| «‹ September 2026 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | |
|
2007 年 5 月 26 日 星期六  |
| 重溫 |
分類: 未分類 |
唉,係菇校睇見d同學重溫緊d畫面,
真係好鬼想係現場睇!
話說,sammi(後稱阿mi)演唱會第一場菇仔去左做觀眾,
攞住兩支bombom棒一時托住個下巴;
一時咁又咁咁咁,
玩左好多種玩法。
之後24號果場菇仔做嘉賓,
著左差利衫(呢排個look多數咁著),
唱左我們的主題曲同光明會,
盡有無唔知.........
到左尾場的25號,
菇仔又做嘉賓,
有菇同學咁講:
「不過今晚真係好好睇,我仲以為昨晚miss咗無得再睇潻,
好彩劉華遲咗由cc頂上,我先有機會重睇佢兩位咋,
勁開心,仲未興奮完添!」
喔喔,原來如此,
之後我一口氣睇左好幾、十版回覆(同一個post),
cope d出黎先.....
一張相先:http://i23.photobucket.com/albums/b367/lamgoo/hofunc2.jpg
咦!唔知你地睇完有咩反應呢?
(乜水黎架,咁的樣!)
(爆笑?不過其實我覺得唔知頭唔知露咁無啦啦睇張相唔會爆笑得出。)
(見到菇同學回的反應通常係:笑死左、白痴、on居)
好!!!start!!!!
「頭先阿mi又請佢出黎
佢一開始就lup住阿mi 一開場帶個個黑色假髮
之後又un又un扮型出黎
扮阿mi 一開場個時.
佢黎手pat左個假髮.」
「之後呢
咁佢地番唱番阿mi個時2003年既玫瑰與家明
嘩
佢地望住上面個mon話唱k.其實佢地真係播住ktv
咁中間何就係咁亂講d對白
唔知咩... 奶奶... 個晚我地o係柴房... 咩過左晚....
我地個骨肉又唔知咩咩咩....
扮曬高音甘
阿mi請佢出黎個時.
阿mi話好珍惜佢依個好好既朋友
因為本身佢想唱一首法文歌但又唔識法文
何想爭住講野. mi叫佢唔好嘈聽佢講埋
咁mi就問佢d同事
話何d法文lack lack 聲.
有晚阿mi 半夜3更成3點幾. 打比何叫佢教佢法文
何就3點幾爬左上去佢屋企
阿mi話好多謝同埋好感動」
「仲有何唱光明會個時.
成場係第一次企曬起身
個d 200蚊飛個d巴巴聲係咁起身
聾左.
之後何走左個個都冇坐番低一等拍bom bom等到阿mi出黎.
最尾個時.
即係阿mi話最後一首歌你地想聽就嗌encore la
咁 個個坐panel 位既嘉賓都走曬咁濟
何好似帶埋阿vic同25個d出黎睇
仲係咁拎住兩支野指揮下面d人叫啦叫啦叫啦
佢指揮左好耐阿mi先出黎.
因為ah mi在後台食緊豬肉干.
佢仲拎住豬肉干同埋支好大既珍寶珠出黎食住唱. 」
「阿係呀
仲有架
佢地玫瑰家明緊個時
唱完愛你個時啦
何就係咁um自己個褲袋.
um um um
um左隻貌似太空館甘既形狀既介子出黎
帶左o係阿mi geh食指度
阿mi邊唱邊舉住隻手指」
以上連續的其實都係出自同一位菇同學!
之後係來自報紙的......
「她又爆和Sammi玩MSN時不可離開電腦，一旦離開五分鐘，
她就會狂打問號，問去了何處。」by大公報
引用住咁多先啦,
kakaka又唔洗我打啦!yeah!
唉,唸住去片既,
但何耐盡有排dl......
下個post post..........
唉....假如而家的我係做緊野,
有穩定的收入,
可能會去睇.......(馬後炮)
不過咁,大過左之後的朋友都係大過左,
到時想出funtion/睇下show都有人陪呀,
而家呢.....搵鬼會去咩.........
