味道有點像純素版的粟米忌廉汁， 南瓜正正帶出粟米豆漿的香甜味，而且配菜可以自由配搭，總好過成日食辣醬炒年糕咁悶。
泡菜素豬肉生菜包$55
韓國菜包肉是十分經典的一道韓菜，而素食版係用冬菇腳扮腩肉，充滿一絲絲�H肉質口感，加上韓式辣醬炒至微辣，酸酸辣辣十分惹味，最後用新鮮爽脆的生菜包上，中和了辛辣的味道，咁經典�H菜式，無理由唔食 。
白桃/紅火龍果軟雪糕杯$58
樸生的軟雪糕是不含奶蛋類成分，所以對奶蛋類食物敏感既朋友來說，絕對絕對係恩物，白桃味軟雪糕比較清新香甜，而紅火龍果顏色就最Sharp，啱哂相機先食兼打卡，火龍果雪糕入面仲有一粒粒火龍果籽，充滿咬口，而且杯內仲有多款新鮮生果粒、乾果同脆穀物，誠意度加哂分。
我老細常教導我，心中有好西，食�H自然係好西，一間餐廳有心推廣素食，其實應該要抱著欣賞態度，尚然有不足的地方，也可以是作出溫馨的善意提示。
Bobsang 樸生
地址：香港青衣青敬路33號青衣城一期119B舖
電話︰3105 0986
Welcome to Visit :
kitlindacat.com, theZtyle, BeautyExchange, She.com, Beautylife, Ubeauty, Quooza, BlogSpot, ElleBlog, Weshare, BeautyQooza, Pixnet, Style-tips, Cosmopoltain, Dimcook
|
