| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 8 月 20 日 星期一  |
| 遠征+大紅袍 |
分類: 未分類 |
八月十八日,應該係我第一次遠征去APM。
唔知點解,我唔想打d詳情出黎...........
咁啦,去果陣係美孚地鐵站交收,
個男人幾似十八鄉果個大口呀sir.....不過肥少少。
係apm的無印買左兩包柚子金柑同一枝黑筆,
係地下果層的小型書展買左兩本書,
一本係去大型書展時已經想買的正音功,
另一本係算係為左排得唔好哂俾佢簽名買的森之愛情,
兩本八五折之後$108.8,但我聽到話$108only,
所以俾錢果陣都淨係俾$108,果陣我其實都聽到個收銀話108個8既.....
我係度唸我有無聽錯,當然我覺得我無聽錯,
所以等緊佢會唔會同我講差八毫子,
點知佢睇左兩次之後都係放左落部收銀機度,
我見佢咁我以為我聽錯,之後唸住攞袋書走,
我有唸過等佢俾張單我但佢動作太慢,我以為無單所以想走....
正當我起步唸住走果陣佢叫住我.........
佢俾張單同埋個兩毫子我..........
之後我睇番張單,原來佢計左我俾$109.........
唔知係佢真係睇左兩次之後認為係$109呀....
定係好人到當我俾左$109呢..........
第二個可能性係30%....................
買書賺左$1.2..........
不過搞到我唸起個死蛋蛋仔用六毫子買左三個m記餐!
係apm個兒戲台板後面等簽名的時候傅穎同學係前面走.....
唉........如果係菇仔就好啦.........咁近!
不過我承認我已經唔係好有印象呀傅穎同學點樣係我前面行過。
雖然攞左森美的簽名,盡攞到個無唸住要的火火簽名,
但係有d遺憾,因為我之前都未攞過呀詩的簽名..........
不過!好彩係我俾本書個人個人俾本書森美姐,
姐係我唔係親手俾佢,
所以我仍係可以第一次親手攞簽名的人係呀詩!hahaha
另外係地鐵站攞果份快線有呀詩!yeah!不過勁細張相.........
apm遠征戰戰果:勝利!
損失:$688.7
戰利品:$1.2、兩本書、三件無印良品、兩個簽名、紅燒排骨粉、
涷檸茶、屈臣士蒸餾水、五份報紙、一本無用的野、一張無印廢紙、
一張全日通.........
高級戰利品:first第一版
損傷:2
經驗值:2
戰後重點檢討:帶備後援資金、調查天氣變化、確保足夠電源、遠征裝備禁用牛仔褲
是次所得情報:由元朗至美孚西鐵站所需時間為15-20分鐘、
由美孚至觀塘地鐵站所需單程費用為$3.7
戰後報告完。
以下為大紅袍preview,轉載於菇blog
菇blog:http://hk.myblog.yahoo.com/geelee-gooloogutgut/
勁鐘意!每次都令我個心感到澎湃!
正正正正正正正正正正正正正正!
好鐘意d低音,同埋好鐘意d高音中音同低音的交流。
同埋d music開頭粵劇feel交接到好有氣勢的feel,勁正!
最鐘意果種feel的影片,如果大紅袍拍成電影就勁正!
當然有三十幾分鐘的大紅袍都已經勁勁勁勁勁正!
盡有呀大元帥愈睇愈英英英英英英英英英英英英!
對不起,這都是發自內心的讚美。
|
| 2007 年 8 月 14 日 星期二 |
| 森美小儀歌劇團 |
分類: 未分類 |
估佢唔到..............Lokamochi Mamiba
事緣八月十三日係森美小儀歌劇團的發售日子,
我前一日特登提早訓,
十二點幾訓............
第二朝七點半起身,
好快咁換好衫咩好袋放好銀包加電話入好handfree去廁所刷埋牙,
用左三四個字左右.........期間個某某同我講左堆野,主要係話咩幾點有車等,
落左樓下之後搞下個頭著埋襪同鞋,攞左包奶飲........
點知支飲管爛既,
好唔耐煩咁丟左支野落個兜度..........
之後走左去廚房再攞多包奶拎左支飲管,
結果.......唉.....又係爛既.....