查實我都好想去新城果個音樂會,
&then之後果幾個show都想去,
老實講,個個show都想去。
遲下開多個yahoo blog簡簡單單咁圖文並戊,
去唔去睇住君選擇,
當然.....未必岩個個睇既..........
對不起,往事真的只能回味。
|
| 2007 年 5 月 19 日 星期六 |
| 熱衷 |
分類: 未分類 |
中文話劇,我喜歡這課。
唔識我的人以為我淨識木口木面,
識我的人以為我好正經,
熟我的人以為我人格分裂,
你是那一類?
我都唔知點解,
只要一熟左,我可以扮鬼扮馬,
暗串明串條條刺,
發火發冷樣樣得,
攪爛攪冷gag gag gag,
掃哂人地d興都盡識。
所以,自己唸下同我熟定唔熟好啦。
不過熟的人其實知唔知,
我係學校同唔係學校可以有好大分別?
我係有人陪同無人陪之下又好大分別?
唔知都無關係。
講番正題,當miss話我地要做話劇的時候,
知唔知我第一時間唸起咩?
嗯嗯,超級爛級熟我的人會知.....
睇過我個blog的人之中僅得......1個掛.....蛋仔..........
梁祝下世傳奇。
唔好講笑,
13年來第一次睇的舞台劇就係佢啦,
好慶幸我之前未睇過舞台劇,
可以再將我的第一次俾佢。
呀,盡有係第一次自己買的DVD,yeah!
但係估唔到,當我行過去個方小姐度,
佢竟然同我講.............
佢想做梁祝。
當然,我知佢唔係因為唸起梁祝下世傳奇而想做,
事實都係唔係。
後黎真係就度好個稿的時候,
係我同尹先生走先好多步的果日,
佢地一行四人去左搵miss傾旁白的野,
其實我到而家都唔知佢地傾咩野.......
就係果日的之後果日,
我地集隊的時候,
係我後面企的張小姐叫我搵化蝶,
我下!
之後我前面岩岩行到過黎企的方小姐就話,
佢地琴日搵左miss,
miss問佢地係米因為何韻詩果個舞台劇而想做梁祝,
(類似啦,唔記得呀方小姐的用詞)
佢地話唔係,講話佢地無睇過,得我一個睇過。
miss叫佢地搵d音樂,之後就叫佢地搵化蝶啦。
wawa,miss咁有慧眼咁識貨我緊係開心啦,
但係當我唸到因為唔想帶隻碟番黎整花,
姐係....迫住要做侵權的野.............
唉,好矛盾,又想播菇仔的野又唔想整花隻碟,又唔想侵權,
最後唸住搵呀尹先生cope碟,
我真係唔想自己親手去侵權,
雖然事實係無咩分別,
但起碼我會舒服d,
不過呢,到而家最後,
我唔係用化蝶,
我係用撲蝶、蝴蝶結mix,
當然係我自己cut埋一齊,
大細聲都較埋,個人覺得,正!
唔係讚我,係讚d歌本身正!
我地個劇本總共有42xx字,(其實唔止)
有30xx字係我打的,
係印劇的期間出現左好多問題,
最令我無奈的係,
另一個打的人將佢個結局sd左俾我之前又加野,
加完又唔sd俾我,
到最後用我整好的印出黎,
係另一日就發現有d地方無左幾句,
盡搞到個個以為我唔小心cut左搞成咁,
哈,好笑,知唔知有咩野好有用但偏偏你覺得擁有唔係好事?
就係對某d細節部份有好強的記憶力,
即使係睇過一次,聽過一次,做過一次,
都可以好肯定自己無記錯!
點解唔好?就係因為其他人無,
無人信自己無人相信個事實同佢地的記憶唔同,
係呢個時候,就算係搵到第一手資料證明係佢本身就無sd俾我,
都係用,點解?
因為咁樣佢地又會肯定係我自己唔小心cut完save左唔記得!
盡會覺得我咁樣咬住邊個做錯唔係自己的問題,
令到呀邊個邊個唔開心係好唔要得的事,
就算人地係錯都唔應該澄清自己無錯。
我講真,真係無用,呢樣一定要做錯野果個人承認番自己的錯誤,
我先可以尋冤得雪。
我無信心有呢一日,
包括即使角色掉換。
係米覺得講左一大輪我都唔似有入過正題呢?
