今日達達生日 原本我唔去唱k架 不過後尾都搵埋嘉駿去佐 因為我想開心d 點知唱佐好耐d傷心既歌 橫掂係旺角 順便去見見靜怡家姐啦 原來佢返工個樣好好笑架 2點幾返到黎 搭小巴個陣又諗返同呀嬋出去個次 搭小巴搭到我勁想嘔 佢勁關心我 係咁問我有冇事 今次仲辛苦呀 因為冇佐呀嬋既關心

今日原本諗住乖d唔出街 點知我家姐叫我陪佢過天濤剪頭髮 諗佐勁耐都係搵埋嘉駿去佐 但驚呀嬋唔想見到我 特登係翠屏出面等 勁開心 見到佢 不過好可惜呀 唔可以光明正大望 我相信佢一定會搵我架

今日上完差館 差佬話2月9日見警司 睇警司點 入唔入去同上唔上庭佢話事 部電話要有排先拎得返 同契家姐講上完差館 佢勁緊張我 同家姐講我同呀嬋散佐 佢叫我唔好再諗 可惜我忍唔住又喊 呀嬋 你幾時先搵我 我以家最需要你關心 我唔知你係咪有佐第個 就當我地係朋友關心下我都好呀 我又傻傻地介佐你個sim字啦

今日又飲咳藥水啦 點解你唔搵我 你係咪真係咁憎我 我應成過你唔會俾你唔開心 你以後唔洗避我啦 我入佐去 你一定見唔到我架啦 放心啦 你離開我之後我晚晚都喊 哩十三日我過得好唔開心覺得好寂寞 因為冇佐你係我身邊 每晚發夢我都夢見同返你一齊 可惜可能冇時間等落去啦 我真係好辛苦呀 個腦係咁出現返以前既野 以前你會叫我早d返屋企 驚我餓親會胃痛會買野食俾我我唔肯食你會餵我 我病佐你會比平時更錫我 tum我食藥 我仲記得個次飲醉酒我涷到係咁震  你一直摟住我直至我清醒返 我仲記得你你唔俾我穿短褲落街次次穿你都會打我 因為你驚我涷病佐 我記得你最鐘意海濱 因為你最鐘意海 但同你散佐之後 我都冇去過啦 因為我要等你同返我一齊之後我陪你去 至此散佐後 我冇係屋企食過飯 好似有厭食症咁 我日日都買定成百紋零食拎定兩包紙巾等你搵我個陣有得食同有得用 以家我早佐返屋企啦 都冇咁憎屋企啦 飲野冇再咬吸管啦 約佐人會提早出唔遲到 冇飲咁夕可樂啦 冇再玩人啦 我真係改佐好多架啦 點解你仲唔返黎我身邊 我真係好需要你 求你俾多次機會我呀

過埋聽日冇啦 真係好想走前見見你 我已經有定心理準備入去啦 只希望你唔知發生咩事啦 唔想再有人擔心我啦

前日上佐差館9粒鐘 第一次坐入面 好撚陰公囉 琴日打俾呀嬋又話晏d打返我 點知冇 我只係想同你講遲d可能冇機會見你姐

今日我特登等佢放工 點知又失敗佐 見唔到佢 但我唔會放棄 一直等

今日剪佐個柒頭 又出佐去打邊爐 原本我特登係火車站為求見老婆b一面 點知等佐勁耐都等唔到 就過佐大家樂 之後飲酒飲到成點先返屋企 冇醉到但好頭痛仲忽冷忽熱 我會一直你落去架嬋b

今日佢冇搵我呀 鳴鳴

今日勁開心呀 因為呀嬋主動搵我