一直以為話係搭八點果班,
點知原來呀某某係搭達四果班,
所以我就死左上去用電腦,
第一時間當然係睇菇blog,
俾我估中左會係凌晨update左.......yeah!
睇完之後回埋佢岩岩好呀某某叫我話佢出啦咁.....
我快手咁暗左關機....閃落去.........
行左段路去到巴士站,
等左十幾分鐘先有班車,
等的期間呀某某乘機話一同我出架車就遲黎.....
但唔知幾耐之後佢又話可能架車走左.....算....我都有回返佢同樣的野,
佢講果句野令我唸番起有之出去勁好彩,
行緊個轉彎位見到無人等車,
一路行一路回頭睇下有無車,
之後未行到一半我就唔望啦........
因為前面有人....費事望下望下咁........
點知行到埋去個巴士站牌前面轉四十五度身就見到個巴士車頭,
岩岩好,我埋站佢又埋站........
好彩佢都有停埋黎,
有d應該會當我純粹行過照行唔埋站.....
所以好多人先會一路回頭一路行.....
講返上左車之後,
上左樓上度坐,
坐左我平時唔會坐的地方...
因為我通常坐後面的三人座位...唔係先坐後面的雙人座位.......
今次坐左係前面的雙人座位....無扶手係櫈度果兩個位的窗邊位.....
坐到東頭村呀某某落車....因為佢係搭西鐵......
之後我繼續坐,去到下一個站開車果陣我睇左睇通利有幾多個人排....
見到的係三個,盡好似三個都係男的,
之後搭到總站....行過去元朗劇院.......
行左兩三個字掛.........
入到去見到中間有人排緊隊.......
無奈,竟然有好多人......
總之就去通利,
之後排到過去數過下係十二個,
好耐之後黎多兩個姐係變左十四個囉..........
就快九點果陣我前面果個叔叔自言自語話就九點,
果時我就知佢唔知係十點先開始.......
我繼續係度sms同玩左一兩次手機game....
講真....好無癮...sd sms............
之後睇下相呀....狂播住木紋.........
後黎過左差唔多半粒鐘,
前面位叔叔又講野,
不過唔係好大聲...話其實幾點開始架,
我不以為然,繼續play......
過多幾分鐘我抬頭果刻佢又講左次,
唔知點解我低頭果下覺得佢係同我講,
所以我又抬番起頭........結果佢真係望住我.......
我就同佢講左係十點,
之後佢就同我講左幾句野......
我盡以為九點開始添.....
第一次買唔知........
要企一個鐘....唉...
我回答佢最長的答案係森小歌劇團,
事關佢問我買咩飛,
之後佢同我講佢係買夏韶聲........
一向孤陋寡聞的我第一個印象係....睇粵劇....
haha....果陣未load到係人名.........
返到屋企見到先知....haha...hahaha........-﹏-"
到左十點零一、二分........
排第一果個終於行埋去個賣飛處買飛....
佢買左五分鐘.....之後飛快咁從最近的大門口"逃"走.........
佢走左之後排我隔離果個女人(所謂的隔離係後我十幾個人)打左個電話俾人,
同唔知乜水講:「排第一果個x弟唔識買飛,買張飛都買成五分鐘,
正一契x!買張飛都買咁耐唔死都無用,排第一!超!正廢柴!x弟!」之類的野.....
等左好鬼耐.....個職員先放多五個人過去排隊....我岩岩係果批最尾果個....
盡有兩三個到我果陣前面有個負責mark低有咩full有咩單丁的職員就已經話,
22號同2x號果兩場的$280無哂啦!
聽到勁down.........洗唔洗咁快無哂呀........
我排隊果陣買係唸下會唔會買唔到最好果d位,
估唔到連位都無..........
到我果陣唸住話$180都照買啦........
點知個人暗完之後就話,連$180都無啦.......
問我買唔買第二場......我!緊!係!唔!買!啦!....之後就走.......
係個叔叔職員手上攞左張宣傳單張之外就咩都無......
之後去左元朗廣場間三聯買$30的果本野......
之後有九折....減左三蚊.......
去元朗廣場之前打返屋企叫某某某幫我上網睇......
行到巴士總站果邊唸住過去76K巴士站的時候,
條.....好好人的司機叔叔特登立即開車......囉.....好人士得佢,
搞到我要繞過左邊兩架巴士行過去,
點知未見到個站想話轉彎行過去........