唔係?咁你太唔得啦,要睇就認真d睇先得架。
係?咁你就錯啦!我一直都係講緊個正題。
其實呢,係咁的,
初初我覺得呢個只係一個普通的project,
打完字,求求其其讀到個稿無語氣都無所謂,
到左演出記得對白就得啦,
但到左making of的中期,
突然間有股熱衷叫我振奮,
突然間我覺得要做好呢個劇,
突然間令我對呢個劇好著緊。
當然,就算幾有熱衷唔夠能力的係唔得既,
順便講講我好唔鐘意到自己唯讀果陣講慘野都笑住講,
又要話自己無笑,聽極都唔收下的人,
之後盡要有人幫佢話唯讀讀咋嘛,
笑都得既咁,
果陣好想打佢,
笑住唯讀你不如唔好讀,
講慘野都笑住黎讀,
我feel唔到佢的語氣營造到個慘情的氣氛出黎wor,
就算係無天份都唔緊要,
最緊要唔好係自己有笑話無笑,
連自己問題係邊都唔知的人,
我唔覺有認真過!
盡有,我地係做話劇唔係鬧劇,
d語調簡直過哂火,
講到好似唱大戲咁拉高哂,
唔洗問係覺得咁樣自己扮得好入戲,
唔知原來係好唔掂,
不過我呢個都費事話佢,
因為我都知佢真係有練過,只係唸錯隔離。
係啦,見到火都黎的話就睇睇我之後果幾句啦,
我只係講有咩問題,有咩唔得,
無提過一隻半隻字係講我都做到,我勁多多聲之類的野,
所以唔洗話淨係識話你,你自己做到咩?黎問我,
睇完快快趣趣去飲杯涼菜降下火,
我呢到無退熱貼提供,不便之處,敬請原諒。
以上純屬個人意見,並非其他人事物的立場。
我依然想做好呢個劇,
但我覺得唔會比預期好,
因為我知道,我盡未夠薑。
對不起,個劇有無靈魂我答不到你。 |
| 2007 年 5 月 10 日 星期四 |
| 菇仔 |
分類: 未分類 |
菇仔!!生日快樂!!!
日日開開心心,愈黎愈靚型英帥正!!!
菇體健康!!!事事順菇!!!
半年啦,係半年前就係因為moto明的廣告,
我竟然係youtube睇左菇d野成十二個鐘多,
搵埋菇blog菇校出黎,
做埋菇校學生,
然後為左睇演唱會買fan club飛入fan club,
睇埋演唱會,
直到而家,
菇令我做左好多未做過的野,
令我改變左好多,
自己一個出市中心,
自己一個去睇演唱會,
自己一個去出function,
由覺得d fans無聊變左自己都無聊埋一份,
由一隻正版唱片都無買過變左有十幾廿隻菇碟,
係某d時候都依然變得開心好多,
真心去酒樓飲,真心去人地大壽............
有數之不盡的改變,
都係菇令我的生活變得豐富左,
就算點,菇仔永遠都係我idol。
我唔會好似某d人咁轉黎轉去,
唔會有第二個係我覺得值得我去鐘意。
菇仔,生日快樂!!勁快樂!!極快樂!!
一切就係因為粒低b菇而改變。
We Stand As One!!!!!!!!!!!!!!!!!!!!!!!!!!!!!!