又有架巴士死埋黎......
我望左望.....咦....76Kwor...= ="
之後佢停左係度狂x手叫係個站排隊的人行過去上車....
可惜....可能等車的人無果個經驗....佢x左幾次都唔行過黎,
咁架車係正前面又開住門...我無理由唔上車架.....
我上到去入錢...個司機好似嚇左嚇回頭望過黎....
ha,佢咁舉動搞到我同佢都有一刻呆左呆......
我上埋上層坐好埋....無耐先有個男仔上黎....
唔知佢會唔會愕然點解會有人呢....ka......
落左車之後又行果段路.....
我快步行返去.......果然係未搞好,最終都要我自己搞返....
當然,我一兩下就註冊完兼睇埋有無飛買。yeah!
唉....但始終都係無。
後黎見到好多同學都買唔到飛,
我好後悔無同IFC預訂.........
真係....見到有人話佢10:01買,岩岩一load入去就話無哂22號的$280....
好變態囉....咩事.........
五分鐘無哂22號$280,十分鐘無哂22號$180........
兩個字就無哂22號.......未免太快了吧.........
又見到話呀迪偉係紅館打尖買左百幾張飛.....朱薰都係咁.........
後黎有人話係d人網上hold哂d飛,
之後放番d....所以有d人12點幾去都買到.....
不過不少同學都係七點幾八點去排都只係買到最尾尾果幾行......
好無奈.................
太誇張啦!太誇張啦!(唸起菇仔係朱薰挑戰站果陣講)
好想睇呀.....難得搵到某某去..........
唸起當初盡係度同佢傾買咩行好.......
而家?買都買唔到唸咩鬼呀..............
此乃買飛全紀錄,如有不詳盡之處,敬請無視。
我自己都唔係咁想打到咁..."長"..."盡"........
對不起,簡直可泣又可喜。 |
| 2007 年 8 月 10 日 星期五 |
| 阿森一族 |
分類: 未分類 |
8月9日大家happy!
8月9終於睇左早場的阿森一族粵語版啦,
我用100%的真誠同你地講,阿森一族的配音係得架!!!!!
一直以黎我都好鬼憎某d粵語版的....算!
何韻詩－黃偉文－王苑之－何超儀
今次成件事都非常順利,
初初都係咁認為,
之後知道左可能有3號/8號風球,總之有風球就唸....
呢d係米就係太順利未必係一件好事......
後黎真係到左果日,
真係有風球,但係果陣我已經無在意呢件事,
當每個人報導自己的位置時,
真係估唔到,
因為大家都就快到,
我地的到達的時間都只係差幾分鐘,
真係好似從未試過........
後尾上左去百佳買野,
最後我都係無買既,
淨係其他人一人買左一支野飲。
之後因為係搭十開場,
所以搭八度就入左去啦,
超,都無呀bart果d公仔既.....哼!盡唸住影番張相添。
未正式話開始但已經好好笑,hahahaha!
無點你架!黎啦!大家去睇啦!記得睇原版呀!
早場$30咋嘛!得閒係街撿下就有!記得去呀!快d去買飛啦!
老實講我都好想去多次!睇多次!甚至睇多無限次!
岩岩洗完頭,yeah!
繼續講先!
未睇的快d睇,睇左的快d矮!(睬!)
唔睇唔緊要,唉...我都預左我係度哂氣架啦!
就我黎講....我承認我唔係點樣好笑出聲......
但係我一向都係咁,所以唔代表唔好笑,
而且係某d地方,其他人都好大聲笑,
一號同學話好好笑,開頭真係好好笑,之後都幾好笑。
坐我隔離果兩位同學都問過我同一個問題,
就係....「何韻詩配邊個呀?/何韻詩其實配邊個架?」
呀一號同學盡問哂全部邊個打邊個配添......
我一開始盡以為佢地知....點知睇緊果時先問......
唔知佢地真係唔知呀,定係唔敢肯定呢.........
阿森一族片長87分鐘.....
唉,真係覺得太少啦!如果做耐d就好啦!
巴特巴特巴特特!
做完起字幕,個個都好似平時咁即走呀走.....
之後播播下又播左dd勁短的片wor,不過係d"茄呢啡",
但都抵佢地死無得睇!無左幾毫子!