對不起,搞到你地無野回應。 Thursday, May 10, 2007 |
| 2007 年 4 月 24 日 星期二 |
| 大集匯 |
分類: 未分類 |
沒什麼,只是將所累積回來的感受綜合起來。
當初,知道身邊的人都不欣賞我所欣賞的的時候,
真的感到有一點沮喪,
那時,我決定不向他們分享這些,
因為即使說了,他們只不過會潑我冷水,
只認為是我先入為主,
因為喜歡所以欣賞,
因為喜愛所以讚賞,
因為愛好所以偏袒。
對牛彈琴還比這樣好。
日子久了,我欣賞的多了,
質疑我所欣賞的的人話語多了,
雖然我沒有把那些放在平時的話題,
但有時仍會被提起,
我不懂回答,
一點也不懂。
選擇了逃避,
選擇了不讓他們了解真相,
放棄向他們解釋。
日子久了,
看著別人成功的事例,
讓我熱心再起,
我不選擇逃避,
我間中就會找機會提起有關的事,
在不同方面展示我所欣賞的是真材實枓,
結果雖然沒有我期望中的好,
但至少在這段日子,
讓他們有少許的改觀,
至少不是抱著厭惡的心態。
那個時候,我也因此敢於在口邊經常提起,
經常說起,
雖然,我知道每當我想描述一件事時,
都吸引不到人,
都令人一頭霧水,
這是因為我一向在口頭的表達能力都差劣,
每每把事情複雜化後再以含糊的說話,
混淆不清的次序毫無層次地說出......
但我仍然嘗試,
即使每次的結果都是等於沒有說過。
再過了一陣子,
在過往的努力下,
終於令一個人有270度的改觀,
我的努力沒有白費,
原來要爭取別人的認同是非常漫長和艱辛的路,
但每當發現自己沒有一丁點的對象可分享開心的感覺,
沒有人明白樂趣何在的時候,
真的很想有至少一個人有少許共鳴,
於是我抱著希望繼續走這條路。
期間,我又一次又一次地看到別人碰到有所共鳴的人,
既是羨慕又是傷感,
羨慕別人找到了,
傷感自己識不了。
看到別人的成功,
免不了抱著更多的希望去嘗試改變別人的看法,
希望可以找到一個這方面的知己。
希望越大失望越大,
在走這條路的期間,
實在有太多荊棘了,
在荊棘滿途的道路上行走,
無可避免會被微小的刺刺傷,
可能這些微小的傷口沒有什麼大不了,
但當走到滿身傷痕纍纍的時候,
才發現那些微小的傷口已經積少成多,
難免開始有些失望的感覺。
不過,在這時,
我所說的那個改觀了270度的人又再給予了我動力,
這個人讚賞我所欣賞的,
這個人向身邊的人讚揚值得欣賞的地方,
而後來,這個人身邊的人也有明顯的改觀,
在不久後也讓我親眼看到那句讚賞的話,
泛起了那絲絲的感動,
讓我那些傷痕痊癒了不少。
還以為他們也能像那個人和他身邊的人一樣,
可以認同我所欣賞的其中一點點,
可以讚賞一下那些值得欣賞的地方,
沒想到,這是遙不可及的妄想,
從來,他們沒有想過沒有說過半句真心讚賞的說話,
不要說讚賞,
只是真心耐性地聆聽我所欣賞的事,
可讓我分享一少少的快樂的都沒有過。
可能我當初就不應選擇相信他們的分辯能力,
或是相信他們是懂得做別人朋友的伙伴。
今天,我滿身荊棘的倒下了,
我投降了,我會認命的了,
我沒有運氣可交上知己,
我沒有緣份可遇上同類,
就像失散到異族的領域裏,
沒人願意分擔我這個異類的快樂與痛苦。
我承認我的失敗;
我承認我的眼光差劣;
我承認我的膽量小;
我承認我的能耐不足;
我承認我的力量不夠。
來吧伴我飛 不休不睡去飛
來盡力忘記 兩腳降落何地
若記憶憑據 到某一天告吹
回望即使太蠢 都相信我做得對
原來風雪可以使我堅壯使我堅強
假使敢望與想 假使天真的唱
我也會笑容漂亮
原來歲月太長可以豐富可以荒涼
能忘掉結果 未能忘記遇上
在努力的過程中,
雖然只有一點得著,
但當中所經歷的挫折,
也叫我珍惜所得到的,
多謝你,多謝你的朋友,
多謝你們曾經給她的讚賞。
對不起,我還是放棄了,就讓我原諒愚昧的他們。 |
| 2007 年 4 月 19 日 星期四 |
| 拖 |
分類: 未分類 |
等,等待機會;拖,拖泥帶水。
某天,發現了一隻一直很想找到的碟在某個拍賣網上,
以算是便宜的價錢出售中,
本來已有三個人完成了交易,
看了他們的評語也覺得應該不會太差,
過了兩、三天,
有一個應該跟我一樣是香港Gootoe的人要了,
幸好那個賣家還有,
因為直接在銀行匯款所收的手續費昂貴,
所以想試試用中國郵政的網匯e,
於是不停催促某人去那邊替我辦理,
事隔了一段日子,
她才肯去那邊,
我等了她兩天,
她終於在臨走前打電話回來,
我當然順道問了有關我托她幫我做的事,
結果,她給了我一個令人失望的答案,
「火車站那邊的郵局都說沒有,要去總局才有,
現在已經夜了,去那邊很危險,所以要回來。」
好吧,過了一段比上次還要長的日子,
在這段日子期間我發現網上銀行那個服務都是不用付手續費,
於是打算要她在網上開通,
怎的,她不肯在網上開通,
不斷問我有沒有其他銀行,
看看這間銀行...看看那間銀行,
其他的都要親身到銀行辦理,
她就是偏要選擇麻煩的那個,
是次她選擇了某間很近的那間銀行辦理。
於是,如事者等著等著,
她仍未要去那邊,
我間中問她到底什麼時候去,
她永遠給我的答案是,
「我不能給你一個日子。」
只要我不提,她就沒有去那邊的意思,
終於,今天她從那邊打來,
說了一段話就掛線了,
後來我想起她在電話中說她還在那邊,
於是我再打給她,
問她有關辦理網上銀行那個服務,
第一次答「放心我叫了某某買東西給你們吃!」,
我再問,
第二次回答「行了,我叫了某某買給你們。」,
我繼續問,
第三次回答「銀行.........」(我不知道她在說什麼),
我問第四次,
第四次的回答「銀行.........」(又是那段不知什麼的說話),
我實在忍受不了她的語語無倫次,
第五次的再問她,
這次的回答「喔,支付寶,我問了銀行,說要再申請多個帳戶,
很復雜,下次再辦,我今天做了很多事,去了那裡..又去了這裡...沒有時間。」
本來不就是說這個會麻煩很多的嗎!?
不就是說了嗎?
難道沒有說過了?
不肯要快捷地在網上辦好那個,
又要堅持這個,
然後又告訴我下次,
一次又一次地令我失望,
每次給我一大堆藉口就算,
有想過機會不是只等待我的嗎?
到底明白明白,
那樣東西不是什麼垃圾,
不是只有我想要,
不是放著沒人要等我來買的!
這是很多人都在找的,
可知道嗎,這裡賣$95,
那裡其中一個是由$150起bid,
那些人爭著要,
最後賣$360。
明白嗎?
未打電話前,我還去到那個拍賣網再看該東西的情況,
發覺原來在我等待的期間,
又多了一個人購買,
我不知道賣家還有多少,
但一定不會多,
可能只剩下一隻,
還有,前天已經有人向賣家留言加了qq,
要談有關這東西的事,
若果那個人真的要買,
如果那是最後一隻,
你可在哪裡再找一隻價錢相同的給我?
即使你給錢我買我又買得不甘!
況且,在被人拖了一之又再拖的期間,
雅虎拍賣內的已經賣光了,
知道嗎,是有錢也買不回,
很多人都在找都找不到,
你認為你不會逛唱片舖的人可以找到嗎?
下次,每次的下次都要好十幾廿天,
等到嗎?有這麼多時間給我等你嗎?
很失望,很失望,
你一而再再而三的令我失望,
迫使我對你毫不信任,
這算什麼!這麼簡單的都拖了整整一個月,
假如真的連最後一隻也沒有了,
即使站在我面前讓我打讓我罵,
我也不會不會下到那道氣,
我不是要這些,
我要的只是那隻東西而已,
不要再叫我失望,
不要令我對你絕望。
對不起,機會真的懂得飛。 |
« | 12 | 13 | 14 | 15 | 16 | 17 | 18 | 19 | 20 | 21 | ... | 32 | »
|