當有人見到盡有野睇都企左係度猶疑走唔走,
之後我唸佢係因為見到我地盡係坐係度未走,
就覺得起碼唔係得佢坐,所以都坐低左。
到第二次起字幕的時候,
所有人都走lu,
雖然我係好想坐到最後,
坐到佢完哂為止,
但係都無法.......
最後,我成功成為左最後先離開的人!yeah!
出到去,三個同學都話唔似何韻詩把聲,
一號同學係入面盡同我講何韻詩把聲唔夠出,唔似佢.....
心唸....點解要出要似佢.....配左出黎唔似自己先係好架嘛......
之後我地去行左陣,
我主要都係去睇下ok有無何韻詩封面的milk,
不過果然不出我所料...得街邊檔有....
最後我地各走各路,
後黎我去左某個街邊檔,
唉...果然係無紙巾,所以我先至一直都咁鐘意去ok買雜誌。
最後返屋企............
呀bart!
何韻詩!
yeah!
打完.........因為實在無野打......一篇短東西.........。
對不起,我要你快d去買飛睇戲! |
| 2007 年 8 月 2 日 星期四 |
| 霉運繼續來 |
分類: 未分類 |
近排,愈來愈多唔好的事係我身上接二連三咁發生。
要講哂有咩唔好的事好難,我真係有好多都唔記得。
例如話最近果次係IFC會員優先訂購森美小儀歌劇團的飛,
個post係7月31日3點幾出,話8月1日9點開始入數,
我係8月1日1點幾先見到,
盡要住係較為偏離市區的地方,
附近無中銀得匯豐,個個又朝早出完去番黎唔會出去......
最後都係選擇左唔入....與其坐得後,
不如第時自己排隊或上網buy,(不過唔明點解唔分開發售,要全部堆埋一日)
唉.......遲下都唔知買唔買到前d的飛..........
另外,去書展一心想買的果本書行左好耐都搵唔到,
最後連一本書都無買就番左去,
哂車錢同入場費又無謂..........
之後,去唱k,食埋晏,搭巴士番去發現唔見左粒大菇,
咁就無左$15...同哂左我的"用心"......
還有,7月29日學完結他抽住唔輕的結他俾人點黎點去,
身水身汗,盡要期間粒爆滿的電一打電話就話無電,
講唔多過三粒字就同我"三"左機,多麼的百佳。
接著,前日發現去生日會的紀念品竟然凹左......
整唔番圓..........好hurt.........
最後,睇怕我唔記得盡有咩,
但最記得的當然係興起係屋企度有幾高,
最後得出的結果係同上年一模一樣,
半毫米都無高過......完全絕望.............
早就說了,什麼高到18歲只是謊話而已,
不少從事這方面的人都沒有這樣說過。
同學,有d野趁盡有機會就去做,
不要盲目等待或期望有天什麼都不做就有好的結果。
真的,有些事是事在人為,
當然,有些希望其實已因條件不足而流去,
這時候....只可以眼白白的目送它離去,
自己一點事也幹不出來,就會感受到一種悲哀。
就算而家唸起盡有一個禮拜就有得睇The Simpsons,
都無左果種期待的心...........
在霉運到來後,最終我也只是想起你,
或許我己把你當成漆黑中唯一的一顆艷光四射的星星,
只相信你才能給我動力,或另尋下台路不哭。
我記得,曾經有次好唔開心,
死左上房鎖埋對門擢左係張床,一直看著床尾的那張海報,
聽住你把聲,好快我只係沉醉於你的聲線當中,
彷彿是忘記了傷感,腦海只剩下你的聲音。
對不起,不知道可用什麼形容我對你的感覺。 |
| 2007 年 7 月 28 日 星期六 |
| 夢 |
分類: 未分類 |
唔知幾耐之前同過個fd講過我夢到佢,
佢同我講人地話夢到的野唔會實現......
哇....如果呢句係真........
我唸我死得.......
因為今日發左個夢,
呢個夢實現左我三個願望,
勁過出奇蛋,
不過如果真係唔會係現實中實現........
我米慘爆.....不過...我知!佢肯定呃我或者被人呃!
等我遲下實現到同佢講番佢被人呃左先.....wakaka
我相信實現到既......
不過首要條件我要有錢,
第二,我要夠薑一個人去某d地方,
第三,有以下幾點....kaka
出多d function、去concert、識企位、識去邊同埋夠膽,整厚塊臉!
我未講我果個係咩夢,
不過其實只係一個好短的夢,
果然,快樂是短暫的.......
不過對於現實中的我,
呢個短短的夢,
入面所發生的野已經好足夠令我開心到死。
好啦,講下我個夢先..........
咁的,
個夢係夜晚之外的時段發生,
一開始就俾我係無人行的路到見到佢伏係欄杆度,
印象中好似盡有個人或者d野係佢右邊.....
我從右去到左,
用唔知相機定手機對住佢想影佢,
鏡頭係佢的左邊三七後面,
個頭當然係最近個頭,
就係我對左一、兩秒左右,
係鏡頭中見到佢令轉頭望過黎,
唔記得佢講左咩.....嗚...好失敗....我醒左盡記得........
可能係「唔洗咁呀?過黎。」
畫面迅間去到我行左埋去佢前面,
唔知點解我會由高而望佢,
佢又好似係坐係度咁......
有心睇我篇野的人應該知係有矛盾,
係條路度又點會無啦啦有張櫈俾佢坐?
不過夢就係咁架啦。
之後我"烏"低輕手咁攬左佢一下,(唔係攬身係攬頸wor- -")
係我企緊直的時候我想同佢握埋手,
點知我一唸完佢即刻伸隻右手出黎,
佢好似知道我唸咩咁,果刻夢中的我係咁唸,
我當然係伸隻手出去同佢握啦,
握完之後盡好似簽埋名,
可過我唔係好記得,
所以連俾左咩佢簽都唔記得。
就咁就完左,
其實要數唔係淨係得三個既....
有四五六七個,
咁樣一次過做到咁多野真係好開心,
呢個夢係隨住我唸得多而出現,
加上最近係msn見到有人個狀態不停gif咁出現以下三句,
「我真係好羨慕你地!」、
「我只係同過佢握過5,6次手」、
「同講過一兩句野」。
見到真係有d無奈........
唔知佢係度哂命定咩..........
見到就有d酸,
心唸:握左5,6次手、講過一兩句野都唔滿足?
我連一次手、一句野都無握過同講過.......
真係勁無奈,
勾起我兩度失敗的回憶...........
唔知我呢篇野會唔會令人有d反感or唔知有咩好講呢?
係啦,蛋仔我只係想係從頭到尾完整咁睇一次,
唔係唔想俾你睇.........(都可以話係唔想既- . -係唔想你一忽忽咁睇)
無錯啦,講左穩陣d..........hahaha
不過無辦法感受到我果種喜悅的話,
可以將想實現的事代入我果三件事既,
例如話有個人一次過送左三樣你一直好想要的野俾你咁囉......
以上三句睇怕係要黎"亞"字數。
唉....正當我唔知打咩的時候,
唸起一樣都係三樣野的事..........
就係最近收到三樣野,
三樣都一樣令我極失望、勁哂錢,
盡被人呃郵費........(noun tang)
盡唔知條友會唔會退返d郵費俾我,
定好似之前另一條mou li咁唔回我第五隻貓......
哈哈,俾少少幻想就明我講咩架啦...........
同學,我好鐘意講同學,
點解呢同學?ha唔知呀,變左口頭禪。
唉,其實我唔想將我呢個夢同上面講果件noun tang的事係同一篇野度講,
唉.當係順便攞黎"亞"字數啦......唉..........
update at 2:51............
有史以黎第一次update...............
點解?因為.....................
岩岩聽光明會唸起琴日個夢.........
有個畫面出番黎........
就係係影相同講野之間果段時間定唔知講緊野果陣,
佢望到我件光明tee....................
咁因為係個夢...所以係夢度唔望自己就唔知著咩,
所以呢....佢望我,自己又望自己件衫咁囉........
係啦....無野.........啦................
肯定盡有d野我係唔記得的,
但係記得幾多都打出黎,
其實目的只係想自己日後睇返或者可以記得呢個夢。bye- -
對不起,識做又唔做,我呢條友好矛盾。 |
« | 10 | 11 | 12 | 13 | 14 | 15 | 16 | 17 | 18 | 19 | ... | 32 | »
|
